لو (خطيبتك - مراتك ) قالتك انها عايزه تشتغل هاتقولها ايه؟
لو (خطيبتك - مراتك ) قالتك انها عايزه تشتغل هاتقولها ايه؟
هقولها معندناش حريم يشتغلوووووووووو و اديها قلمين و اقولها يلا اطلعى على الحرم لك لحد ما اجى
ههههههههههه بهزر طبعا
انا اساسا مليش رأى فى حاجة زى كدا يعنى هى اتعلمت و اهلها صرفو عليها دم قلبهم عشان تتعلم و تتخرج و تشتغل و تلاقى نفسها وانا اجى عالجاهز اقولها مفيش شغل دا ايه الانانية دى
وجهات النظر مختلفة فى الموضوع ده...انا عن نفسى لو شغل مناسب و مواعيده مناسبه و مش حتشغلها عن بيتها و اسرتها و حتقضى فيه رغبتها انها تشتغل بدون عناء مفيش اى مشكلة.
تشتغل و تحقق طموحها بملا يتعارض مع مصالح الابناء و البيت
تحاول التوفيق
تشتغل اية المشكلة
1-لما تيجى تقولك عايزه اشتغل اولا 8 ساعات بره البيت لو مكانش اكتر كمان هاترجع تعبانه . بفرض انها عملت الاكل وشافت كل الواجبات اللى عليها وكل يوم من دا لحد ما تيجى ففتره تلاقى لاشقه متروقه ولا غدا جاهز وانت ميت من الجوع .... الخ وتقولك منا لحم ودم ومش عارف ايه منا الصبح فالشغل وطلعان عينى انا هلاحق عالشغل ولا على عيالك ولا ع الشقه . يبقى انا بظلمها لو قولتلها تعمل حاجه لانه هايكون على حساب مصلحتها يبقى مين اللى له الاولويه
2- السفاله وقله الادب اللى بقينا بنشوفها اليومين دول تخلى الواحد يقفل على مراته واخته او حتى امه باب البيت بالمفتاح ومتخرجش ابدا الا معاه يبقى انا كده بحبها وبحافظ عليها
3- انا شايف ان فى اى حال من الاحوال ان الراجل هو اللى اتكتب عليه البهدله والشغل وهى تقعد فالبيت زى الهانم تقوم واجباتها المنزليه ومع الاولاد مش اكتر
4 - البلد بالمنظر دا محدش من الشباب لما نص العماله بقت ستات واقهاوى كله بقت عواطليه هيشتغل ودى نقطه مهمه ياساده وانا عارف ان دى غلطه البلد بس اهه وضع واتحطينا فيه
معلشى انا طولت بس اصلى دخلت مع واحده زميلتى نقاش امبارح حااااااااد فالموضوع دافحبيت اعرف ارائكو
انا بنت وكنت عاوزة ارد بس اسيبكم براحتكم واشوف اجابتكم تطفل مش اكتر
هو انا مش كاتب ممنوع البنات :36_1_1[1]:
ع العموم منوره يا قمر
هوافق وأشجعها تحقق ذاتها
لان اكيد ده هيفيدها نفسيا ومعنويا وهيفيدنى انا كمان
هو ليه دايما بنتعامل مع الزوجة على انها الشغالة اللى جبناها تنضف و تعمل الاكل ؟؟ هى مش زيها زيك ؟؟ ولا انتا احسن منها ؟ ليه متعملش زى ما هى بتعمل ؟؟ طبعا انا عارف انى بدن فى مالطة و انى بتكلم مع الشعب المصرى التقليدى اللى مبيفكرش فى الحاجات المسلمة و البديهية لكن بجد ايه المشكلة لما تشتغل ولا عاوزينها تقعد فى البيت تعمل كل شغل البيت و احنا اللى نخرج نشتغل و نخرج بالليل و نعمل اللى على مزاجنا و هما قاعدين فى البيت يخربيت الملل يعنى
هو انا لما احافظ عليها من (المواصلات - الحر - المعاكسات او التحرش -اخاف على صحتها ) واطلب منها انها تقعد فالبيت يبقى كده جاريه؟؟؟
ياراجل دى لو عرفت انى بخاف عليها كده تشكرنى
وبعدين محدش ابدا قال اننا نخرج بالليل ونسيبها مرميه كده ولا الخروج مينفعش الا مع الصحاب
ممكن تقول رأيك انك بتحاول تحميها من الحر لكن مينفعش ابدا تقولك لا انا عاوزة اشتغل و دى رغبتى و انت تقولها لا مفيش شغل لو هى موافقة بقا و اتنازلت هى حرة هى دماغها كدا لكن لو واحد طموحة و عاوزة فعلا فعلا فعلا تشتغل لانها عاوزة تشتغل لانها انسانة يبقى مينفعش تجرب على كدا
سؤال اولا
هي لما هتشتغل هيكون الشغل ليه؟؟
هل هتساعد في المصاريف بتاعت البيت
ولا عشان الزهق فقط ؟؟؟
ساعتها ممكن الواحد يقرر
لا مش عارف اقرر علشان انا لا خاطب ولا متزوج
بس لا اعتقد اني هرفض
هو في وجهتين نظر
1- تشتغل مفيش ادنى مشكله ودا حقها في اثبات نفسها وتحقيق طموحاتها
2- متشتغلش لعدم ثقتي في المكان والاشخاص اللي بتشتغل معاهم وعدم ثقتي في الناس الموجوده في الشارع
