ياريت يجامعة كل الى يعرف حاجة عن فيات برافو تربو يقولى عنها كل حاجة
لانها محتاج بجد المعلومات دى اوى اوى علشان ان شاء اللة ناوى اشتريها هى او السيفيك اعلى فئة
فياريت كل الى عنو معلومات عنها مايبخلش
عرض للطباعة
ياريت يجامعة كل الى يعرف حاجة عن فيات برافو تربو يقولى عنها كل حاجة
لانها محتاج بجد المعلومات دى اوى اوى علشان ان شاء اللة ناوى اشتريها هى او السيفيك اعلى فئة
فياريت كل الى عنو معلومات عنها مايبخلش
المحرك 1400 سى سى 16 صباب تربو.
العزم 206 نيوتن عند 2000 ار بى ام فى الوضع العادى.
230 نيوتن عند 3000 ار بى ام فى الوضع الرياضي.(فيه زر فى التابلوه مكتوب عليه Sport).
القوة الحصانية 150 حصان عند 5500 ار بى ام.
التسارع 0-100 : 8.5 ثانية فى الوضع العادى, 8.2 ثانية فى الوضع الرياضي.
السرعة القصوى 212 كلم/ساعة.
الامان : 5 نجوم فى اختبارات السلامة الاوروبية.
هى فى رأيى أفضل من الهوندا سيفيك فى كل شىء, خاصة من ناحية الاداء, و من ناحية الشكل طبعا, البرافو ابداع خاص من فيات عكس الهوندا ال"مكعبرة".
+ 4 جنوط سبور لونين
تابلوه كاربون اسود فاخر جدا و دريكسيون جلد و مقبض فتيس جلد و كراسى سبور قماش خامة محترمة جدا
بلوتوث
فتيس 6 سرعات امامى
abs,ebd
شكمان سبور
باختصار العربية دى فيها كل اللى ممكن تتخيله ما عدا الزينون و السعر 175000 ج
سيارة خيالية بكل ما تعنيه الكلمة وبكل تفاصيلها
سا جماعة دول مهتمين حتى بادق تفاصيل المقصورة حد اخد باله من قماش فؤش الباب ده تحفة فنيه
بجد حاجة راقية جداااااااااااااااااااا
نزل منها اوتو .........
تقريبا هاتكون بـ160 الف
يا فادي متوهش نفسك .. يا تركب مازدا3 يا تركب سيفيك ... لكن سيبك من الفيات برافو أنا بردو جات عليه فترة كنت بفكر فيها جدا وروحت شوفتها في الفرع بتاع الدقي وهي فعلا جميلة .. بس غير اعتمادية وموضوع التربو بتاعها ده غير مطمئن وانا على فكره قريت عن مشاكل للتيربو بتاع البرافو قبل كده في موقع اجنبي هحاول ادورلك عليه واجيبهولك .. بس راي عموما خليك في اختيارك التاني احسن بكتير .. سيفيك
يا justs فسيات عمرها ماتعمل حاجة غير اعتمادية .... دا فيات هيا الاعتمادية اصلا .. دا كفاية المويلات القديمة الى لسة عاشة حتى الان .. وانا الحقيقة عمرى ماسمعت عن مشكلة فى التربو بتاعها .. العربية لا تقارن بالمازدا والسيفيك والاكورولا والانسر .... دا كفاية التسارع 8.2 ثانية والفتيس ال6نقلات والجنوط (17r/45/225) اسود متوحش ... ونظام سمعى خرافةةةةة .... والتابلوة كلة carbon fiber
دا غير الوسع الغريب فى الكنبة الخلفية والشنطة بحر (فيها صب ووفر كبير ) والزينون ولو شوفت الطارة بس معمول فيها فن اكتر من الفن الى معمول فى السيفيك كلة ...
العربية دى من الاخر ... عيبها الوحيد بس .......
سعر اعادة البيع .. لكن لو مش هتبيع يبقى عيب ان انتا تجبهاش اصلا
الفيات واحدة من أكثر ماركات السيارات أعتمادية .اقتباس:
بس غير اعتمادية
بالنسبة لفادي ومن غير تحيز لفيات .. برافو عربية محترمة جداً تكنولوجيا عالية أعتمادية عالية شياكة وفخامة تحترم ولكن في الآخر هاتش باك هيجي عليك وقت هتقول ياريتني بالمبلغ دة كنت جيبت سيدان خلاصة الكلام هتجيب برافو يبقى معاك عربية سيدان غيرها وتخلي البرافو دي لأوقات التميز يعني برافو كدة حاجة شبه الميني كوبر تحفة ومش أي حد يمتلك تمنها يجري يجيبها على طول لكن لو العربية عاجباك وداخلة دماغك وغاويها أتكل على الله مفيش أحلى من أن الواحد يشتري عربية بيحبها ونفسه فيها .
البرافو دي مبهرة من حيث تجهيزات و وسائل الامان ... انا مش فاكرهم كلهم بالتفصيل ... بس ممكن اقولك انها فيها نقط انهيار كتير عشان تحمي الركاب ... و لو لا قدر الله حصل خبطة جامدة من ادام .. الموتور و الجير بوكس بيسقطوا لوحدهم على الارض عشان ميدخلوش على السائق و الراكب الامامي .. طبعا دة غير الوسائد الهوائية في كل حتة في العربية و بيفتحوا على مراحل حسب مكان و شدة الصدمة... بس معرفش هل هي كدة افضل من السيفيك في تجهيزات الامان و لا لا
أخيرا لقيت حد مثلى شايفها مكعبرةاقتباس:
عكس الهوندا ال"مكعبرة".
