عندي سؤال لحضراتكم بخصوص الصيانة انا عرفت منكم ان في صيانة الالف كيلو ولما كلمت التوكيل قالولي مافبش صيانة الا بعد 5000 بس انا استخدامي قليل للعربية وممكن تعمل بعد فترة طويلةال5000 ياريت تنصحوني لان اختكم تعبت من بتوع الصيانة:_Alshmokh11:
عرض للطباعة
عندي سؤال لحضراتكم بخصوص الصيانة انا عرفت منكم ان في صيانة الالف كيلو ولما كلمت التوكيل قالولي مافبش صيانة الا بعد 5000 بس انا استخدامي قليل للعربية وممكن تعمل بعد فترة طويلةال5000 ياريت تنصحوني لان اختكم تعبت من بتوع الصيانة:_Alshmokh11:
السلام عليكم و رحمة الله و بركاتة ,
حضرتك راجعى كتيب الضمان و بيكون فيه موضح فيه أول صيانة بعد كام كيلومتر و بعدين بيكون موضح مواعيد الصيانة الدورية كل كام كيلومتر .
فعلا فى صيانة الالف كيلومتر وبعدين فى صيانة 5000 و10000 كيلو ، بس على فكرة الصيانة فى التوكيل بتكون كل اما بالكيلومترات او كل 3 شهور ايهما اقرب.
ولازم متفوتيش اى صيانة علشان الضمان ميضعش عليكى.
كده كده ......هما مفيش منهم فايده للأسف ............ومشبك نفسى معاهم علشان أبقى مرتاح نفسيا .....وخلاص قربت أطلع من الضمان فى آخر السنه ......وكل اللى روحتهولهم حوالى 4 أو 5 مرات لأن أستعمالى للسياره خفيف برضه ..............لأن الصراحه حرام الواحد يروح للنار برجليه كل 3 شهور .....ومشيه بالعربيه بسيط............
والله انا لحد دلوقتي ماشي مع الضمان وقربت اعمل صيانة ال20000 وكمان عندي مشكلة في الحساس ولما اروح اعمل الصيانة هشوف هيقولوا اية ويعملوا اية في مشكلة الحساس وبعدين هقرر اكمل معاهم والا لا طبعا دة لو قالوا مشكلة الحساس برة الضمان او مثلا عيب استخدام علشان انا عارفهم بيحبوا يرسموا
من الملاحظ ان الصيانة فى الضمان مع التوكيل كلها مشاكل
والله انا زيك ومش بتحرك كتير
بس لاقيت في كتاب الضمان ان مفيش اصلا الف
اول خانة 5000 مع اني قلقان جدا عشان عاايز اطمن ع الزيت والميا والحاجات دي
بس ناس قالتلي هما ادرا
بس سؤالي المهم هوا هل هيا اصلا جديدة فيها زيت وميا كفايه ولا لا
ولا زي البنزين عشان استلمت العربية فيها 2 لتر بنزين بس !!!!
يا ريت حد يفيدنا من المهندسين المبجلين
مثلى تمامااقتباس:
والله انا زيك ومش بتحرك كتير
فعلا مفيش حاجه أسمها ألف فى كتيب الضمان على ماأتذكر من وقت شرائى للعربيهاقتباس:
بس لاقيت في كتاب الضمان ان مفيش اصلا الف
لفت نظرى يا أستاذ : حسام فى موضوعك بتاع كربون الشكمان ......أنك عام 1000 ك تقريبا ..........ياريت تروحلهم بقى .....علشان تغير زيت وفلتر وتعيد تربيط عفشه اللى بعد ال1000 لأن الزيت اللى بيبقى موجود وقت الشراء أنا فاكر طشاش كده أنه بينزل بعد ال1000 تقريبا (لأنهم بيقولوا عليه زيت تخزين وكده ) ...أيوه أفتكرت أنا غيرت الزيت ده عندهم على 1200 ......فلاتنسى النقطه دى وياريت تتحقق من الجزئيه دى منهم لأن أحتمال يكونوا غيروا النظام ولا حاجه فالمشوار ليهم حيأكدلك على الحته دى برضه ...........ومتستناش اللى أسمها 5000 دى (على فكره أنا خلاص قربت أطلع من الضمان على آخر السنه أن شاء الله )...............والحمد لله طبعا .....وحكون مع نفسى بعد كدهاقتباس:
بس ناس قالتلي هما ادرا
الزيت غيرته بعد 1200 تقريبا .....وممكن تروح تغيره اليومين دول هو والفلتر .........الميه لسه نفسها عندى .....ولما المنسوب قل معايا بعد فتره .....أشتريت جركن ماء أخضر سعودى ........وزودت منه حوالى نصف لتر من فتره فقطاقتباس:
بس سؤالي المهم هوا هل هيا اصلا جديدة فيها زيت وميا كفايه ولا لا
وأنا لسه شارى العربيه ......وطالع من شارع المعرض اللى أشتريت منه وبلف علشان أدخل الشارع الرئيسى ....لمبة البنزين نورت .....مونت وأنا ماشى من بنزينه فى طريقى لبيتى .............أما زيت الفتيس والباور والميه ( تابع المقاس فقط ) ونظام زيت المكنه زى ماقولتلك قبل كده ..............اقتباس:
ولا زي البنزين عشان استلمت العربية فيها 2 لتر بنزين بس !!!!
رفعت الجلسه ياسيادة المحامى وأخى الفاضل الأستاذ : حسام .........اقتباس:
يا ريت حد يفيدنا من المهندسين المبجلين
انا عملت صيانة لعربيتى الدايو لانوس 1000 كيلو عند أبو غالى أتوميتوف بالعبور وهى تعتبر تكملة لأستلام العربية لو عندك أى ماحوظة ومغيرتش زيت قالولى يتغير على 5000 كيلو عشان دا زيت الفبريكا بتاع الماتور الكورى ومش حتعوضة وجزاكم الله خيرا