License Pleaaaaase

**Mariana** · 31-05-2009 02:24 PM

Hey everyone,
ana gdida hena w bgad i love this site fee kol 7aga 3an el 3arabiyat w mafish 7aga mosh mawgoda ana estafadt meno kteer w 7abebny fel 3arabeyat ma3 eny girl!

ana b2a gdida f mawdo3 el swa2a wel kalam da w 3ayza aro7 a3mel rokhsa as soon as possible bas mosh la2ya wasta khales w khayfa aro7 a3melha lwa7dy men 3'er wasta w as2at fel emt7an w adtar astana 3 or 6 months

fa momken t2ololy eh ra2yoko aro7 walla astana wasta?

w law haro7 howa el emt7an 3amel ezay sahl wala sa3b?

w sme3t kaman en fee as2ela w 7agat keda

ya reet tsa3doony plz

THANK YOU

**M_Nabil** · 31-05-2009 05:38 PM

اولا : احب ارحب بيكى معانا في المنتدى اخت مريانا بس في الاول كنت عاوز الفت انتباهك لقواعد المنتدى واللى منها عدم الكتابة بل فرانكوا ارب يعنى ممكن تكتبى بحروف عربى زى كده او كلغه انجليزى في حالة لو الويندز عندك مش بتسبورت حروف عربى.
ثانيا : بالنسبة لسؤالك بخصوص الرخصة والوسطة انا راى لو انتى بتعرفى تسوقى كويس يبقى مش لازم واسطة واعتمدى على الله وروحى امتحنى غير كده لو مش بتعرفى تسوقى قوى يبقى استنى لحد متكونى متمكنه شويه و بتسوقى كويس وروحى، والامتحان بيكون مكون من شقين واحد نظري والثانى عملى النظرى بيكون امتحان اشارات المرور والعملى قيادة بس بيختلف تصميمه من مرور للثانى اللى اعرفه بتاع التجمع الخامس امتحان عادى جدا وبسيط تمشى شويه بعد كده تلفى شمال زى يوتيرن بعد كده تركنى عمودى على اليمين وترجعى بظهرك ثانى وخلاص تخرجى بره بس مش عارف اتغير ولا لأ دلوقتى اخر مرة كنت هناك من سنه تقريبا وربنا يوفقك.

**Mariana** · 01-06-2009 08:20 AM

Thanks a lot for help and sorry for using the franco arab language I just don't have arabic on my pc ..

and about the license I just had a driving course of 10 lessons that's why I am afraid I am not qualified enough to get a license yet..

I need more explanation for the driving test please .. if anybody got a license recently?

Thanks Again

**Samah AbdAllah** · 01-06-2009 03:37 PM

حتى لو بتعرف تسوق مش هيطلعولها الرخصة خلينا واقعيين
ماريانا المرور عامل مدرسة تعلم السواقة
هى المفروض تعلم لكن ماعينا
انتى تدفعى الرسوم فى المدرسة وهى بتبقا لمدة شهر وبعد كده بيحددوا يوم معين للملتحقين بالمدرسة يمتحنوا فيه فى المرور غالبا هو الخميس وان شاء الله هتنجحى بدل الواسطة والرشوة المرور بياخد رسوم المدرسة وهم اولى

**MoToRiZeR** · 01-06-2009 05:46 PM

ماريانا أحسن حاجة تعمليها إنك تتعلمي السواقة كويس فعلاَ .. أصل هتعملي إيه برخصة في جيبك و إنتي مبتعرفيش تسوقي ؟ غير إن وجود الرخصة هيديكي ثقة هتكون في غير محلها و ممكن تسببلك مشاكل أو حادث لا قدر الله .

اما تحسي إنك بقيتي متمكنة شوية في قيادة السيارات و تقدري تمشي و تسوقي بدون خوف .. روحي عالإمتحان بقلب جامد .

**M_Nabil** · 02-06-2009 01:18 AM

المشاركة الأصلية كتبت بواسطة motorizer

ماريانا أحسن حاجة تعمليها إنك تتعلمي السواقة كويس فعلاَ .. أصل هتعملي إيه برخصة في جيبك و إنتي مبتعرفيش تسوقي ؟ غير إن وجود الرخصة هيديكي ثقة هتكون في غير محلها و ممكن تسببلك مشاكل أو حادث لا قدر الله .

اما تحسي إنك بقيتي متمكنة شوية في قيادة السيارات و تقدري تمشي و تسوقي بدون خوف .. روحي عالإمتحان بقلب جامد .

الله ينور عليك يا استاذ محمود وابسط مثال اختى الكبيرة معها رخصة من اكثر من 14 سنة من المدارس اللى بتطلع رخص وخلاص ولحد دلوقتى مبتعرفش تسوق عشان بتخاف كانت عملت حادث خفيف زمان، يبقى الموضوع مش رخصة فقط انما هو تعلم اساسيات القيادة بشكل صحيح والممارسة و مع عدم الاستعجال في القيادة ناس كثير بعد يومين ولا ثلاثة يقولك خلاص ان بقيت اعرف اسوق كويس و رايح مشوار بعيد لوحدى في شوارع رئيسية وده غلط طبعا حفاظاً على النفس والغير والممتلكات.

**agwaa** · 04-06-2009 12:15 AM

ماريانا شوفي
أولاً :
اهلاً بيكي أخت وزميلة عزيزة في أحلى منتدى
ثانياً :
أنا مع ألأخت baskota في إن أفضل وأحسن وأنجح طريقة هي عن طريق مدرسة المرور التابعة للمحافظة اللي إنتي تابعة ليها وده عن تجربة شخصية

أنا لما ربنا أكرمني بالعربية كنت بأسوق وكويس جداً كمان و كنت بأسوقها داخل منطقتي فقط
المهم قدمت في مدرسة المرور التابعة لمحافظتي وحضرت المحاضرات النظري وإستفدت منها جداً جداً لأنها عن الميكانيكا ثم العملي وهو القيادة العملية وأيضاً إستفدت كتييير على معلوماتي السابقة
وفي نهاية الشهر ( وهو مدة الدورة ) كان الإمتحان واللي كانوا المدربين بيدربونا عليه كويس جداً جداً ونسبة النجاح كانت عالية جداً ( من 300 ممتحن 10 فقط اللي أعادوا الإمتحان ) وبصراحة اللي كان بيسقط في الإمتحان بيبقي فعلاً يعني ...... بلاش أحسن

الإمتحان النظري زي ما قالولك عبارة عن سؤالين في علامتين من علامات المرور ( وهم حوالي 60 علامة ) وهم سهل الحفظ لأنهم حفظونا العلامات بطريقة سلسة جداً .
Eng. A. YOUSEF