موضوع الزينون ده حاتأكد منه النهارده
انا كنت فى اوماترا امبارح و بصراحة البرافو انا شايف انها بعد ما تنزل ال 120 حصان الدوالوجيك حاتقعد عربيات كتيير فى البيت و اولهم الاوبل كورسا و الجولف و كمان البى ام ال 116 حتى كمان ال 150 حصان بتاعت البرافو بالنسبة لسعرها و كمالياتها بين العربيات دى تعتبر منافس قوى .
المواصفات الاساسية للبرافو ال 120 حصان و التى تعتبر كماليات بالنسبة لمعظم العربيات اللى فى السوق (من نفس فئة الجسم) تكييف بكر-4 زجاج كهربائى-سنترال بريموت-2 ايرباج-و طبعا الدوال لوجيك -و abs-باور اكيد بس مافيش كاسيت و لا جنوط و السعر لسه مش متحدد بس من كلام رجل المبيعات انه حايبقى 120 الف
انا بس نفسى اعرف
الفيات برافو 150 حصان الاوتماتيك بكام فى مصر
ياريت حد يجاوبتى
خلاص يا سعداوى باشا كلامك مصدق :verygood:
هى فعلا الدوالوجيك حاتبدأ من 120 (4 زجاج كهربا-ABS-تكييف بكر-سنترال+ريموت-باور- 2 Air bag ) بس ولا كاسيت و لا جنوط سبور
و بعد كده حايكون فى 6 فئات منها لدرجة ان اخر 3 فئات فيهم بدالات فى الدركسيون لتغيير السرعة و جنوط 16"
اما بالنسبة لل 150 حصان فسعرها 175000 الف جنيه و فيها كل حاجة ماعدا الدوالوجيك بس الفتيس اليدوى 6 سرعات امامى
على حسب معلوماتي المتواضعة أعتقد إن مفش ١٥٠ حصان أوتوماتيك (dualogic) في مصر و عامةً الفرق ما بين ال-١٥٠ full package و ال-١٢٠ full package هو Xenon و sensors بس بجانب فرق قوة الموتور طبعاً .
هههههههههههههههههه اصل فى بلاد بره والدول المتقدمة اهم حاجه هو سلامة السائق ومش مهم العربية تروح فى داهية لكن اكمن احنا بندفع دم قلبنا على العربية فلما بيحصلها حادثة فنفسنا احنا اللى تحصلنا الحادثه لكن العربية تكون بعيدة تماما وتطلع سليمة على اساس ان خلايا جسمنا بتتجدد تانى مجانا واى اصابة بتلتئم لوحدها لكن العربية بتبقى عاوزه ميزانيه تانيه خالص بس متقلقش الموتور والفتيس مش حينزلوا لتحت الا فى الحوادث اللى العربية خلاص حتبقى زى علبة الكبريت يعنى معادتش ينفع تستعمل تانى
طيب المانوال بتاع العربية اية نظامة انا كنت عايز حاجة مريحة بس مش اكتر
لأ انا عايز 150 حصان بس
انا بعتقد ان فيها اوتماتيك
على فكرة الاتنين عربية واحدة :
الاتنين نفس العزم 206 نيوتن/متر بس ال 120 حصان العزم بيبقى على 1750 دورة/دقيقة و ال 150 حصان بيبقى على 2250 دورة/دقيقة
التسارع بتاع ال 150 من 0 ل 100 كم فى 8.2 ثانية و ده مع استعمال ال overboost بتاع التيربو
التسارع بتاع ال 120 حصان من 0 ل 100 كم فى 9.6 ثانية
السرعة القصوى لل 150 حصان هى تقريبا 210 كم/س و ال 120 حصان 195 كم/س
الموضوع كله تعديل فى كنترول العربية علشان ال overboost
واخيرا بص ان ال 120 حصان فيها دوالوجيك
فيه شوية لينكات لقيتها عن البرافو بس مش عارف ممكن تفيدك ولا لأ
http://www.autobloggreen.com/tag/fiat-bravo/
http://www.duemotori.com/news/auto_n...16v_engine.php
طب معليش سوال تانى عن الدولجيك دة اية الفرق بينو وبين العادى ؟؟؟؟؟؟؟؟ وياتر سعر ال برافو 120 حصان كام وهو اعلنو فى اوتو ماك ولا لا ؟؟؟؟؟؟؟؟؟؟؟؟؟ وشكرا وارجو الافادة
يا جدعان مش اعتمادية ازاي بس انتو بتقولو ايييييييييه
ده الأونو التربو مواتيرها زي ما هي من التمانينات و الشباب بره مصر شغالين حرق و تعديلات الله ينور تقومو تقولو عالبرافو مش اعتمادية
ابسط رد ممكن ارد بيه ان الفيات القديم من السبعينات و اقدم لسه شغال زي الفل لحد دلوقتي و فيات جودتها معروفة مبتتغيرش بل بتتطور كمان
و الديوال لوجيك نزل في البرافو سبع سرعات و كله مكتوب في جريدة السيارات و ده فتيس اوتوماتيك و مانيوال مع بعض و من غير فقد في العزم و ليه اكتر من موود ده اللي انا اعرفه
و اللي يشوف وسعها من جوة و شنتطها هايلاقيها واسعة جداااااا اصلا