الحكومة تقدم 700 مليون جنيها "قروضا" لشراء السيارات

**A7mad_Nabil** · 30-05-2009 11:18 PM

أعلن الدكتور علي المصيلحي وزير التضامن الاجتماعي ضخ 700 مليون جنيه لقروض الإسكان وتمليك السيارات

وقال مصدر مسئول ببنك ناصر الاجتماعي يوم السبت إن القروض تأتي في إطار دعم الطبقة المتوسطة وخاصة العاملين بالحكومة.

وأشار المصدر إلى أن البنك وفر خلال هذا العام حوالي 900 مليون جنيه لتمليك السيارات والإسكان والمشروعات الإنتاجية بالإضافة إلى 95 مليون جنيه لتأثيث شقة الزوجية.

وأضاف أن الفترة القادمة ستشهد تسهيل إجراء القروض بالنسبة للسيارات من خلال بحث تبسيط تلك الإجراءات والضمانات وتخفيض الفائدة إلى 6% بدلا من 7% لدعم صغار الموظفين والطبقة الوسطي.

يذكر أن العالم يعاني حاليا من أزمة اقتصادية حادة مما أدى لتراجع أسعار بعض السيارات في مصر خلال الفترة الماضية.

منقول .. والمشاركة في المشروعات للشباب وذلك اعتبارا من يوليو القادم.

**zyadahmed** · 30-05-2009 11:22 PM

ياريت الدولة تهتم الاول بانشاء المصانع والاسكان والحاجات الاساسية للشباب اللى بيعانوا من البطالة والاولوية عنده شقة وعروسة مش عربية ؟؟؟؟؟؟؟؟؟؟؟؟

**tomcruies_egy** · 31-05-2009 03:00 AM

انا مش فاهم الحكومة دي ضد الشعب ليه ... يا إما الناس تشتري العربيات غالية بالعافية ... إما تسهيلات عشان ياخدوها غالية برده وفي الاخر هيحبسوا الناس
الله يخرب بيت دي حكومة

**Terrible_DaRsH** · 31-05-2009 03:13 AM

اكيد يعنى !

اذا كان اصحاب التوكيلات اعضاء فى مجلس الشعب و نصفهم ماسكين مناصب فى الحكومة يبقي هما يساندوا نفسهم بنفسهم .

و لو الحكومة رفضت اى طلب ليهم هيطلعوا القديم و الجديد و يفضحوا فى بعض .. فخلينا اصحاب احسن و اللى بيدفع الثمن مبيقولش لا !!

**Ahmed Samy** · 31-05-2009 03:46 AM

امال غبور و منصور يبيعوا ازاي ؟؟؟

و بعدين مش الحكومة مش هاتخسر حاجة

ماهو الزبون لما يشتري العربية

هايسدد القرض بفوايد ...

وأكيد هايكون زبون دائم للداخلية

(رادار - صف تاني - فيميه - ملصقات- وممكن ياخدها عكس الاتجاه و نحبسه)

والبنك يحجز على العربية

**Samah AbdAllah** · 31-05-2009 03:51 AM

كله على حساب المواطن الغلبان وهم كلهم يستفيدوا

**AshTurbo** · 31-05-2009 02:46 PM

ماهي العربيات دي سبوبة سقع يأخواننا أيشي بنزين (92 فاخر) ايشي قطع غيار أيشي فوائد وقروض أيشي مخالفات وغرامات يا أخواننا أنتم ظالمين الحكومة بصراحة أنتم كدة أوفر أوفر يعني وعلى فكرة دة أكبر دليل أن الحكومة هيا اللي أثرت على الأزمة مش الأزمة هيا اللي أثرت على الحكومة أبسلوتلي ولازم نخلي شعارنا الفترة الجاية حبوا الحكومة الذكية تاخدوا شنطة أسعافات هدية .

**Mohamed.Raafat** · 31-05-2009 03:09 PM

طب بدل العربيات يروحوا يشتروا لنا بيها قمح بدل القمح بتاع الحيوانات
ولا يدخلوا الدعم ده على البنزين ( عشان السلع ترخص )

و الله الواحد هيطرشق من .............الحكومة