أرجوكو طمنوني بسرعه

**toto_sh** · 31-05-2009 06:29 PM

الف لا بأس عليك ..... خير ان شاء الله .
الماتور لو خفيف ... اكيد الزيت بينقص
وحرارة العربية ديما عالية والمروحة بتشتغل باستمرار
وكثافة الدخان الي عندك هتكون مبنية على متابعة حضرتك للعربية وخاصة انها لسة جديدة عليك
1- علبة الشكمان عايزه تتغير يكون فيها رواسب من المحروقات من الزيت ويارب تكون على اد كدة.
2- زي ما قالك غير زيت وكمان اكشف على سير البور وسير الكتينة بالمرة .
3- وسبناه للاخر الماتور خفيف وغالبا وانا مش بخوفك الماتور 1000 مبيستحملش الرجل التقيلة .
وربنا يعينك ومنتظرين الرد.

**waledwaled** · 31-05-2009 07:09 PM

أولا الدخان لونه إيه؟
لإن دي نقطه مهمه جدا ف تشخيص العيب
دخان أبيض = طقم شنبر و جوان وش السلندر و يا ريت تييجي على قد كده و ما ندخلش ف عمرة للموتور
دخان إسود = يبقى المكنه دورة العادم فيها مش مظبوطه و عشان الإطمئنان يلزمك كشف كامل على العربيه بس المرة دي خد معاك واحد بيفهم
ثانيا إنت لما إشتريت العربيه غيرت ويت و لا سيبتها بالزيت القديم؟
ثالثا إنت بتغير ميه و بتكشف على الرادياتير كل يوم الصبح و لا بتكبر دماغك؟

**tmedhat** · 31-05-2009 08:18 PM

لو الدخان ابيض على السرعة العالية شوية نسبيا يبقى الموتور خفيف للاسف

راقب الشكمان و انت بتضغط على البنزين فى المراية لو لقيت دخان ابيض وانت قارص على العربية يبقى الموتور اكيد خفيف

**waledwaled** · 05-06-2009 11:26 PM

عربيتك يا صاحبي عاوزة جوان وش سلندر و طقم شنبر و تنزل كل الزيت اللي فيها و نحط زيت جديد و تلين 1000 كيلو
طبعا أنا صدمتك بس ده الصح أوي لو المكنه بتاكل زيت عشان متلاقيش نفسك دخلت ف عمرة موتور و متاهات

**samirayad** · 06-06-2009 04:43 PM

بعد أذن الأخوه طبعا ......ياريت تنتظر قليلا لمراقبة منسوب الزيت مع الأيام القادمه .........لو الزيت بينقص يبقى فعلا أنت محتاج طقم شنبر وروديه بالمره .........لو الزيت كويس ومبينقصش يبقى ممكن تكون محتاج روديه فقط ............وممكن يكون عندك عيب فى الكربوراتير مثلا (لأنك برضه مش موضح الدخان ........أبيض مزرق ....ولا أبيض مسود )..............لأنها تفرق برضه

**samirayad** · 06-06-2009 05:21 PM

انا بغير ميه باستمرار بس ملاحظ ان الميه بتنقص كتير مع اني مش بمشي كتير

برضه خللى بالك ممكن يكون نقصان الميه ده من جوان رأس السلندر برضه ......والرأس عاوزه تتبرط مثلا ....أو عاوز تغيير جوان رأس السلندر ( طبعا ده لو كان سبب نقصان الميه مش واضح قدامك ).............يعنى مفيش ميه ظاهره قدامك من خرطوم ....أو من غطاء القربه ....أو من طلمبة الميه وهكذا...........فيجب برضه معرفة سبب نقصان الماء الكتير ده أولا لأنه ممكن يكون سبب للدخنه البيضاء مع تزويد السرعه .....وغازات الأحتراق بتسحب معاها ميه الى مانيفولد العادم ( فرن الشكمان ) بسبب عدم الحبك التام لجوان رأس السلندر مع أرتفاع ضغط الحريق مع تزويد السرعه...........................

**pharonicking** · 06-06-2009 05:36 PM

الميكانيكى طلع مبيفهمش حاجة هو تبعك ولا تبع صاحب العربية"

**ابو حسين** · 06-06-2009 05:48 PM

المشاركة الأصلية كتبت بواسطة samirayad

بعد أذن الأخوه طبعا ......ياريت تنتظر قليلا لمراقبة منسوب الزيت مع الأيام القادمه .........لو الزيت بينقص يبقى فعلا أنت محتاج طقم شنبر وروديه بالمره .........لو الزيت كويس ومبينقصش يبقى ممكن تكون محتاج روديه فقط ............وممكن يكون عندك عيب فى الكربوراتير مثلا (لأنك برضه مش موضح الدخان ........أبيض مزرق ....ولا أبيض مسود )..............لأنها تفرق برضه

سمير باشا اة اخبارك يارب تكون بخير

انا كمان بينقص معايا الزيت ربع كيلو تقريبا كل 1500ك تقريبا

اي رايك يابشمهندس

**samirayad** · 06-06-2009 08:51 PM

[quoteسمير باشا اة اخبارك يارب تكون بخير ][/quote] الله يخليك يا أحمد باشا .....الحمد لله كله تمام .....وبرضه الحمد لله أنى أطمئننت عليك ( لأننى بقالى حوالى 3 أيام لم أحس بوجودك معانا ......فالحمد لله أنك بخير أيضا )..............

انا كمان بينقص معايا الزيت ربع كيلو تقريبا كل 1500ك تقريبا

أنا لحد دلوقتى مش عارف نوع عربيتك ......وعموما نقصان الزيت لأى مكنه بيكون غالبا أما من تسريب خارجى (جوان كارتير أو تاكيهات أو طبة زيت مثلا - سيلات كرنك وكامه) وده بنتعرف عليه بالفحص الظاهرى للشكل العام للمحرك........أو من خلال خط فائظ المكنه الى مجمع أو فلتر الهواء.....أو من خلال مناطق كاوتش الصباب........................ودول بيبانوا من خلال عادم الشكمان ........ومن خلال الفحص الفنى لخط الفائظ بيتم التعرف على أن التسريب من شنابر المحرك

**ابو حسين** · 06-06-2009 09:16 PM

أنا لحد دلوقتى مش عارف نوع عربيتك[/QUOTE]
سمير باشا

هواندي اكسنت 1500 س س انشكشن 1995 وارد كورية من بورسعيد

وشكرا علي المجهود الذي تبذله معنا

والله يعطيك الف عافيه

وعلي فكره هيا تبق الاصل من السياره الا في التوقيع

الموضوع: أرجوكو طمنوني بسرعه

LinkBack

أدوات الموضوع

عرض

-

-

-

-

المواضيع المتشابهه

طمنوني ارجوكم

طمنوني ارجوكم

الفتيس طمنوني

طمنوني ياجماعه

أرجوكو ساعدونى انا محتااار ......

الكلمات الدلالية لهذا الموضوع

المفضلات

المفضلات

ضوابط المشاركة