لو مستعجل خد تاكــسي اسهل ..!!
كالعادة و القرف الكمين اللى بيتعمل فى غمرة الصبح ده :(
حاجة تقرف والله .. شغالين نصب على الناس ااااايه زى الفل .
المهم ملقتش ميكروباصات كالعادة و ركبت تاكسي ايضا كالعادة .
حظى كان مع تاكسي لادا ابيض من الجداد دول . ركبت من غمرة لغاية شارع جسر السويس .
تخيلوا بكام !
بكام
بكام
بكام !
17 جنيه :makeup: .. حد صدق ولا لا !
انا استغربت جدااااا من الاجرة . و قلت للسواق انت بتتكلم جد ! قالى يا باشا امال ههزر .
قلت له ده مشوار خطوتين . قالى بص حضرتك على العداد انا مابحسبش بمزاجى و استغربت بدهشة .
يا نهار ابيض يا جماعة .. ده المشوار ده كان بكبيره معايا 5 او 6 جنيه من فترة .
لما صاحبي اللى كان منتظرنى عرف كده قالى ده انا كنت اجى لك اسهل .
و هوريكم صورة عربية فيرنا جامدة اوى الكمين وقفوا صاحبها و غلسوا عليه و اتحججوا له على اى حاجة و عطلوه علشان ياخده منه فلوس باى طريقة و خلاص .
انا مش عارف بقي اخرتها ايه بصراحة ..!!