الموضوع: زهقت من قائمة طويله لا تنتهي

اخر تحديث
19- بتاع الفيبر

انا عربيتي شاريد موديل 90
بقالها معايا سنتين وبصراحه مزعلتنيش خالص

فقولت اظبطها بدل ما اشتري مستعمل او كسر زيرو

واسيب عربيتي اللي بحبها ومريحاني واروح لعربيه الله اعلم ايه اللي فيها

فقولت اعمل كل الشغل اللي فيها واهي بالمره وقفه واحده وخليها تخلص

اللسته اللي كتبتها ده كتير عاني منها وده اول مره اتعامل مع الكم من الصنايعيه ده جملة واحده

ابدا بالحكايه

العربيه اول ما اشتريتها والدوكو بتعها مش عاجبني فقولت امشي بيها شويه وبعدين اظبطها
بس ده مكنش بيحصل كنت بكسل

وكمان كانت عايزه طاقم دبرياج وده له قصه ظريفه

والفرامل كانت ضعيفه

التكييف مكنش شغال

المهم

احد الخبراء نصحني املي الدسك والاسطوانه

طبعا نصيحه غلط علشان دفعت 60 حنيه مصنعيه للميكانيكي ودفعت 70 حنيه لبتاع الدبرياج
مفيش شهر باظو تاني
اشتريت طافم فاليو وبلي يابني ب 350 من شارع دمشق
وبعد اما ركبو في رجه جامده بعد فحص واسئله اتضح ان في ريجه في بلاطه ترس الفلام واتمسحت عند الخراط واتحلت المشكلة

طبعا مصنعيه 3 مرااااااااااااااااااااات

التكييف
في واحد صاحبي عرض علي انه يكشف عليه عند واحد معرفه
بصراحه انا كنت فاكره مش شغال وان صاحبه العربيه قالت انه عايز يتشحن بس ده مجرد كلام علشان تمشي البيعه لكن
للامانه اتشحن وتمام من ساعتها والتكلفه كانت 80 جنيه

الفرامل
روحت للبلبيسي
وكانت عايزه طاقم تيل

وطبعا شغل ميكانيكا
سيور وبوجيهات

الكبالن ابتدت تطقطق

كبرت دماغي شويه وبعدين اشتريت كبالن جديده

لاني حرمت اشتري استيراد

الاسطي بليه صبي الميكانيكي وانا بغير السيور قالي الدينامو عايز بلي
المهم روحت للكهربائي مكنش موجود صبي الكهربائي بوظه

واشتريت واحد استيراد يوم الوقفه بتاعه العيد الصغير

العفشة
شغل عفشه مساعدين قدام ومقصات وكاوتشوك وبارات

وطبعا حاجات في الميكانيكا
زي شجره مياه ورا افران الشكمان
ماشتر عمومي فرامل وده عند بتاع الفرامل

الردياتر
غسيل

الشكمان
تغير العلبه

الكربراتير
تنظيف وطاقم اصلاح


وده كله تقريبا قبل شهرين من دلوقت

قعدت فتره مهمل شويه في العربيه كذا شهر مبعملش صيانه وبتاخر في تغير الزيوت

العربيه شكلها زعلت

وانا رايح بنها سير الكاتينه اتقطع

بصراحه انا كنت مش ناوي اغيره لاني كنت عارف ان العربيه عايزه طاقم شنبر فقولت اغيره مع طاقم الشنبر

وطبعا عملت طاقم الشتبر وغيرت الصبابات مش حوالي شهر
وطبعا اتعاملت مع الخراط

لسه يدوب خارج من العمره

وانا رايح بنها وفي قليوب برضه

الكبوت طاااااااااااااااخ راح فاتح

كنت نسيت ارد الكبود اصل السوسته مش باقفل لوحدها

ومن هنا بدأت رحله العزاااااااااااااااب

فكرت اغير صاج العربيه بأستيراد علشان الوقت

وفي النهايه قررت اوديها لسمكري
ثم بوهاياجي
وهلم جرة

الموضوع ببساطه

الواحد اشتري عربيه اقل من 25 الف

سالت في التوكيل علي ترس الفلام علشان بلاطه الفلام كان فيها ريجه

قالولي 900 جنيه وحيجبهولي من اليابان خلال اسبوعين

طيب انا عملتها ب 20 حنيه عند خراط و60 حنيه مصنعيه

ولو استيراد بحوالي 125 البلاطه بدون الترس

تفتكر اللي حيشتري عربيه بالمبلغ المتواضع ده

عامل في اعتباره انه حيتعامل مع التوكيل!!