هو خلاص الجدول اتحدد
هيوصل القاهره الساعه 11
هيتم استقباله في قصر عابدين
هيلقى المحاضره الساعه 12:35 -شايفين الدقه-
المحاضره هتعقد ساعه
هيمشي الساعه 6 على المانيا
عرض للطباعة
هو خلاص الجدول اتحدد
هيوصل القاهره الساعه 11
هيتم استقباله في قصر عابدين
هيلقى المحاضره الساعه 12:35 -شايفين الدقه-
المحاضره هتعقد ساعه
هيمشي الساعه 6 على المانيا
القصيدة دى كتبها احمد فؤاد نجم بمناسبة زيارة نيكسون فى السبعينات
شرفت يا نيكسون بابا يا بتاع الووترجيت
عملولك قيمة وسيما سلاطين الفول والزيت
فرشولك أوسع سكة من راس التين على مكة
وهناك تنفذ على عكا ويقولوا عليك حجيت
ما هو مولد ساير داير شيلاه يا صحاب البيت
جواسيسك يوم تشريفك عملولك دقّة وزار
تتقصع فيه المومس والقارح والمندار
والشيخ شمهورش راكب عَ الكوديا وهات يا مواكب
وبواقي الزفة عناكب ساحبين من تحت الحيط
ما هو مولد ساير داير شيلاه يا صحاب البيت
عزموك فقالوا تعالى تأكل بامبون وهريسة
قمت انت اكمنك مهيف صدقت ان احنا فريسة
طبيت لحقوك بالزفة يا عريس الغفلة يا خفة
هات وشك خدلك تفة شوبش من صاحب البيت
واهو مولد ساير داير شيلاه يا صحاب البيت
خذ مني كلام يبقى لك ولو انك مش حَ تعيش
لا حَـقول أهلاً ولا جهلاً ولا تيجي ولا ما تجيش
بيقولو اللحم المصري مطرح مابيسري بيهري
ودا من تأثير الكشري والفول والسوس أبو زيت
واهو مولد ساير داير شيلاه يا صحاب البيت…
انا مش عايزة الشوارع تلمع و لا الجناين تملا البلد يومين تلاتة.. أنا عايزة أمشي في بلدي في أمان و ماحسش اني موضع إتهام و لا أقف ساعة بعربيتي في الطريق عشان البهوات معديين.. هو ده كتير؟
الدائري يا جماعة يشهد أجمل أيامه منذ ان تم إنشائه!!
الطريق شغالين فيه بإديهم و سنانهم...و عاملين فيه شغل رهيب...انا أساساً مستكتره علي نفسي...حاسس إني ماستهلش كل ده:)
في ظرف إسبوعين رصف الطريق بالكامل مش ترقيعه + إصلاح مطبات الهواء + التخطيط + العواكس علي الأرض و جوانب الطريق ....مع إن مشروع توسيع و تطوير الدائري كان بدأ أيام ما أنا كنت لسه بامتحن السنة اللي فاتت...يعني سنة بالظبط!!!لو كانوا شغالين بنفس السرعة بتاعة دلوقتي كان خلص بالكتير في 3 شهور..
إمبارح باليل كنا ماشيين عليه حسيت إني علي طريق الأوتو بان في ألمانيا...و لسه لما يخلص كمان
انا متأكد 100% ان اللي بيحصل ده مش عشاني و مش عشان باقية الشعب الغلبان...أكيد فيه سبب أقوي يخليهم يشتغلوا بالسرعة و الكفاءة و الجودة دي.....بس في الأول و الأخر أهو خير و رحمة لينا و لعربيتنا
انتم مستغربين كدة لية دة رئيس اكبر دولة فى العالم!!!!!!!!!!!!
احنا فى دمنهور لما سوزان مبارك جات تفتتح الاوبرا غسلوا الشوارع الى هتعدى منها وجميع عمال النضافة الى فى دمنهور تركزوا فى الشارع الى هتمشى فية ونضفوا لما من كتر النضافة الاسفلت كان هيطلع فى المقشة
وجابوا العربيات الى فيها فرش من تحت علشان تغسل الاسفلت ووراها عربية مياة وصابون وجميع مخبرين البحيرة كانوا فى الشوارع ومنطقة الاوبرا كانت ساكنة عسكرية
ودهنوا الارصفة برضة ودهنوا البيوت الى على الشارع الى هتعدى منة كمان وحجزوا العربيات تماما مافيش عربية تمشى فى الشارع لحد ما الزيارة تنتهى
وكل دة علشان 2 ساعة فقط
كل الى انتوا بتقولوا دة عااااااااااااااااااااادى واقل من العادى
مافيش امتحانات فى جامعة القاهرة يوم الخميس احنا كان عندنا امتحان الخميس اتقدم بقى الاربعاء و مش عاوز اقولكوا ايه كمية النضافه و السفلته و الدهان و تصليح الشوارع و شيل المطبات اللى بتحصل فى الشارع بتاع الجامعه و شوارع بين السرايات و بيقولولنا ان الحرس الجمهورى هيمسك المنطقه كلها يوم الاربعاء بعد الظهر