فولكس فاجــن تستفيـــد من شــركة byd الصينيـــة !!

**Sharky** · 31-05-2009 12:45 PM

أعلنت شركة فولكس فاجن الألمانية، أنها وقعت اتفاقية شراكة جديدة مع شركة BYD الصينية، في مجال تطوير وتصنيع السيارات الكهربائية والهجينة العاملة على بطاريات الليثيوم – إيون. وتم توقيع الصفقة بعد زيارة رئيس الشركة الصينية "وانج شوان فو" لمقر الشركة الألمانية ولقائه بنظيره الألماني مارتن فينتر كورن.

وبذلك ستستطيع فولكس فاجن المضي قدماً وبسرعة أكبر في مشاريعها الجديدة لتصنيع تلك السيارات، والتي ترسم مستقبلها بثقة هذه الأيام. والمستفيد الأكبر من هذه الصفقة هي الألمانية في الحقيقة، لأن BYD ولمن لا يعرفها حق المعرفة، تعتبر ثاني أكبر شركة مصنعة للبطاريات القابلة للشحن والتي تستخدم في الهواتف المحمولة خصوصاً حول العالم، وهي بالكاد قدمت خلال معرض شنجهاي الأخير طرازها الهجين الأول من السيدان باسم F6dm، والعائلية الاختبارية الكهربائية E6، ولكنها لم تثبت أقدامها جيدا بعد فى عالم الإتصالات .

وهكذا تكون فولكس فاجن تمتلك ثلاثة اتفاقيات تعاون مع ثلاث شركات كبيرة في هذا المجال، وهي توشيبا وسانيو ومؤخراً BYD.

**for_ever** · 31-05-2009 12:50 PM

اعتقد ان السيارات اللي بتشتغل بالكهرباء قربت تنزل خلاص
لاني من فترة شوفت برنامج كان بيصور جوا معرض للسيارات و كانو جايبين سيارات بتشتغل الكهرباء عن طريق مولد بيعمل الديزل
يعني انت تحط ديزل في المولد ده و هو يشحن بطارية السيارة اعتقد العربية كانت اوبل

**Samah AbdAllah** · 31-05-2009 01:12 PM

نتمنى تكون الشراكة دى فى مصلحتنا احنا كمان مش بس فى مصلحة فولكس فاجن

شكرا شاركى

**abzoabzo** · 31-05-2009 03:14 PM

بس يا ترى شركة الكهرباء هاتعمل معنا ايه فى زياداة الاباطرة

**Bossy_Fadl** · 31-05-2009 09:03 PM

المشاركة الأصلية كتبت بواسطة evoo90

ده الحل الوحيد لأرتفاع اسعار البنزين وتلوث الهواء والازمه المايه
السيارات الكهربائيه هتحل كتيييير اوى وانا واثق من كده 100%
شكرا شاركى

و هي يا ايفو حكومتنا الرشيدة راح تترك عربيات بالكهربا تدخل مصر بالساهل هيك؟؟

و بعدين؟

يقلبوا مين في فلوس البنزين و يفضلوا يمصوا دمه و يرفعوا عليه السعر؟

لو في حد حاول يدخل العربيات دي مصر هيطخوه

الناس دي مش بتلعب

كل شيء تحت السيطرة

ميرسي لحضرتك استاذ احمد علي الخبرية

**Abdo_Eldesokey** · 31-05-2009 10:49 PM

محدش معاه شاحن 128 سن رفيع ؟؟؟

**kemo0o** · 31-05-2009 10:58 PM

المشاركة الأصلية كتبت بواسطة Bossy_Fadl

و هي يا ايفو حكومتنا الرشيدة راح تترك عربيات بالكهربا تدخل مصر بالساهل هيك؟؟

و بعدين؟

يقلبوا مين في فلوس البنزين و يفضلوا يمصوا دمه و يرفعوا عليه السعر؟

لو في حد حاول يدخل العربيات دي مصر هيطخوه

الناس دي مش بتلعب

كل شيء تحت السيطرة

ميرسي لحضرتك استاذ احمد علي الخبرية

يعني هي العربيات الهجينة دي هتمشي بكهرباء ومياه مثلا !! ماهي برضه اساس تشغيلها هيكون البنزين وبعدين الموتور المساعد (الكهربائي) ده موتور ضعيف اصلا قوتة لاتتعدى (35-40 )كيلو وات يعني بالكتير قوي 50 -60 حصان
وكده ولا كده لو حبوا ينزلوا عربيات بتشتغل بالكهرباء بس ماتقلقيش هما عاملين حسابهم وهيغلوا الكهرباء ......

بالنسبة بقى لو العربيات اللي بتشتغل بالكهرباء بس نزلت هتكون مصلحة كبيرة جدا جدا لانها هتخف الزحمة لان العربية يلزمها من 6-10 ساعات شحن عشان تمشي مسافة 300 كيلو فاعتقد ان الزحمة كده هتخف شوية

ده الحل الوحيد لأرتفاع اسعار البنزين وتلوث الهواء والازمه المايه
السيارات الكهربائيه هتحل كتيييير اوى وانا واثق من كده 100%
شكرا شاركى

أكيد طبعا بس بالنسبة للتلوث اعتقد برضه لو رجعنا لورا كده ندور على " من اين تأتي الكهرباء " طبعا كلنا هنقول من السد العالي :k32: يعني مافيش تلوث
لكن انا هقول لك ان محطات انتاج القوة الكهربائية اكيد بتلوث الجو !! ولا انت ايه رايك ؟؟
عامة انا معاك ان التلوث هيقل كتير جدا جدا وربنا يدينا ويديك طول العمر لحد لما نشوف الحاجات دي على ارض مصر المحروسة