إرهاصات زيارة أوباما المرتقبة لمصر

**Imhotep** · 02-06-2009 04:45 PM

المشاركة الأصلية كتبت بواسطة ehabbasha30

انا حاسس ان فى ارهاصات تريقة :u_thin1[1]:

عيب عليك........ نضحك مع بعض سوا ماشى انما تريقة مش ممكن ده يكون قصدى......
الواحد بيحاول يدور على اى سبب للضحك فى اللى بيقابله من اشياء....... خلينا نفرفش شوية بدل........
اهى محاولات........

**ehabbasha30** · 02-06-2009 05:45 PM

انا عارف طبعا انك بتهزر وانا كمان قلت اعمل ارهاصات هزار وترفية وضحك
لكن الظاهر ان حصل ارهاصات سوء تفاهم
كل واحد لازم يقول ارهاصاتة قبل ما نفهم ارهاصاتنا غلط
كل واحد مسئول عن ارهاصاتة
واللى ارهاصاتة هتروح منة انا ماليش دعوة

**Imhotep** · 02-06-2009 10:20 PM

خليها ارهاصات تفاهم من غير سوء

بقالى شوية حاسس بارهاصات فى المعدة....... ربنا "يسهل" و اعرف فى ايه
لأ متبسطهاش اكتر من كده :)

**OlaOsman** · 02-06-2009 10:24 PM

المشاركة الأصلية كتبت بواسطة Dr Zezo

القاهرة شبه مغلقة
وينصح المسؤولون الملايين من سكان القاهرة بعدم مغادرة منازلهم يوم الزيارة وارجع ضباط أمنيون السبب إلى ان الاجراءات الأمنية التي اتخذتها الحكومة لتأمين زيارة أوباما التي لن تستغرق سوى ثماني ساعات ويلقي فيها خطابا تاريخيا يتوجّه فيه للعالم الاسلامي، ستجعل مهمة الانتقال بين أحياء القاهرة ومناطقها أشبه بالمستحيلة.
وقال هؤلاء الضباط ان الخطة التي وضعت لتأمين سير موكب اوباما في المدينة ستؤدي الى إغلاق العديد من شوارعها وميادينها الرئيسية، مما سيمنع أكثر من مليون سيارة من الحركة لساعات طويلة في مدينة تعاني أساسا من أسوأ أنواع الاختناقات المرورية في العالم.
وأضافوا ان الأفضل هو بقاء حوالي 18 مليون شخص من سكان القاهرة، أو جلهم، في البيوت طيلة فترة الزيارة التي ستستمر من الساعة التاسعة صباحا حتى الرابعة بعد الظهر.
الخبر من مصراوي http://www.masrawy.com/News/Egypt/Po...bamavisit.aspx

الكل يجلس في بيته وبس

موافقة.. بس يخلوا الشغل يومها يدونا أجازة مدفوعة الأجر.. انما انا لما اليوم ده يتخصم من رصيد أجازاتي سي أوباما هاينفعني بإيه؟

**A.Saad** · 03-06-2009 12:04 AM

المشاركة الأصلية كتبت بواسطة OlaOsman

موافقة.. بس يخلوا الشغل يومها يدونا أجازة مدفوعة الأجر.. انما انا لما اليوم ده يتخصم من رصيد أجازاتي سي أوباما هاينفعني بإيه؟

انك خدتى اجازة مديرك مش عايز يديهالك

الموضوع ده كان مكتوب هنا
شوفوا الشئون الادارية فى شركه ما كاتبه ايه لموظفينها
http://www.nilemotors.net/Nile/showt...E1%D4%C6%E6%E4

**هيثم** · 03-06-2009 11:16 PM

المشاركة الأصلية كتبت بواسطة madyyuri

لا املك إلا ان أقول
حسبي الله ونعم الوكيل
حد فاكر أعظم رئيس خلق علي وجة الأرض والذي جعل الله منه حجة علي كل حكام وامراء الشعوب لما زار القدس ليتسلم مفاتحيحا دخلها ازاي؟؟؟؟

مفيش مقارنه بين سيدنا عمر و اوباماااااااااااااااااااا ااااااااااااااااااااااااا ااااااااااااااااااا

**Abo.Omar** · 04-06-2009 12:26 AM

والله احنا بلد تموت من الضحك
اول ما يتقرر ان حد هايعدى من شارع او هايعمل زياره فمكان ..
يلا يا رجااالللاااااااااااااا
حط اصارى الزرع
بيض الحيطان
ارصف وادهن
حواجز فالشوارع
اول ما الخواجه يمشى
هوبا ..
شيل اصارى الزرع
لو طالو يشيلو الرصف لزياره تانيه والله ليعملوها
نظام عجيييييييييب والله