استفسار مهم جدا بخصوص دايو اسبيرو موديل 94 وارجو ان ياتى الرد سريعا فى اقوى منتدى

ارجو من اى حد عندة معلومات يضيفها

نرجو الافادة نشتريها ولا ايه ؟؟ و اسعا قطع الغيار

هذه السياره 1500 , موديل 94 إنتاج مشترك مع أوبل , قطع غيارها موجودة و رخيصة بس موجودة عند ناس معينين

أتوكل على الله لو تلاحظ أن رنج الفلوس اللى أنت حطه وهو منتصف الثلاثينات ميجبش أى عربيه بنفس مواصفات الأسبيرو يعنى يدوبك أكسل أكسنت برايد سيدان وطبعا الأسبيرو تفرم كل دول فرم بس حاول ماتطلعش عن 36 ألف يبقى كده السعر معقول لان أى عربيه مستعمله بتحتاج تصرف عليها الشهور الأولى لأن غالبا صاحبها اللى فات كان عارف أنه ناوى يبيع فأهملها شويه بس بعد كده بتستريح من المصاريف فتره طويله ولو قطع غيارها قريبه من النوبيرا زى ما الأخوه وضحوا تبقى لقطه لأن قطع غيار النوبيرا رخصيه أما الأكسسوار الخارجى فربنا يسلم طريقك وطرقنا والله الموفق وياريت تبقى تطمنا تحياتى

خى الفاضل السيارة دى معى من 5 أشهر هى 1500 وكاملة منها اوتوماتيك و منها مانيوال و هى سيارة واسعة و مريحة و ثابتة خصوصا فى السفر بس احقيقة لسة مجربتش أشترى الا مفتاح الانتظار (غالى شوية 100 جند) بس من الاخر هى احسن حتى من اللانوس (ده فى رأيى)

و ربنا يوفقك

الأسبيرو سياره محترمه جدا وواسعه وثبات على الطريق وقطع غيارها متوفره خصوصا موديل 94 لانه أنتاج مشترك مع أوبل ولو تلاحظ أن أغلب قطع غيارها أوبل بس أهم حاجه تكون حالة السياره كويسه توكل على الله و ربنا يوفقك