بخصوص تحويــل الاموال......

**ahmad--ezzat** · 01-06-2009 08:47 AM

يا جماعة ان كنت بسال لو هيتحولى مبلغ من برة مصر ...هيجى ازاى..مع العلم انى مليش حساب فى اى بنووك ولا ليا دعوة بيهم

وياريت كمان اعرف نسبة المخصومةمن المبلغ المحول بتبقى قد اية (يعنى الشحن وخلافة) شكرا

**ZALABANY** · 01-06-2009 08:54 AM

في كذا طريقة للتحويل
ويسترن يونيون وده أسرعهم وأكثرهم تكلفه وده الشخص اللي عايز يبعت بيروح فرع ويسترن يونيون في البلد اللي عايز يبعت منها وبيديهم بياناتك وانت بتروح اقرب فرع ليك بالبطاقة تستلم المبلغ ممكن في نفس الدقيقه اللي هو بيبعت فيها

الطريقه التانيه انه يعملك حواله على اي بنك زي البنك الأهلي خاصة ان عندهم حساب تحويل سريع اسمه رش مني تقريبا وده تكلفته مش كتير وانا في الدوحه كانوا بياخدوا حوالي 20 ريا ل مصاريف ولا حاجه وفي الحاله دي بتروح فرع البنك اللي مبعوت عليه الحواله في الغالب تاني يوم او بيبعتولك حد يسلمك شيك او المبلغ لو هما مكتب كبير زي الفردان

**ahmad--ezzat** · 01-06-2009 08:59 AM

شكرا ليك جزيلا يا باشا

**mohmd76** · 01-06-2009 10:08 AM

عن طريق البنوك نسبه قانونية ومحددة وهى 1 فى الالف

المرسل اليك الاموال بيكون مرسل كامل بياناتك واقرب بنك اليك
او حسب الاتفاق
والاستلام شخصى وصورة بطاقه
لو المحول اموال وعملات اجنبية نصيحه استلم المبلغ كما هو ولا تستلمه محول من البنك حوله انت فى اى مكان اخر وبالسعر المناسب لك