المشكله ان الشخص مننا ميقدرش ميخافش على احد حرماته في ظل البلطجه وقلة الادب اللي موجوده دلوقتي
انا دايما بقول انا ولد انا فاهم الولاد بيفكروا ازاي في الجنس الاخر يبقى اللي اقوله يتسمع عشان خبرتي المتواضعه تخليني اشك في اي شخص مهما كان هو مين واذا كان المفروض ان افترض النيه الحسنه الى ان يثبت العكس فده كان زمان (الدنيا فيها خير لسا )
انما الاوضاع دلوقتي متوحييش بكدا
فضلا عن ذلك فى اعمال لازم بعض البنات او الستات يقومو بيها
زى مثلا ضرورة وجود طبيبه مسلمه
( لان فى راجل بيغير مش عايز الست بتاعته تتكشف على دكتور غريب و فى كمان ستات وبنات مبيحبوش ده )
ودى ابسط الاسباب
وكمان ده بيسموه ف الاسلام
فرض الكفايه
بمعنى انها حاجه لازم يكون موجود اللى بيعملها ف المجتمع
هى بجد هتلاقى شغل فى البلد
تشتغل ابدا مستحييييييييل
نعيش علي قد شغلي و بس
الرجل هو الملزم بالانفاق علي بيته بما يتناسب مع دخله و بس
الموضوع دا كبير اصلا
انت تقولي و هي كانت بتتعلم ليه؟
اقولك و هي المرأة لما تكون متعلمة و فاهمة كويسة و تقعد في البيت تهتم ببتها و تربي اولادها تربية سليمة تبقي خدامة و لا انا حطيت من قدرها !!!
اما الام اكتسبت مكانتها العظيمة في الدين منيين ؟؟ من شغلها وانها تجيب فلوس و تأكل اولادها من كنتاكي ؟!!
و انا النهاردة لما اكون واقف في الشارع و شايف اطفال المفروض البراءة لسه في اعينهم و بيتصرفوا بشكل مقزز " و لا انا بس اللي بشوف الحاجات دي"
و بعدين انا راجل وظيفتي اعيش مراتي و اولادي و اصرف عليهم يجي علي يوم و في خناقة كده اذل مراتي اني بصرف عليها حد سمع عن حاجه كده!!ليه لأني بعمل الطبيعي و المفروض علي ومفيش مثلا اب بيأكل اولاده ويذلهم بالأكل!!
انما الست الامورة اللي بتشتغل اول خناقة يبتدي اللحن "سمعناها كتيييير في المشاكل الزوجية بين الاقارب و الجيران" انا باشتغل و اتعب و باصرف علي البيت زي زيك ولو راجل لقعدني في البيت
تجي تقولي اااااااااه الشغل سلاح افرض جوزها مااات تعمل ايه هيه و العيال
اقولك درء المفاسد مقدم علي جلب المصالح
و عمل المرأة اي كان - في رأي الشخصي - مفسدة كبيرة
و انا اعلم ماذا اقول و ضعاف النفوس اكثر من الهم علي القلب و لا ايه؟!!
المهم في كل ده اني لسه ما تزوجتش .... ربنا يستر:36_3_10[1]:
هسيبها وهى هتقول حقى برقبتى ودا حصل فعلا مع أنا الشغل جنب البيت
هو الموضوع عندى واقف على كذا نقطة
اولها لو الشغل دة هيأثر على البيت وتربية الولاد ودورها وواجبتها الزوجية يبقى مفيش داعى منة ولو ملهوش تأثير يبقى نفكر فى كذا حاجة
قبل اى حاجة اكيد الواحد واثق ومتأكد من سلوكها خارج البيت وعارف هيا هتتصرف ازاى فى اى حال من الاحوال وطالما فى ثقة عمياء يبقى هنفكر فى
طبيعة الشغل دة والجو داخل العمل دة عامل ازاى مع ناس محترمة وبتراعى ربنا والعلاقة بين الموظفين فى حدود الشغل فقط بيقى اية المانع
وطالما انت عتدها الحرية هيا الى هتقرر بعد كدة الشغل دة هيمشى معاها ومناسب ليها ولظروفها ولا لأ
طبعا مش عندى مانع خالص انها تشتغل ( طبعا حقها ) :verygood:
بس بشرط الشغل مش يأثر خالص على البيت واستقرارة ( ده حقى) :star1:
واسبها هيا بقى تشوف وتقرر ( طبعا استحالة تظبط الشغل مع البيت وتدى اولوية للبيت):shyy:
فكده القرار اللى هى له من غير ما افرض عليها حاجه ان الافضل انها تتفرغ للبيت ( قصدى مش تعسكر فى البيت برضه ليها هوايات واهتمامات ) و تتفرغ لتنشئة النشئ الصالح و طبعا هنا دورها الاساسى اللى مفيش حد يقدر يعمله غيرها وهو التربية والتنشئة الفكرية والدينيه والصحيه
و هو لا مؤاخذة الرجالة لاقية شغل لما الستات هتلاقى شغل؟
اديلى سنتين بدور لمراتى (ليسانس حقوق) على اى شغل مناسب و مش لاقى
انا خلاص زهقت من تفرغها التام ليا , ما ورهاش اى حاجة غير الخروج و الفسح و الخناق معايا , عمل المرأة بيفرغ طاقتها و بيشغلها و بيمنع المشاكل فى البيت.
