عرض للطباعة
السلام عليكم ورحمه الله
امامي اختيار واحده بين 3 سيارات
اولا شاريد 92 مكيفه 1000 سم3 موديل 92
ثانيا سكودا فيفورت 1300 سم3 موديل 94
لادا 2017 1500 سم3 موديل 95
السيارات الثلاثه موديل متقاربة ونفس الحاله تقريبا
ارجو المساعده عاجلا
كما ارحب بتلقي عرض عن نفس السيارات او عن اي سياره افضل لها قطع غيار واقل من 25 الف وجزاكم الله كل خير
و عليكم السلام و رحمه الله و بركاته
هو حضرتك التلات عربيات متقاربين في السعر اوي لكن في المفهوم مختلفين تماما
الشاريد عربيه شبابي و صغيره نوعا ما و ياباني و مكيفه ف لو حالتها كويسه يبقي و قطع غيارها متوفره بالنسبالك يبقي هيا احسن الموجودين,
الفيفوريت شكلها من بره ما يزدش عن اللادا سمارا كتير و موترها تقنيته قديمه من الاخر مش برشحها نهائي.
اللادا عربيه كويسه لكن لو عندك استعداد تستحمل خشانه الموتور بتاعها و شكلها القديم جدا و مشاكلها المعتاده في العفشه.
بالنسبالي لو جيت اختار حختار الشاريد لو نضيفه
الاستاذ حازم خضر
جزاك الله خيرا علي النصيحه
وارجو من الاعضاء لو حد عنده شاريد يقولنا علي عيوبها
+1اقتباس:
المشاركة الأصلية كتبت بواسطة hazem_khidr
انا مع حازم في كل اللي قالة بس بيتهيئلي ان نفس الرينج ده من الاسعار يجيب 128 تمانينات نضيفة جدا وهتبقي عربية اقتصادية وفلوسها فيها وقطع غيارها رحمة
رأى حضرتك تجيب شاريد
في برده تويوتا ستارلت
و سوزوكي سويفت هاتشباك
و إكسيل هاتشباك
يعني حضرتك بتلعب في فئة الهاتشباك عموما من موديل 90 ل 95 ،، حاول متقللش عن كده
في المستعمل ،، الفيصل الوحيد ،،، هوا الحالة ،، الموديل مش فارق كتير ،
مع الآخذ في الإعتبار إن العربيات الياباني قطع غيارها نارو متعبة في شرائها ،، عن تجربة مع السويفت هاتشباك
ريجاتا موديل 85 إلى 88 ممكن تدخل في حساباتك
انا مش هاقدرد افيدك بس بيتهيألى لو حضرتك توضح احتياجتك و متطلباتك من العربيه عشان الزملاء يقدروا يساعدوك بشكل افضل.....يعنى نوعية استخدامك للعربية و قطع الغيار و سهولة الصيانة و عدد مستخدميها و شكل العربية..... الخ...يقدروا يفيدوك بشكل افضل ان شاء الله.
رأى الشخصى خليك فى الشاريد لو حالتها حلوة
اعتقد ان العربيات دي النظيف منها يعمل اكثرمن 25000
يبقي يفضل تدور علي 128 موديلات 89-90-91-92 الجراند لوكس 1300cc
عربية ممتازة و قطع غيارها حنينة
Sameh Aziz
جزاكم الله خيرا
اولا انا استخدامي للسياره يوميا في حدود 15 كم
يومين علي الاقل 100 كم في الاسبوع يعني حوالي 300 كم في الاسبوع
بالنسبه لعدد المستخدمين شخص واحد وعدد الركاب 2 وطفل
اهم شيء في السياره المطلوبه السعر وان تكون اقتصاديه في استهلاك الوقود مش شرط تكون قطع غيار رخيصه اهم شيء تقعد كتير ومتسببليش متاعب ويهمني ان اقدر ابيعها في المستقبل القريب بسهوله لاستبدالها بأكبر انشاء الله انا انهارده بعد الفطار رايح اعاين الشاريد هما علي كلامهم بيقولو حالتها كويسه ممتازه تكيف شغال والسعر النهائي بيقولو 23750 متضمنا السمسره
يعني مناسبه بس حد يعرف السعر ده كويس ولا؟ كمان العربيه ده ليها سوق ولا لاء
كمان اتعرض علي 128 مو 68 فابريقه سقف وراشه خارجي نظافه علي 20500 بس انا مش ميال لل 28
متحاولش تشتت نفسك
الشاريد لو حالتها حلوة هتبقي احلي من 100 128
و التكييف هيفرق معاك جدا خصوصا انك معاك اطفال
اعتقد انك ببتكلن علي شاريد هاتشباك ؟؟؟!!!!
