للرجال فقط ( ممنوع دخول البنات) : هاتعمل ايه لو ...؟

**M.Mostafa80** · 31-05-2009 12:47 AM

هسيبها وهى هتقول حقى برقبتى ودا حصل فعلا مع أنا الشغل جنب البيت

**أبو صلاح** · 31-05-2009 01:26 AM

المشاركة الأصلية كتبت بواسطة Dr Zezo

تشتغل ابدا مستحييييييييل

نعيش علي قد شغلي و بس

الرجل هو الملزم بالانفاق علي بيته بما يتناسب مع دخله و بس

الموضوع دا كبير اصلا

انت تقولي و هي كانت بتتعلم ليه؟

اقولك و هي المرأة لما تكون متعلمة و فاهمة كويسة و تقعد في البيت تهتم ببتها و تربي اولادها تربية سليمة تبقي خدامة و لا انا حطيت من قدرها !!!
اما الام اكتسبت مكانتها العظيمة في الدين منيين ؟؟ من شغلها وانها تجيب فلوس و تأكل اولادها من كنتاكي ؟!!

و انا النهاردة لما اكون واقف في الشارع و شايف اطفال المفروض البراءة لسه في اعينهم و بيتصرفوا بشكل مقزز " و لا انا بس اللي بشوف الحاجات دي"

و بعدين انا راجل وظيفتي اعيش مراتي و اولادي و اصرف عليهم يجي علي يوم و في خناقة كده اذل مراتي اني بصرف عليها حد سمع عن حاجه كده!!ليه لأني بعمل الطبيعي و المفروض علي ومفيش مثلا اب بيأكل اولاده ويذلهم بالأكل!!

انما الست الامورة اللي بتشتغل اول خناقة يبتدي اللحن "سمعناها كتيييير في المشاكل الزوجية بين الاقارب و الجيران" انا باشتغل و اتعب و باصرف علي البيت زي زيك ولو راجل لقعدني في البيت

تجي تقولي اااااااااه الشغل سلاح افرض جوزها مااات تعمل ايه هيه و العيال
اقولك درء المفاسد مقدم علي جلب المصالح

و عمل المرأة اي كان - في رأي الشخصي - مفسدة كبيرة
و انا اعلم ماذا اقول و ضعاف النفوس اكثر من الهم علي القلب و لا ايه؟!!

المهم في كل ده اني لسه ما تزوجتش .... ربنا يستر

بجد ايه التشدد الفظيع ده؟
امال لما تجوز هتعمل فيها ايه؟
هتلبسها اسود في اسود وممنوع الشبابيك والخروج و و و و و و

**أبو صلاح** · 31-05-2009 01:27 AM

المشاركة الأصلية كتبت بواسطة m.mostafa80

هسيبها وهى هتقول حقى برقبتى ودا حصل فعلا مع أنا الشغل جنب البيت

ههههههههههههه
ياريت كلهم كده

**zocor742** · 31-05-2009 01:45 AM

هو الموضوع عندى واقف على كذا نقطة
اولها لو الشغل دة هيأثر على البيت وتربية الولاد ودورها وواجبتها الزوجية يبقى مفيش داعى منة ولو ملهوش تأثير يبقى نفكر فى كذا حاجة
قبل اى حاجة اكيد الواحد واثق ومتأكد من سلوكها خارج البيت وعارف هيا هتتصرف ازاى فى اى حال من الاحوال وطالما فى ثقة عمياء يبقى هنفكر فى
طبيعة الشغل دة والجو داخل العمل دة عامل ازاى مع ناس محترمة وبتراعى ربنا والعلاقة بين الموظفين فى حدود الشغل فقط بيقى اية المانع
وطالما انت عتدها الحرية هيا الى هتقرر بعد كدة الشغل دة هيمشى معاها ومناسب ليها ولظروفها ولا لأ

**Dr Zezo** · 31-05-2009 02:07 AM

المشاركة الأصلية كتبت بواسطة أبو صلاح

بجد ايه التشدد الفظيع ده؟
امال لما تجوز هتعمل فيها ايه؟
هتلبسها اسود في اسود وممنوع الشبابيك والخروج و و و و و و

ابدا و الله لا تشدد و لا حاجة دي خبرة حياتية .....

التشدد مثلا ان في راجل يمنع زوجته انها تزور اهلها الا باذنه و باخطار مسبق

ولا اللي يحافظ علي اهل بيته يبقي متشدد؟!!!