:verygood::verygood:اقتباس:
اقولك و هي المرأة لما تكون متعلمة و فاهمة كويسة و تقعد في البيت تهتم ببتها و تربي اولادها تربية سليمة تبقي خدامة و لا انا حطيت من قدرها !!!
اما الام اكتسبت مكانتها العظيمة في الدين منيين ؟؟ من شغلها وانها تجيب فلوس و تأكل اولادها من كنتاكي ؟!!
و انا النهاردة لما اكون واقف في الشارع و شايف اطفال المفروض البراءة لسه في اعينهم و بيتصرفوا بشكل مقزز " و لا انا بس اللي بشوف الحاجات دي"
و بعدين انا راجل وظيفتي اعيش مراتي و اولادي و اصرف عليهم يجي علي يوم و في خناقة كده اذل مراتي اني بصرف عليها حد سمع عن حاجه كده!!ليه لأني بعمل الطبيعي و المفروض علي ومفيش مثلا اب بيأكل اولاده ويذلهم بالأكل!!
عادى جدا مفيش مشكلة طالما شغلة محترمة ومواعيدها مناسبة وشغلة مناسبة اية المشكلة ::
انا على فكرة خطيبتى شغالة مدرسة انجلش فى مدرسة خاصة ومعنديش اى مشكلة فى كدة خالص ...
في عنصرين مهمين في الموضوع ده :
الحاجة للعمل وطبيعة العمل
* لو فعلا البيت محتاج دخل إضافي لا يستطيع الزوج تحقيقه فهذه ضرورة لعمل الزوجة بشرط تحقق العنصر الأخر
* طبيعة العمل وفيها أكتر من عامل
1- لازم ما يكونش في الاختلاط اللي يخلي الست بتكون مع الرجالة اللي معها في الشغل أكتر ما تكون مع زوجها.
وده بيأدي إن الست بتتأثر ببعض الرجال من حولها دون أن تشعر فهذه طبيعة إنسانية أن الأنسان يأنس بمن اعتاد على التعامل معه
2- حاجة المجتمع لعمل الزوجة مثل الطبيبة والمدرسة وظابطة الأمن وغير ذلك من الوظائف التي تحتاج نساء لرفع الحرج عن الأمة
3- قد تكون الزوجة عندها من المواهب والميول التي قد تستفيد منها وفي هذه الحالة يجب على الزوج أن ينمي هذه المواهب ويوظفها بشكلها الصحيح على سبيل المثال بعض الزملاء زوجته بارعة في الجرافيكس وتحب ذلك جدًا فهذا الأخ الفاضل ساعد زوجته على تعلم المزيد من هذا العلم باحضار الكتب والتشجيع وفي نفس الوقت كان يبحث لها عن شركة تقبل بأن تعمل زوجته لهذه الشركة من البيت وبالفعل وجد شركة تقبل بهذا.
والأن هذه الزوجة تعتبر من المحترفين
3- أن لا يؤثر عملها على الاهتمام بالبيت وخاصة تربية الأولاد فهذه الأمور أهم بكثير من العمل
تحياتي
لو الشغل مش هيأثر على الحياة الشخصية يبقى مفيش مشكلة
كمان شغل المرأة الان اصبح له اهميته من ناحية اكتساب الخبرات فى الحياة و التعامل مع الناس و حل المشاكل و الصعوبات....... كلها مهارات يجب تنميتها فى شخصية المرأة مثلها مثل الرجل لا فرق.......
يا جماعه اللى مش واخدين بالكم منه ان العلاقه بين النجاح فالشغل علاقه عكسيه مع تأديه واجبات البيت العاديه يعنى استحاله هتلاقى ست ترجع من اللشغل تغديك وتشوف طلبات العيال وتشوف لو فى غسيل ولو فى تنضيف دا من الاخر .. ولو لاقيت واحده بتعمل ده فعلا يبقى بكتيره اوى شهرين تلاته وهتلاقيها تعبانه لان دا تحميل جبار عليها ( ان لبدنك عليك حق )