السادة الأفاضل / برجاء الإفادة
هل أشترى نوبيرا 2 أم ماتريكس ولماذا
مع العلم الاثنين استيراد والماتريكس اللى هى موديل 2002 اللى اسمها لافيتا والنوبيرا استيراد بردو
برجاء افادتى بمقارنة ينهم بأسرع مايمكن
ولكم جزيل الشكر
عرض للطباعة
السادة الأفاضل / برجاء الإفادة
هل أشترى نوبيرا 2 أم ماتريكس ولماذا
مع العلم الاثنين استيراد والماتريكس اللى هى موديل 2002 اللى اسمها لافيتا والنوبيرا استيراد بردو
برجاء افادتى بمقارنة ينهم بأسرع مايمكن
ولكم جزيل الشكر
كسحب وعفشة الاحسن الماتريكس
الثبات وقطع الغيار الاحسن النوبيرا
اظن الاختيار صعب
الاتنين من انجح العربيات فى السوق المصرى
بس الفيصل اللى ترتاح ليها انتا اكتر
نشكر أحمد باشا طبعا على رده
بس ايه رايك فى الكبات انهى اعلى ومابتحكش اكتر
العفو يا غالى
الماتريكس اعلى طبعا
ويارتنى اقدر افيدك اكتر
بس انا سمعت ان التعليق بتاع الماتركيش ضعيف شويه
عشان يعنى العربيه عالية والملفات وكدا يعنى
دا بخلاف انى بحس ان مقاس كاوتشاتها صغير على حجم العبيه
مفيش كلام من ده خالص
تعليقها ممتاز والجنوط مناسبة عليها
بس بالنسبة للثبات النوبيرا تكسب
راسية على الطريق عن الماتريكس
أنا اسف انى برخم عليك
ممكن تقلى ايه مشكلة العفشة والسحب اللى فى النوبيرا وطبعا لو تشرحلى مشكلة العفشه بالتفصيل أكون شاكر جدااا
مفيش رخامة ولا حاجة
احنا هنا اخوات
ويارتنى اقدر افيدك فعلا
الماتريكس سحبها افضل من النوبيرا لانها اخف وزنا
والتجميع اسرع من النوبيرا
والاتنين 1600 سى سى
اما العفشة النوبيرا مقصاتها علطول الناس بتشكى منها
وعلطول بيعانو من تغير جلب المقصات وساعات بيغيروا المقصات كلها
وبتسمع اصوات فى المطبات
بص برده الماتريكس تعتبر احدث من النوبيرا فى كل حاجة
بس الاتنين موديل 2002
الماتريكس دى استيراد واسمها لافيتا
حتبقى احدث من النوبيرا برده
النوبيرا متغيرتش من 99
نسيت اقولك الماتريكس اوفر فى البنزين من النوبيرا
بص ياباشا اخر حاجه ومش هصدعك تانى
انا ساكن فى منطقه فيها مطبات عاليه "كلهم هنا معاهم جيبات"
أصلا من الصعيد وبسافر هناك كتير
مقدرش على مصاريف قطع غيار كتير وغاليه
أختار مين
صلى استخارة الاول
ولو انا مكانك انشاء الله الماتريكس
النوبيرا حتوجع دماغك فى المطبات وكل يوم والتانى حتروح للعفشجى
تعبتك معايا و على العموم ألف ألف ألف شكر
النوبيرا ثبات عالي جدا وتجميع حتى مع التكييف وقطع غيار رخيصة نسبيا والماتريكس اوسع من جوه وعالية عن الارض والنوبيرا مشكلتها (واطية للارض والعفشة حساسة نسبيا لكن مش وحشة ...ناعمة وتتحمل شوية )وموتورها على فكرة الماني واستهلاك البنزين معقول جدا
اختيارى الشخصى نوبيرا
انا لو مكانك راح اختار الماتريكس
للأسباب اللي الاخوة ذكروها
و ربنا يوفقك في الاختيار
انا كان معايا نوبيرا 2005 عيبها الوحيد فى جلب المقصات حتعوز تغيرها كل فترة على حسب استخدامك انما حتاخد عافشة ناعمة جدا و سحب موتور ما حصلش و يستحمل معاك
انا مجربها فى السحب مع ماتريكس و طلعت منه انا بقولك على تجربه
و العربيه ثابتة اوى و مصاريفها قليلة انصحك بيها توكل ان شاء الله خير
الماتريكس افضل
انا عاوز اشترى ياجدعان وعاوز تفاصيل اكتر عشان اعرف
وشكرا لحسن تعاونكم
بص يا باشا الجلب بتتعب حسب استخدامك للعربية يعنى بتاكل بلاعات كتير و نقر وكده ايه اللى بيحصلها بقى
الجلبة بتلاقيها مشروخه و بتسمع صوت خبط فى المطبات بس يعنى لو ما غيرتهمش مش حيفرقوا معاك غير فى راحتك مع العفشه
انا غيرتهم فى 2008 يعنى بعد 3 سنين علشان ما كنتش بمشى بيها كتير كانت عاملة 24000 كيلو معظمهم جوه البلد
غيرتهم كلهم على ما اتذكر ب 70 جنيه بالمصنعية بكله
مين اللى قال ان سحب الماتريكس اسرع من النوبيرا...لا طبعا النوبيرا تجميعها اعلى وخصوصا بعد ال 70 كيلو متر..
مميزات الماتريكس عن النوبيرا...
1- اوسع من النوبيرا
2-تعتبر حديثة لانها نازلة بعد النوبيرا بكتير
مميزات النوبيرا:
1- اثبت فى السرعات
2- توكيل افضل بكتير من غبور
3-شكلها سبور والطف من الماتريكس (ودى وجهات نظر)
بالنسبة للتقفيل تقريبا زى بعض..بالنسبة لسعر اعادة البيع نفس الكلام...
بس انا عن نفسى بقا افضل النوبيرا لان فرق السعر مش مستاهل خاااالص مع ان النوبيرا تتفوق فى حجات مهمة منها الثبات ودة شىء مش بنلاقية فى اى عربية كورى
انا مجربتش الماتريكس بس معتقدش انها اوسع من النوبيرا
على العموم انا معايا نوبيرا وبصراحة وباختصار العربية دى " رائعة "