النهاردة رحت صيانه ال5000 للياريس
اول ما اصحيت الصبح قلت اجرب احجز مع اني قريت هنا في المنتدي صعوبه الموضوع ده , المهم اتصلت و قلت انا عايزة اجي النهارده و قالولي مفيش مشاكل لكن بعد ما قفلت اكتشفت اني كلمت مركز التجمع و عشان كان في ناس كتير قالوا هنا ان مركز العباسية افضل المراكز فقررت اكلمهم احجز هناك و فعلا قلت انا عايزه اجي النهارده قالولي برده مفيش مشاكل , قلت شكلي محظوظة بقي :36_7_7[1]:
المهم كان ميعادي 12 و فعلا ندهوا اسمي الساعة 12 و طلع واحد استلم العربية مني و بعدها ان العربيه تتزحزح ابداااا :_Alshmokh11: و دخلت الصيانه الساعه 2:30 و دي ملاحظاتي
1- الناس هناك فعلا محترمين جدا انا حتي كنت هادفع 360 بس لقيتهم بيقلولي انهم عملولي discount علشان اخروني معأني معترضتش خالص علشان فعلا كانت الدنيا زحمه و فعلا دفعت 297 :36_1_34[1]:
2- ضايقني شويه اني مش شايفه العربية بيحصل فيها ايه بعكس توكيل دايهاتسو مثلا بس هم عملين هناك monitors كده بتقدر تتابع بيها العربيه
3- انا كنت فاكره ان ميعاد الصيانه اللي جاي هيبقي في ال 15000 كيلو بس لقيت المهندس بيقوللي انو 10000 انشاء الله
4- الدرج ده اللي يمين السواق كان المشبك بتاعه مكسور فقلت اصلحه لقيتوا بيقللي ان الدرج كله يتغير قلتله اكيد لأ:shyy:
4-مفاتنيش طبعا القي نظره علي موديلات 2009 حسيت الياريس الجديده مش فارقة من بره غير الشبكة بس لكن من جوه لفت نظري ان كل الموديلات لون التابلوه بيج* كاكاوي* ذهبي مش بيج *اسود*فضي زي 2008 و كمان في لون جديد نازل في الياريس كنت بشوفه في الكورولا بس و هو زي سماوي فاتح كده بس حلو اوي
5- الركنه هناك حاجه صعبه اوي بس يمكن علشان رحت في الزحمه و كمان انا مش اوي في موضوع الركنه ده و بكره اويييييييي اني اطلع بالعربيه فوق الرصيف و انتهي الموضوع ان واحد من العمال ركنلي الحمد لله
:k4: