طبعا التليين بيفرق كتير مع التكييف
لحد اما الماتور يتفتح وانت هتعرف يعنى ايى تكييف
اما بالنسبة للار بى ام فالمفروض انك متعديش 3000
بالكتير اوى 3500
اما 4000 كتير
عرض للطباعة
بص يا باشا .. هو انت فعلا عندك حق ودي المعلومة اللي كانت عندي موضوع ال3000 ار بي ام .. بس لما قريت المانيوال بنفسي .. لقيتهم كاتبين انك متعديش 3/4 الار بي ام المسموح (يعني يقصد 3/4 الحد المسموح بية للار بي ام يعني يقصد 6000 ار بي ام قبل ما تخش على الاحمر يعني) .. بس كدة .. بس اعتقد طبعا ان 3000 او 3500 اكيد افضل من 4000 وكلة هيفرق في صوت الموتور في المستقبل .. ومعتقدش انة هياثر على الكفاءة
هاي فادي
يا نهار اسوح
مفروض العربيه بتلين ؟؟
ولاد اللذينه في التوكيل ما قالوش كده خالص قالولي الموتور متلين و اطلع بيها براحتك بسش ما تقرصش قوي
قلتله انا كده كده ما بقرصش
بس بالنسبه للسرعه انا بعدي بيها ال 120 و مره جبت 160 و هيا لسه جديدخه ؟ كده يبقى عمر الموتور قل ؟؟
كمان بالنسبه للتكييف فعلا مش عاجبني و كمان حاسس ان صوت الموتور عالي كمان
ربنا يستر بجد يا فادي لو عندك نصيحه تقولهالي لاني دلوقتي تقريبا عديت الالف
انا فعلا ما قريتش الكاتلوج لان ما عنديش وقت خالص
كمان ان كنت عاوز اعرف الار بي ام المثالي لكل نقله كام ؟؟
فيه حاجه تاينه لاحظتها الموتور اول ما جبته كان استهلاكه في البنزين اقل يعني متوسط الرحله في الطريق كانت 7.4 مثلا
دلوقتي في نفس الطريق ده بتعمل متوسط 10 مع اني بمون من نفس بنزينه - امارات مصر اللي عل الصحراوبي بنزين 92 ؟؟
طولت عليك قوي معلش و ربنا يوفقك في مذاكرتك
سلام
انت كدة ممكن نعتبرك فى السليم بس مش اوى
لانك قرصت على العربية
على العموم
1-ماتقرصش على العربية خالص لحد اما تلين
2-متعديش بالغيار 3000 ار بى ام
3-اخرك خالص 100 حلو اوى انا عارف ان العربية مغرية جدا فى الجرى لانك مش بتحس بالسرعة خالص بس معلش استحمل كلها ايام وتعدى
4-متقلقش من ناحية الصوت حاليا هيبقى عالى اوى دة غير كمان انك قرصت على العربية هيعلى اكتر واكتر
لكن اول اما تعمل الصيانة وتغير الزيت مش هتعرف الماتور
5-بالنسبة للاستهلاك مش بيتحسب دلوقتى خالص علشان التلليين
هاي فادي
طولت عليك معلش
بس انا حاسس من كلامك انك بتطمني بس
عموما متشكر جدا عل النصيحه
بس اللي مش فاهمه اني عديت الالف و لسه بتقولي اما تلين! ها لين امتى ؟
بالنسبه بالجري النا ما بحبش اجري و اشد بس ساعات الطريق بيكون فاضي و هيا بتسحب لوحدها .
كمان بقى معلش مش فاهم حكايه موتور لما تغير زيت صوته ها يوطى .. بعد اذنك هو موتوري حصل فيه حاجه ؟؟
طولت عليك معلش و ربنا يكرمك
شكرا لسرعه الرد
بس التكييف مش حلو صح ؟؟
انا حكاية التكييف دي قلقتني بصراحة
مش معقولة عربية بالشهرة دي وبالثمن ده يكون تكييفها مش حلو
اعتقد ان رأي الناس بيختلف حسب كل شخص كان راكب ايه قبل كده ... يعني اللي كان راكب هيونداي هيقول عليه تكييف ممتاز واللي كان راكب ياباني هيقول ان تكييف السكودا تعبان ... بس في ناس قارنت بين عربيتها واوكتافيا بتاعت حد تاني وبتقول فعلا في فرق
مش عارف انا احترت الصراحة
انا التكيف عندى ممتاز و معايا موديل 2008 توكيل