الــمــازدا 3 هتقلب الموازين ..!
المازدا هتعمل انقلااااب يا جماعة .
لسه كنت بشوفها النهارده فى معرض فى مكرم عبيد .
العربية وهـــــم ما شاء الله .
اول ما دخلت سالت المسئول هناك عن اسعار و مواصفات العربية وكده .
كلامه وحش جدا جدا جدا و قليل الذوق اوى
سالته هو مفيش هاتش باك هينزل من المازدا 3 ولا ايه .. قالى لا مش هتنزل مصر .
طب اسعارها عاملة كام ! لالا لسه مفيش اسعار دلوقتى و محدش يعرف .
قلت له طب لو عايزين نحجز نعمل ايه ( قلت له كده علشان اعرف بس السعر ) قالى لالا العربيات دى للعرض ومش للبيع نهائي .
قلت له كلها كام يوم و معرض اوتو ماك يفتح و نعرف . ضحك و قالى لالا مش هتبقي موجودة هناك . احنا حصريااااا و اول ناس منزلين العربية دى .
تلعت الموبايل علشان اصورها قالى لالالالالالالا ممنوع التصوير خالص :T_thum1[1]:
قلت له ليه ان شاء الله ! قالى ممنوع الصور دلوقتى خااالص و مفيش ولا واحد صور العربية يا فندم .
دخلنا العربية .
تابلوه ما شاء الله تـــــحفة و العربية كانت اوتوماتيك هاف اوبشن ( مفيش جنوط ولا فتحة سقف ولا زينون )
عدادات رائعة و احساس مذهل جدا داخل العربية .
الكنبة ضيقة جدا جدا جدا و متاخدش غير اتنين فقط بالعافية !
الشنظة كبيرررررة و مساحتها مذهلة ايضا و ده يمكن سبب ضيق الكنبة الخلفية .
تصميم العربية من الخلف ملفت للنظر جدا و سحب الكشافات شيء يحسب للمازدا بصراحة .
من امام قد يختلف عليها البعض و لكنها جذابه جدا جدا .
عليها لون سماوى ميتاليك اوووووووووه مغرية والله :verygood:
العربية دى يا جماعة الهاى لاين منها هيعمل انقلااااااب . و اللى عايز يشوفها يروح .