السعر حلو اوي لو زى ما بيقوللك العربية نظيفة
حاول تعاين العربية انهارده مبدائيا كن لازن تشوفها بالنهار
و يفضل لو ترفها في بنزينة و تبص عليها من تحت لان العربية و اطيه شوية فلازم تطمئن عليها
و ان شاء الله تطلع كويسه
Sameh Aziz
انشاء الله اكشف عليها اليوم وارفعها بالبنزينه وانا معايا ضمان لو معجبتنيش ارجعها واخد فلوسي كامله ويارب تطلع كويسه بس انا قلاقان من قطع الغيار هل متوفره وسعرها ومين بيبعها
متقلقش من اسغار قطع الغيار اكيد هي مش رخيصة لان العربية قليلة شوية بس موجودة متقلقش و معمرة طبعا يباني باه
هتلاقي في التوفيقية و في غمرة و الدقي
و في المنيل عند الشياطين الحمر بتوع اليباني
Sameh Aziz
السلام عليكم ورحمة الله وبركاته
اسمح لى أضيف لحضرتك مكانين كمان لبيع قطع غيار الديهاتسو عموما
سمير نوح - أول وكالة البلح
سيد الفراش - الحرفيين - خلف محطة الجامع
مشكور يا اخي علي سرعه الرد وربنا يجازيك خير
معلش يا جماعه و بدون احراج لكل اللي بيقول سيب الشاريد و خد 28
بجد حرام عليكم
الراجل عاوز عربية مريحه و مكيفة و ماتقفش بية
مش تلاجه ايديال لا موتور و لا عفشة و لا راحة و لا شكل و لا تابلوة و لا تكييف و لا ثبات و لا متانة و لا قطع غيار بتعيش
و علب شاسيها بتتخلع مع المطبات و ميزانها ممكن يقع منة في اي وقت و الركب بتاعتها عايمة
باختصار عربية بتقف في اي وقت و بدون سبب و لا يعتمد عليها بالبلدي كدة ما تسترش
كل ميزتها انها قطع غيارها رخيصة قوي لان كل مضروبة و الميزة التانية ان الشعب بتاعنا عمال يشتري و يبيع فيها من 35 سنة بدون اي سبب
لو الراجل في مقدرتة عربية ياباني صغيرة و متينة و قطع غيارها معمرة و موتورها اقتصادي في البنزين و قطع غيارها بتعيش و عاوز يدلع نفسة يركب عربية مكيفة و ناعمه و مريحه اية اللي يمنع
اذا كان هو قادر على تمنها و تمن قطع غيار اللي ماتفرقش كتير قوي عن الفيات يعني
ماهياش بي ام و لا فولفو
الله ينور يا عم ادهم - انا قولتله كدا برضه - اصلنا زمايل في نفس الشركة و نفس القسم :D :D و انا اللي عزمته على عضوية نايل موتورز :wink:
:D
باركولي اشتريت الشاريد الحمد لله هي حالتها مقبوله والتكيف محتاج شحن وبها شويه حاجات صغيره ذي محتاجه مساعد امامي وتيل فرامل امامي واشاره جنب اما الحوض والشنطه وحاله الموتور ممتازين بفضل الله
وشكرا للي شاركنا بالرأي وربنا يجازيكم خير وادعولي ربنا يباركلي فيها
ردا علي الاخ ادهم بالنسبه للمبلغ ده كان برضه حيجيب 28 مو اخر الثمانينات بس والله في فرق كبير في الموتور والعفشه والتسارع بأمانه احسن في كل حاجه يعني انا ملحقتش اجرب انا لسه بس عامل بيها اقل من 100 كم بس في فارق والله
وجزاكم الله خير علي نصيحتكم جميعا
تم بحمد الله
اخوكم محمد عبد الرحيم :D
1000 ألف مبرووووووك mohamed_rhem
ألف مبروك يا أخ mohamed_rhem
مبروك عليك العربية و ربنا يباركلك فيها
و رمضان كريم
الف الف مبروك يا استاذ محمد.و ربنا يديك خيرها و يحفظك من شرها.
اول حاجه بقي غير طقم السيور و البوجيهات و الفلاتر علشان تبقي مطمن ليها و شوف التكييف لو محتاج شحن بس ما تعملوش غير علي الصيف الجاي خلاص الشتا داخل
ربنا يملاهالك بركة
مبروك يا عم ال IT :lol: :lol:
بس بالراحة شوية - مش 120 كدا من اول يوم :wink:
مبرووووووووووووو ياباشا
بس موضوع التكييف محتاج شحن دي حجة كل اللي بيبيع عربية تكييفها بايظ
حاتلاقي فية حاجة عاوزة تتصلح يا كمبريسور يتغير يا سربنتينة مخرومة او كويل بيسرب او اضعف الايمان دراير و اكسبنشن
لو عاوز تعملة وماتعرفش حد بتاع تكييفات قوللي و انا ابعتك لحد كويس و مضمون في مدينة نصر و لو تحب ممكن اجي معاك اوصية, بس هو حد كويس و امين و مش بتاع اشتغالات
و ممكن ابعتك لاتنين كمان كويسين و اللي يقولك شغل اقل و سعر احسن
مبروووك تاني ياباشا
الله يبارك فيكم جميعا واسف للتأخير معلش اليومين اللي فاتو كنت اجازه بوضب في العربيه وربنا يجازيكم خير علي اهتمامكم جميعا وشكرا لكم لحسن استضافتكم لي بمنتديكم وجزاكم الله خيرا :D
يا باشا تسلم ربنا يكرمك ابعتلي بس عنواينهم وقولي بس اعمل حسابي علي كام والكشف كام وربنا يجازيك خيربالنسبه لحاله التكيف انا جايبها تبع شريك اخويا في معرض سيارات وده عربيه قريبه والعربيه كانت مركونه فتره طويله بس هو كان شغال ومن ناحيه تانيه انا شاريها بالسعر التجاري بدون تكيف
وشكرا للمساعده يا زميل :wink:
مبروك ربنا يديك خيرها ويكفيك شرها