الموضوع: السلام عليكم ياجماعة انا عايز عفشجي يكون كويس وميعمليش قصص

من ناحية القصص ......كلهم بتوع قصص....وخد معاك حد يكون فاهم لأى حوارات وقصص ممكن تتعمل ......وموضوعك حيبان بالكشف ( ممكن يكون عيب مقصات أو عيب فى أتصال مجموعة الدشم والكالبر بتاعة الفرامل مثلا .....وده حيبان مع صاحبك اللى حيعرف يقيم الحاله معاك )......لأنه ممكن يدخلك فى قصة مساعدين وخلافه ويكلفك على الفاضى

على فكره ممكن تقع مع واحد .....تلاقيه طيب وأمير .....وهو فى الأصل بيعمل شغل عليك ......[gdwl]وتصرفه بالضبط تقدر تشبهه بتصرف زكى رستم فى فيلم رصيف نمره 5 لما قتل الخرساء ......علشان ماتفضحش أمره ويدخل السجن ويتشنق كمان علشان قتل زوجة فريد شوقى فى الفيلم ......وهو بطول الفيلم ماسك السبحه وعامل نفسه قمة التدين .....ولكنه قتلها ومشى فى جنازتها كمان [/gdwl].............يعنى لازم الواحد يكون واعى لحيل التمثيل دى فعلا ........لأن خلاص كل سنه وأنت طيب فى معظم الصنايعيه وغيره ......الا من رحم ربى ....وعارف أن فيه حساب يوم القيامه .............وعلشان كده يجب على كل واحد أن يعقلها الأول ثم يتوكل بعد كده.......

انت ساكن فين يا باشا انا ممكن ادلك على عفشجى امين انا لسة عامل عندة العفشة بتاعت العربية بتاعتى وبتاعت صاحبى هو فى حدائق القبة لو قريب منك ممكن اعرفك بية

المشاركة الأصلية كتبت بواسطة astsaae

انت ساكن فين يا باشا انا ممكن ادلك على عفشجى امين انا لسة عامل عندة العفشة بتاعت العربية بتاعتى وبتاعت صاحبى هو فى حدائق القبة لو قريب منك ممكن اعرفك بية

مين يا باشا اللى فى الحدائق لو ممكن تدلنى على مكانة واسمة ؟

وعلى فكرة انا من حدائق القبة ..

شكرا وسلام عليكم

المشاركة الأصلية كتبت بواسطة blockman

يا باشا انا ساكن في سؤاي القبة يعني هو قريب مني جدا اديني رقم تليفونة وعنوانة ولو تعرفه كويس هقوله ان انا من طرفك
تبقي خدمتني بصراحة

رقم التليفون انا مش عارفة لاكن هوصفلك المحل طلما طلعت من سراى القبة تعرف شارع امتداد ولى العهد تمشى لاخرة وتخلص سور المخابرات عند اخر سور المخابرات انظر على الشمال هتلاقى محلات كتير لصيانة العربيات اسأل على محمد العفشجى هو مشهور هناك قوى قالة انا من طرف الرائد احمد بتاع الانوس ولو عايزنا نتقابل واعرفك علية قولى نتقابل امتى عشان انا موجود فى الحدائق من يوم الاربعاء الى يوم الجمعة بالليل

معلش ياباشا هو اسم الشارع بتاع العفشجى ترعة الجندى ودى صورة من الجوجل لمكانة


ودة رابط بأسماء الشوارع عشان متهوش
http://maps.google.com/maps?ll=30.10...z=14&t=h&hl=en

المشاركة الأصلية كتبت بواسطة astsaae

رقم التليفون انا مش عارفة لاكن هوصفلك المحل طلما طلعت من سراى القبة تعرف شارع امتداد ولى العهد تمشى لاخرة وتخلص سور المخابرات عند اخر سور المخابرات انظر على الشمال هتلاقى محلات كتير لصيانة العربيات اسأل على محمد العفشجى هو مشهور هناك قوى قالة انا من طرف الرائد احمد بتاع الانوس ولو عايزنا نتقابل واعرفك علية قولى نتقابل امتى عشان انا موجود فى الحدائق من يوم الاربعاء الى يوم الجمعة بالليل

معلش يا باشا بعد اذنك سؤال يعنى اخلى سور القصر على يمينى والمخابرات على شمالى قصدك الشارع اللى اخرة رومانى بتاع الجنوط ؟؟؟ ولا قصدك الشارع اللى من ولى العهد اللى بيودى على منطقة الجزارين اللى بيكون فية مستشفى وادى النيل على يمينى وانا ماشى ؟؟ وانا اعتقد ان دة قصدك ولو دة قصدك الشارع دة اخرة صنايعية كتير جدا لو سالت على محمد العفشجى دة هايودونى ل 100 واحد اسمهم محمد !!! المحمدات كتير اوى يا باشا

وعلى فكرة انا من سكان حدائق القبة ومتفرع من ولى العهد بردة بس من ناحية صيدناوى ومول السراى

اسف للاطالة والف شكر على اهتمامك ,, سلام عليكم