المشاركة الأصلية كتبت بواسطة ahmed20_08nubira
دى يا جماعة العيوب الحقيقية للجين 2...طبعا منقوله من موضوع مثبت...
1 خامات التابلوة مش قد كدة
خامات عادية زيها زي أغلب العربيات اللي في السعر ده
2 عيوب التقفيل
(سنتر - زجاج - مفتاح المرايات الكهرباء - انذار - لمبة الصالون )
زي ما قلت تحت فيه ناس عندها عيوب و الأغلبية معندهاش عيوب من دي ........ و حتى اللي عنده معندوش كل العيوب دي .....
4 لمبة الengine بتنور لو حطيت بنزين 90 او 92 من بنزينة وحشة (حساسة زيادة عن اللزوم )
عُمر ما لمبة المحرك نورت بتاتا معايا مع كافة أنواع البنزين ...... 90 أو 92 .....
الموضوع معتمد على المحطة نفسها ....... و أعتقد أن ده مش عيب ........ و لا أيه ؟؟؟؟؟؟
5 صوت خفبف ومشهور عند لف الدريكسون (في الاول بيظهر الصوت دة )
صوت اللفة ده واضح لما بتلف الدريكسيون على آخر و الصوت موجود في أي عربية في الدنيا ... بس في الجين 2 .... صوته وضاح شوية عن العربيات التانية و ده مش عيب ....... لأن كل الجين 2 كدا و كل العربيات كدا على أساس أن أنت وصلت لآخر لفة المحور بتاع الطارة ...... فلازم تقف ضد حاجة و لازم تخبط و تعمل صوت خفيف .... العيب لما يكون موجود في عربية و مش موجود في التانية أو عيب تصنيع .
6 في بعض الناس اشتكت من المساعدين بس قليل اووي
أول مرة اسمع الحكاية دي خصوصا أن التقييم اللي حضرتك ناقلة قديم بخصوص عربية 2006
7 صوت الموتور علي نوعا ما بس صوت عالي تحب تسمعة يحسسك بقوة الموتور مش عالي يضايقك
علي رأي سبعاوي (زئير الاسد)
فعلا صوت الموتور عالي و ده مش عيب لان الشركة موضحة كدا في الفيديو التقديمي الخاص بالمحرك و بيقولوا أن بينتمي للفئة الرياضية ...... و ده مش عيب دي ميزة أو خاصية موجودة ....... تتفق مع ناس و ناس لاءة يعني ناس عادي مش بتفرق معاهم و ناس تانية عايزة عربية هادية مش بتعمل صوت .
8 سمعت بعض شكاوي من مواتير المساحات
برضه هارجع و أقول أن التقييم ده قديم من عربية موديل 2006 و لم أسمع مطلقا أن حد عنده مشكلة في موتور المساحات .
9 العربية تحت ال rpm 3 بتكون بطيئة نوعا ما
وبعد ال 3 بتكون طلقة
برضه العربية اللي أتعمل عليها التقييم أوتوماتيك و أحنا ناقشنا الموضوع ده كتير في المنتدى و أتفقنا أن الأوتوماتيك بتعاها طلعته ضعيفة و بالتالي بتكون سرعة المحرك لسة تحت 3000 لفة .
علشان التعميم غلط و العربية المانوال مش بتعاني من المشكلة دي .
10فيها بعض المشاكل في الكهرباء (مرة من غير ما احس وانا بعمل صيانة قالي في عندك ماس في ضفيرة
الكهرباء لما بتشغل المساحات علي اقصي سرعة )
مع اني كنت بشغلها ولو حسيت بحاجة وعملوهالي لوحدهم
مُشكلة فردية ممكن تحصل في أي عربية حتى البي ام يعني مش حاجة خاصة بالجين 2 .
11عربية ضيقة من ورا
فعلا العربية مش واصعة من ورا علشان السقف واطي شوية بسبب التصميم الرياضي .
12سعر اعادة البيع مش حلو وان كان احسن من الواجا
برضه تقييم قديم و معمول لما مكنش فيه مصر 1000 جين 2 على بعض و بالتالي طبيعي و منطقي أن سعر اعادة البيع وقتها يكون ضعيف .
غير دلوقتي خالص اللي سعر اعادة البيع أصبح كويس جدا و أنا أعرف ناس بتبيع عربيات من 65 إلى 75 ألف جنيه حسب الموديل .
ومفيش عربية تخلو من العيوب...
تمام كدا مفيش عربية بتخلوا من العيوب بس التعميم مش كويس على العيوب الفردية .
الأقتباس بتاع حضرتك منقول من موضوع مثبت من مواضيع قسم بروتون و حضرتك مرة تانية نقلت جزء صغير منه و هو كان تجربة شخصية لأخينا الكريم محمد الحسيني صاحب العربية الجين 2 الأوتوماتيك موديل 2006 ...... و هو كان من أوائل الناس اللي أشترت جين 2 في مصر .... و الناس كلها أعترفت أن العربية كان فيها مشاكل تقفيل في بداية نزولها ........ و مع كل موديل المشاكل قلت كثير بنسب كبيرة جدا .
مرة تانية اللي حضرتك ناقلة ده تقييم فردي لفرد واحد ........ و الموضوع مليان مواضيع ناس بتشكر و مبسوطة من العربية و ملعلطة معاهم .............
ليه بنحاول نقل الصورة الوحشة .......
هو كان حد سأل على حاجة في الموضوع ده أو أحنا غشيناه ؟؟؟؟؟ و كدبنا عليه و قولناله أن العربية مفيش منها ؟؟؟؟؟؟؟؟؟؟؟؟؟؟؟
أهو كل واحد بيحاول يوضح وجهة نظره من تجربته لإستخدام العربية فترة من الزمن خصوصا لما يكون الكلام عن عيوب العربية و عيوب التقفيل الشهيرة .
والكمال لله وحده..
و لا حول و لا قوة إلا بالله العلي العظيم .
.