لماذا سلوكيات سائقي الفيرنا تلك ؟؟؟

**HNaga** · 31-05-2009 01:08 AM

واضح انا فيه ناس بتفح بالموتور ومش مهم الفرامل - وده يفسر ان واحد صاحبى قاللى ان أكبر نسبة حوادث حاليا بالفيرنا

وليا واحد أعرفه تانى معاه فيرنا و برضه بيعمل غرزة العربية حدفت منه و لبس فى عامود و غير نص

ومان كان التهور فى السواقة 316 و جولف دلوقتى فيرنا فرق اجيال بقى

**drhanymehany** · 31-05-2009 02:08 AM

ياجماعه الموضوع مش عايز كلام
الفيرنا هى اوحش عربيه عملتها هيونداى
هى عربيه المصايب
وربنا يسلم الكل ان شاء الله
بكره هيونداى تنزل اعتذار انها عملت العربيه دى اصلا
انا شايف انها لا تقارن باى هيونداى حتى ال i 10 برقبتها
وكفايه ان تاكسياتك يامصر كلها فيرنا

**mohamed_mohsen** · 31-05-2009 06:19 AM

المشاركة الأصلية كتبت بواسطة drhanymehany

ياجماعه الموضوع مش عايز كلام
الفيرنا هى اوحش عربيه عملتها هيونداى
هى عربيه المصايب
وربنا يسلم الكل ان شاء الله
بكره هيونداى تنزل اعتذار انها عملت العربيه دى اصلا
انا شايف انها لا تقارن باى هيونداى حتى ال i 10 برقبتها
وكفايه ان تاكسياتك يامصر كلها فيرنا

اوحش عربيه عملتها هيونداي ليه؟
و الا 10 برقبتها كمان؟ و الله ده منطق غريب
موضوع التكسيات ده ما يعيبش العربيه في شيء بالعكس (هو لايزم يعني تبقي التكسيات لادا و شاهين و 504 و 128؟- مع كامل احترامي لملاكهم)
ده يدل انها بتستحمل و استهلاكها حلو و قطع الغيار مش غاليه
و بعدين في تكسيات دلوقتي بومه و شارك و مازدا 3 و ميجان و تيدا(مش منطق انها عربيه حقيره و بقت تاكسي)
هي عشان رخيصه تقول عليها كده....
طب ما البومه(مع احترامي لمالكيها) باكتر من 130 الف الفول اسبورت منها..... جرب اقف في اشاره كده و انت راكب واحده...مش بعيد تلاقي 4 نفس اللون و نفس الفئه في نفس الاشاره ......و تلاقي 2 منهم بيجروا و بيدوا غرز.....نفس الكلام ينطبق علي الكورولا و الشارك اللي بقيت اشوفها كتير
و المازدا 3 و و و غيرها .....

المشاركة الأصلية كتبت بواسطة hnaga

لا فعلا صاحب المشاركة معاه حق فعلا معظم سواقين الفيرنا و الماتريكس بس الفيرنا اكثر بحس انهم معندهم ادنى إحساس بالمسئولية معرفش بقى مسترخصين عربياتهم و الا حياتهم والا ايه وفعلا كون الأغلبية منهم شباب صغير ده عامل بس المنطق بيقول ان كانت عربية بتجرى فهى مش ستابل ولا فراملها كويسة عشان كده المفروض مايعملوش كده

طب ما الكرولا ال1600 الشكل القديم بتجري ...... شفت ثباتها عامل ازاي
في الباي باي.......
و ياما كان ليها حوادث....حد يوم قال ان ملاكها مستهترين و معندهمش ادني احساس بالمسئوليه؟

اخيرا
كون العربيه مع شباب كتير و موتورها قوي و سعرها رخيص فميبقاش ملاكها مستهترين و كارهين للوطن
عايزين حل
ماتركبوش عربيات لاشخاص اكبر من 40 سنه و ريحوا نفسكم

**ahmad--ezzat** · 31-05-2009 08:41 AM

على فكرة احب اضيف ان الموضوع دة ممتاز فعلا

**mohamed_mohsen** · 31-05-2009 09:14 AM

المشاركة الأصلية كتبت بواسطة ahmed20_08nubira

على فكرة احب اضيف ان الموضوع دة ممتاز فعلا

مش فاهم؟
ايه وجه الامتياز فيه؟

**M.ABDEEN** · 31-05-2009 09:30 AM

هي مافهاش الا موتور بس (ثبات+امان +وسع +صاج+عالية عن الارض+صالون داخلي)كل ده محتاج اعادة نظر

تم اغلاق الموضوع منعا للمشاحنات بين الاعضاء
مشرف هيونداي