صوت موتور العربيه عالييييييييييييييييييييي

**hesham70** · 31-05-2009 06:54 PM

السلام عليكم ورحمة الله وبركاته
العبد لله عنده عربيه فليشا 97
العربيه كانت زي الفل ولله الحمد....... ولكن انا مش ساكت حست ان كهربة العربيه مش مظبوطه او انا مش فاهم المهم عندي ميكانيكي في الشغل بتاعي المهم شكله لعب في الكربراتير
ومن بعدها العربيه اتقلب حالها مره الشوك(اتومتك التسخين) يشتغل ومره لا ، الموتور بيرعش في الصبح سواء الجو برد او حر الكهربه مره تعلي ومره لا.... المهم العربيه متربجله ورحت لاكتر من ميكانيكي بعد كده.... وكله لعب في الكربراتير واخير رحت لمركز في الحرفيين المفروض ان بيصلح العربيات الالماني قال لي الكربراتير كويس انا حاظبطه ولكن معملش حاجه بس غير (الكوليه بتاع الاسبراتير) المهم انا مش عارف اعمل ايه (صوت العربيه حاليا عالي جدا ) وكنت معتاد لما اجيب الغيار الخامس صوت العربيه ينعم جدا حاليا كل ما ازود الغيار صوت العربيه بيعلي زياده لدرجة واحد ركب معايا قال لي في حاجه في الشكمان الصوت عالي جدا... هل الكرياتير يعمل الصوت العالي وان كان كده ايه الحل ولا الصوت العالي مش من الكرابراتير من حاجه تاني ....علي فكره العربيه مابتكلش بنزين بتعمل معايا في الصفيحه 215 ك علي سرعة 80الي 90 علي الطوالي ......افيدوني افادكم الله لان مش عارف اعمل ايه
جزاكم الله خيرا

**zyadahmed** · 31-05-2009 08:24 PM

تقريبا الجوان اللى تحت الكربراتير عايز يتغير كان عامل معايا نفس المشكلة ودوخنى شهور وطلع الحل بسيط

**mazenossama** · 01-06-2009 01:23 AM

من الاخر مفيش ميكانيكي بيعرف يزبط الكربيراتير زي بتوع الكربيراتير خصوصا لو كان محتاج تنضيف لو انت من سكان الهرم روح عند كربيراتير شبرا خلف المطبعة الي في محطة المطبعة بشارع الهرم

طبع اسباب علو صوت المتور ممكن ببساطة هو معلي المكنة اوي تاني حاجة التاكيهات محتاجة زبط
في مشكلة في الشكمان واخيرا لو الصوت جي من جنب المنك الشمال غالبا الصوت بيكون خارج من سير الكتينة وطرمبة المية وبلية الشداد بس انت بتقول الصوت جي من المكنة اذن الاحتمال الول والتاني هما اكيد السبب

**nezamy71** · 01-06-2009 01:49 PM

للاهمية العربية دي في الطوالي بتعمل معايا في الصفيحة 275 كيلو راجع معدلات السحب عندك وشوف الشكمان ممكن يكون مخروم

**mazenossama** · 01-06-2009 02:05 PM

المشاركة الأصلية كتبت بواسطة nezamy71

للاهمية العربية دي في الطوالي بتعمل معايا في الصفيحة 275 كيلو راجع معدلات السحب عندك وشوف الشكمان ممكن يكون مخروم

275 لي 215 الفرق ده بسيط مش كبير وميدلش علي عيب 215 كيلو معقول ولو اقل من العادي بس يمكن تزبيط التاكيهات يحل المشكلة

اما عن الفرق استهلاك البنزين بيفرق من شخص وشخص علي نفس العربية اسلوب القيادة ودوسة البنزين وضبط الاطارات ممكن يتحكموا في زيادة الاستهلاك بنسبة تصل الي 30 %

غير ان 215 معقول وان كان عالي نسبيا
طبعا انا بقول كدة عشان اطمن ومزيدش من قلق صاحب الموضوع او انه ميتوقعش فرق مبهر بعد زبط السيارة في استهلاك البنزين