ياريت ياجماعه لو حد معاه العربيه دى أو عندو حد قريبو معاه يسألينا العربيه دى عامله ايه وأيه أخبارها أنا عجبانى وبفكر فيها ويكون ليه جزيل الشكر
عرض للطباعة
ياريت ياجماعه لو حد معاه العربيه دى أو عندو حد قريبو معاه يسألينا العربيه دى عامله ايه وأيه أخبارها أنا عجبانى وبفكر فيها ويكون ليه جزيل الشكر
مفيش ولا واحد عارف عنها حاجه ياجماعه
هو الظاهر مفيش حد بيرد فى فلوكس هنا غير كل فين و فيييييييييييييييييين
أستاذ M.Moustafa, لقد تم الرد على سؤالك فى مشاركة سابقة منذ شهر تقريبا
عموما السيارة مع زوجتى منذ 3 اشهر تقريبا و عاملة 2450 كم حتى الان
السيارة ثابتة رغم علوها النسبى , و فى طريق السفر حتى سرعة 150 كم/ساعة , الثبات جيد جدا
لانها فى النهاية احد افراد V.W رغم تقفيلها فى الارجنتين
بصراحة هى عربية جميلة من كل حاجة بس
متعجبنيش من الخلف نهائى شكلها مش ظريف
وطبعا توكيلها معروف
أنا كررت الموضوع تانى عشان أنا المره اللى فاتت محش أفادنى فى الموضوع أنا عايز تقييم ليها ياجماعه يعنى أداء صيانه قطع غيار أمكانيه تعديلات محدش أفادنى خالص فى الحوار ده غير هو زميل واحد وعربيتو لسه معملتش كم عالى عشان يقدر يقيم
شوف يا عزيزي، التفكير المنطقي يكون إزاي في الحالة دي؟
1. نشوف العربية موتورها تصنيع أوروبي ولا لاتيني زي البولو العيون. لو لاتيني يبقى لو حيدولك عليها فلوس متجبهاش، لأنك حتدخل دوامة قطع الغيار المضروبة من أوسع الأبواب وكل التجار حتقولك دا برازيلي أصلي.
2. لو الموتور تصنيع أوروبي، يبقى العربية نبص من وجهة نظري على حاجة تانية وهي البولو السيدان الجديدة
3. العربية تقفيل صيني أه بس موتور أوروبي يعني تجار العربيات بيجيبوا حاجتها من أوروبا يعني مرترتة يعني أي حاجة لا قدر الله تحصل ليها حل. يعني السهل الممتنع ومتقولش برازيلي أصلي ولا توكيل يحطك على المرجيحة وهاتك يا مرجحة. والعينة زي ما قولت للأخ بتاع البولو العيون والعربية الي فضلت مرمية في التوكيل سنتين علشان كنترول.
4. من وجهة نظري الشخصية البولو السيدان الجديدة أجمل بكتير من السوران وأوتوماتيك وكماليات لطيفة وأعتقد إنها أوسع من السوران كمان. لأن السوران دي ماركة الهيونداي الماتركس وبصراحة أنا ليا تحفظات كتيرة على العربية الهيونداي الماتركس ومعرفش بصراحة الناس بتشتريها ليه.
أي خدمة تاني يا عزيزي؟
طيب أنا سمعت أنهم حطين فيها ماتور الباسات ال 8 صباب 101 حصان
بص هي العربية لو 1600 يبقى ممكن يكون موتورها هو الموجود في الباسات والجيتا والأوكتافيا بس لازم تتأكد من حروفه الأول
لو bse يبقى كويس وإن كنت برضو متحفظ على شكلها وشايف البولو أحسن منها بمراحل
طيب ممكن تقولى أعرف حروف الموتور دى من خلال النظر فين معلش أنا متقل عليك شويه بالنسبه للبولو مش عاجبنى شكلها من ورا غير أنها 1400ونقص بعض الكماليات اللى فيها
السوران موتور 1600 سى سى 101 حصان 8 صباب
تكييف باوار أربعه زجاج كهرباء سنتر أنذار بريموت كاسيت فولكس طاره مالتى فانكشن وملحق بيها روف راك ودى حاجه هايفه بس مهمه بالنسبالى دا غير أن شكلها شاديدنى جدا ومستحوذ على تفكيرى وعلى فكره هى متجمعه فى مصنع الأرجنتين لاتينى يعنى