**michohat** · 31-05-2009 02:31 AM

طبعا مش عندى مانع خالص انها تشتغل ( طبعا حقها )
بس بشرط الشغل مش يأثر خالص على البيت واستقرارة ( ده حقى)
واسبها هيا بقى تشوف وتقرر ( طبعا استحالة تظبط الشغل مع البيت وتدى اولوية للبيت)
فكده القرار اللى هى له من غير ما افرض عليها حاجه ان الافضل انها تتفرغ للبيت ( قصدى مش تعسكر فى البيت برضه ليها هوايات واهتمامات ) و تتفرغ لتنشئة النشئ الصالح و طبعا هنا دورها الاساسى اللى مفيش حد يقدر يعمله غيرها وهو التربية والتنشئة الفكرية والدينيه والصحيه

**mr_kenawy** · 31-05-2009 06:13 AM

و هو لا مؤاخذة الرجالة لاقية شغل لما الستات هتلاقى شغل؟
اديلى سنتين بدور لمراتى (ليسانس حقوق) على اى شغل مناسب و مش لاقى
انا خلاص زهقت من تفرغها التام ليا , ما ورهاش اى حاجة غير الخروج و الفسح و الخناق معايا , عمل المرأة بيفرغ طاقتها و بيشغلها و بيمنع المشاكل فى البيت.

**Abo.Omar** · 31-05-2009 06:17 AM

اقولك و هي المرأة لما تكون متعلمة و فاهمة كويسة و تقعد في البيت تهتم ببتها و تربي اولادها تربية سليمة تبقي خدامة و لا انا حطيت من قدرها !!!
اما الام اكتسبت مكانتها العظيمة في الدين منيين ؟؟ من شغلها وانها تجيب فلوس و تأكل اولادها من كنتاكي ؟!!

و انا النهاردة لما اكون واقف في الشارع و شايف اطفال المفروض البراءة لسه في اعينهم و بيتصرفوا بشكل مقزز " و لا انا بس اللي بشوف الحاجات دي"

و بعدين انا راجل وظيفتي اعيش مراتي و اولادي و اصرف عليهم يجي علي يوم و في خناقة كده اذل مراتي اني بصرف عليها حد سمع عن حاجه كده!!ليه لأني بعمل الطبيعي و المفروض علي ومفيش مثلا اب بيأكل اولاده ويذلهم بالأكل!!

**MohaMed_Refaat** · 31-05-2009 08:02 AM

عادى جدا مفيش مشكلة طالما شغلة محترمة ومواعيدها مناسبة وشغلة مناسبة اية المشكلة ::
انا على فكرة خطيبتى شغالة مدرسة انجلش فى مدرسة خاصة ومعنديش اى مشكلة فى كدة خالص ...

**الطنطاوي** · 31-05-2009 09:07 AM

في عنصرين مهمين في الموضوع ده :

الحاجة للعمل وطبيعة العمل

* لو فعلا البيت محتاج دخل إضافي لا يستطيع الزوج تحقيقه فهذه ضرورة لعمل الزوجة بشرط تحقق العنصر الأخر

* طبيعة العمل وفيها أكتر من عامل

1- لازم ما يكونش في الاختلاط اللي يخلي الست بتكون مع الرجالة اللي معها في الشغل أكتر ما تكون مع زوجها.
وده بيأدي إن الست بتتأثر ببعض الرجال من حولها دون أن تشعر فهذه طبيعة إنسانية أن الأنسان يأنس بمن اعتاد على التعامل معه

2- حاجة المجتمع لعمل الزوجة مثل الطبيبة والمدرسة وظابطة الأمن وغير ذلك من الوظائف التي تحتاج نساء لرفع الحرج عن الأمة

3- قد تكون الزوجة عندها من المواهب والميول التي قد تستفيد منها وفي هذه الحالة يجب على الزوج أن ينمي هذه المواهب ويوظفها بشكلها الصحيح على سبيل المثال بعض الزملاء زوجته بارعة في الجرافيكس وتحب ذلك جدًا فهذا الأخ الفاضل ساعد زوجته على تعلم المزيد من هذا العلم باحضار الكتب والتشجيع وفي نفس الوقت كان يبحث لها عن شركة تقبل بأن تعمل زوجته لهذه الشركة من البيت وبالفعل وجد شركة تقبل بهذا.
والأن هذه الزوجة تعتبر من المحترفين

3- أن لا يؤثر عملها على الاهتمام بالبيت وخاصة تربية الأولاد فهذه الأمور أهم بكثير من العمل

تحياتي

مشاهدة نتائج الإستطلاع: الهانم عايزه تشتغل

الموضوع: للرجال فقط ( ممنوع دخول البنات) : هاتعمل ايه لو ...؟

LinkBack

أدوات الموضوع

عرض

-

-

-

-

-

المواضيع المتشابهه

ممنوع دخول الأطباء أقل من 40 سنة

أرجو دخول البنات والسيدات فقط

موضوع حصل بالفعل ! ممنوع دخول المكتائبين

للمحايدين فقط (ممنوع دخول غير المحايدين )

الكلمات الدلالية لهذا الموضوع

المفضلات

المفضلات

ضوابط المشاركة