الموضوع: بخصوص زيت الفتيس لانسر 2007 مانوال 1600

ولا رد اية يا جماعة محدش عايز يساعدنى لية

ولا رد انا عايز حد يساعدنى هو سوالى صعب للدرجة يعنى طيب نوع الزيت اية

زيت الفتيس المانوال لا يحتاج إلى تغيير إلا كل فتره كبيره جدا و ممكن يقعد معاك لغايه 100000كم كمان و لكن خلى بالك ان فك الكوبلن بيتسبب فى ان جزء من الزيت بيقع فى الأرض و بتحتاج تزوده ولكنى لو مكانك هنزل الزيت اللى فيه كله و أحط زيت جديد أحسن لأنه مش غالى زى فتيس الأتوماتك و ملو الفتيس كله هيكلفك فى حدود 25 جنيه فقط أما بالنسبه لنوع الزيت فهو زيت فتيس يطلق عليه فالفالينا 90 أو فالفالينا 140 و ال 90 ده المناسب للعربيات الملاكى أما ال140 فده زيت تقيل و بيتحط فى فتيسات العربيات النقل و بعض الناس بتحطه فى كورونه الملاكى لما بتكون مبوشه و بتوننننننننن و صوتها عالى عشان يكتمها شويه (روح لمحطه من محطات موبيل عشان زيوت موبيل كويسه و قوله غيرلى زيت الفتيس ولو قالك أزوده قوله لأ غيره كله و تأكد منه أن الزيت المستخدم عنده 90 و ليس 140 وعلى فكره هو مالهوش مقاس زيت ولكن فى المحطه وهوه بيملأه زيت بالمسدس بيقه فيه طبه علويه بيبقى فاككها مكانها عند مستوى الزيت المطلوب و أول ما تبتدى تنزل زيت يبقى الزيت و صل لمستواها و مش محتاج يتملى تانى و بعد كده بيقفلك الطبه اللى فوق و يقرط على الطبه اللى تحت و شكرا على كده.