الموضوع: تم بحمدالله تركيب الجنط رقم 3 بناء ع نتيجة الاستطلاع

اولا انا بشكر الناس كلها ع الدعاوى الجميلة ربنا يخليكوم
انا حسيت انة فعلا غالى حبة بس انا كنت اقل عربية بتركب عندة :)))) كلة جيتا و جولفات و كلة قاللى غالى بس مضمون
ياللا الحمد لله ع كل شىء
بالنسبة للتغييرات:

بلا مبالغة الفيرنا مبقتش الفيرنا اللى عارفة بقالى سنتين
يعنى يا جماعة كل اللى راكب فيرنا لاااااااااااااااااازم و عن تجربة اهو يركب المقاس دة
والله العظيم بدون مبالغة بقت عربية تانية خاااالص
الكاوتش اللاسا التركى اللى كان فيها دة زباااااااااااااالة

1) ثبات غير عادى ! بمعنى الملف اللى كنت بخدة ع البحر ع 80 و العربية تصرخ النهاردة (عشان بجرب بس) واخدة 130 !!! و مفيش صوووت نهائى !!!!
2) الملفات العربية مش بتميل ذى الاول خالص بتلف و العربية مفيش ميل !!!
3) الفرامل واحدة بس الفرق مش بتسحف ولا بتحدف !!!!!!!!!!!!!!!!! يعنى اقفش فرامل تقف سترييت مش تحدف حارتين :)))
4) التسارع اقل سنة بسيطة
5) العفشة سبحان الله فرق بسيط خالص مش ملموس

و جارى التجارب :)))))))))

المشاركة الأصلية كتبت بواسطة fadi ezzat

الف الف الف الف مبروووووووووووووووووووووو ووووووك
انا بصراحة بحيك جدا لانك خدت راينا وبعدين روحت عارضلنا الصور بجد بجد احييك
على فكرة الجنط شكلة تحفة اوى ولايق مع العربية اوى
وطبعا الثبات فرق معاك كتير مانا بردو هعمل كدة فى عربية ابن عمتى الشيفرولية لانوس هركبلة جنوط 15
وبجد انت افدتنى جامد من ناحية الاسعار وكدة ميرسى ليك كتير
واتشرفت كتير بمعرفتك

فادى انا والله اللى اتشرفت بمعرفتكوا كلوكوا والله اول ما ركبتة اول ناس انت شوفتوة حتى صحابى شافوة باليل :))))))
و رأيوكم كلوكوا فادنى جدا جدا و بالذات انى عرفت حاجات من كل واحد فيكوا عمرى ما سمعت عنها قبل كدة و دة ساعدنى فى كل حاجة عندى فى العربية
و من ناحية الاسعار

نصيحة منى

محدش يستخصر يا جماعة بالذات فى الكاوتش و الجنوط لانهم انت ماشى عليهم و هم كل امان العربية
و اللى يدفعك 2000 او 2500 فى حاجة مش قد كدة لأ اصبر و زود حبة كمان و هات انضف حاجة و صدقونى دى مش فلوس فى الارض دة أمان

من لفتى فى السوق كلة لقيت ان كل اسعار الكاوتش المقاس دة تتراوح من 300 الى 340
البريدجستون و الميشلان و البيريللى بس كاسرين ال 500

و شكرا ليكوا تانى و لنيل موتورزززززززززززز اللى نفسى اعلق البادج بتاعوة ع عربيتى و مش عارف