ازيكم يا جماعة انا عضو جديد بالمنتدى وكنت احب اخد رئيكم فى موضوع شراء عربية ياريت تهتموا بموضوعى واللى يعرف حاجة يفيدنى
انا مش عارف اختار عربية ايه بالظبط
اللى فى دماغى دايو لانوس او هيونداى فيرنا او اسبيرانزا او شاهين
ودول لو هاشترى واحده منهم هاجبها جديدة بالتقسيط من المصرية للسيارات لانى اسمع انه افضل توكيل سيارات فى مصر
ولا احسن لى اشترى عربية مستعملة بحالة نضيفة بنفس حدود اسعار دول يعنى فى الستينات كده
والعربيات دى زى اوبل فكترا او كورسا او لانسر 98 او بيجو 206 او نوبيرا او سيتروين اكسارا او كيا ريو او هوندا سيفيك
علما انى شاب عندى 21 سنة وعايز عربية شبابية شوية كده وعمليه كمان فى المساحة الداخلية والشنطة وتستحمل معايا سفر كتير ومشاوير بعيدة وبنقل فيها ابواى كمان واهم حاجة تكون موفره فى البنزين ورخيصة فى قطع الغيار
انا اسف انى طولت عليكم لكن بجد انا فى حيرة وياريت اللى عنده معلومة ميبخلش عليا بيها
وشاكر ردودكم مقدما وانا عارف انكم مش هاتكسفونى