العفو يا استاذ محمد
على حد علمى اتلغت من ساعه الضريبه الجديده , بس مش متأكد اسأل برده حد يكون جرب يعملها
عرض للطباعة
شرح رائع و وافى مشكورررررررررر
جزاك الله كل خير
موضوع هايل ألف شكر
سؤال يا استاذ احمد
هو لو تجديد الرخصة ونقل الملكية مع تركيب النمر الجديدة لازم معاه فحص؟؟
مع العلم ان رخصة السيارة مكتوب فحص 2011؟؟؟
مع العلم ان معاا عقد بيع مسجل والكلام ده من فترة كبيرة يعني تقريبا في اخر 2008
وايه حكاية الشهر ده ؟؟؟
وسؤال كمان...مش لما ميعاد الرخصة بينتهي ليك شهر ولا الكلام ده اتلغي ؟؟؟
شكرا جزيلا على ردودكم الكريمه ويارب الموضوع يكون بقدر الافاده المرجوه
والله معنديش فكره ليه اشتراط الفحص مع النمر الجديده لكن ربما يكون علشان ميبقاش فى عربيات متهالكه ماشيه بالنمر دى
بالنسبه للشهر انا مجربتش انى استنى يخلص واشوف ايه اللى هيحصل بعده بس الكلام المعروف واتاكدت منه فى المرور ان فعلا فى غرامه لو سجبت واتاخرت بعد التسجيل اكتر من شهر فى نقل الملكيه
الشهر المهله بعد الترخيص موجود بس انك تخلص خلاله الورق فى المرور او يكون فى مشكله فى العربيه مثلا وهتظبطها وبعدين تدخل تجديد لكن كتير قوى اللجان بترخم على الناس بمجرد ما الرخصه تنتهى
الف شكر ليك يا استاذ احمد
بس ماتعرفش الغرامة قد ايه وهل ليها علاقة بنوع العربية والعربية نوعها 128
جزاك الله خيرا يا استاذ احمد
الف شكر علي الموضوع الجميل المفصل
جزك الله خيراً
جزاك الله خيرا
جزاكم الله خيراً
والله شرح وافي وإستفادة رائعة للجميع
ولكن يبقى موضوع الضريبة على السيارات
كم قيمتها ؟ وعلى أي أساس يتم إحتسابها ؟
وبارك الله فيكم
شكراً ا/ أحمد نوح على الشرح المميز والتوضيح
موضوع رائع , تسلم ايدك
شكرا جزيلا مجهود رائع
شكرا جزيلا لردودكم الكريمه واتمنى ان الموضوع كان بقدر الافاده المرجوه من عمله
استاذ احمد اولا شكرا جزيلا على الموضوع الرائع ده معلش هى متأخره جدا ويبدو ان الموضوع خلاص معدش فى نقاش تانى بس انا محتاج مساعده حضرتك لانى عندى مشكله
انا سرقت اللوحه الاماميه لسيارتى وعملت محضر فى القسم بذلك واخدت ورقه مختومه من القسم بذلك
بس دلوقتى انا عربيتى مرور عين الصيرهنمر جديده وانا من المحله فقولت انقل ملكيه مره واحده واخلص لان اللى فاضل فى الترخيص 5 شهور بس ..........سؤالى:
1-هل بنفع انقل ملكيه وانا عندى لوحه نمر مفقوده يعنى اسلمهم فى المحله لوحه والمحضر بتاع الفقد يغنى عن التانيه ولا لازم اروح عين الصيره الاول اطلع نمر تانيه وبعدين انقل
2-هل هجيب شهاده بيانات ولا مخالفات بس؟
3-بالنسبه لطفايه الحريق اانا معايا الطفايا فى بس مش عارف صلاحيتها ولا اى حاجه عنها وهل ممكن بياخدوها ويدونى جديد وادفع فرق ولا ايه؟
ياريت اجد رد من حضرتك لو شوفت رسالتى
والله يا دكتور انا لم يسبق انى مريت بالموقف ده بس كان فى مره معايا واحد فى طابور المرور حصله زيك ( الطوابير بتبقى عشره عمر ) وحكالى الاتى
بتروح الاول القسم تعمل محضر فقد لوحات وبعدين تروح على المرور على شباك اللوحات هو بيديك زى طلب تعمله وتختمه من مدير الوحده وبعد كدا بتمشى فى زى اجراءات التجديد وتاخد رقم جديد
ده كله بعد ما تطلع شهاده مخالفات وتخلص النمر القديمه
مينفعش تجدد بلوحه واحده للأسف مع ان اصلا عادى جدا هو ممكن يمشيها بس رسمى لا , اللوحات القديمه دى بياخدوها منك يرموها ومفيش عليها احصاء او استلام يعنى بس اهو تحكمات
اتأكد برده من الكلام ده لأنى مش عارف الخطوات ايه بالظبط وده كان كلام بس سمعته لكن مسألتش فى المرور نفسه
فى التجديد بتجيب شهاده مخالفات بس طالما الرخصه الحاليه ساريه
الطفايه الراجل اللى فى الكشك هيقولك صلاحيتها وبيبقى فى فعلا استبدال مقابل جزء من ثمن الجديده لو القديمه اللى معاك منتهيه الصلاحيه , او الاحسن تروح الاول اى فرع للشركه برا تشوفها ولو خلصت بيركبلك لها كبسوله وبلف جديد وبيمد الصلاحيه عادى
طيب انا كنت كلمت واحد فى مرور المحله من شويه وقالى عادى المهم انك عملت المحضر وبيه تقدر تفحص وترخص
وفى حاجه تانيه قريتها برده مش عارف صحتها بالنسبه للمخالفات حيث ان صاحب العربيه الاصلى مجددها فى 12-2009 بنمر جديده فممكن لم اروح مرور عين الصيره عشان اطلع شهاده المخالفات يقولولى روح شوفلنا المخالفات ع النمر القديمه وده بيكون فى مكان تانى
انا الحقيقه معنديش وقت خالص وعاوز يكون مشوار المرور فى القاهرده ده يوم واحد واخلص فمش عارف ايه اللى هيحصل ربنا يستر
وشاكر عللى اهتمام حضرتك
طبعا شكرا جدا على مجهودك ده جزالك الله خير بس هل كل العربيات لازم موضوع الاستعلام زى اللانسر كده ولا ايه ؟؟؟؟
تحديدا الستروين ... عشان انا هشترى من القاهره وهعمل نقل ملكيه هنا فى القاهره بس هرخص فى اسكندريه عشان محل الاقامه ؟؟؟؟؟؟؟
جزاك الله خيرا
طب لو واحد معهوش رخصة و اشترى سيارة و عايز ينقل ملكيتها وضعه هيكون عادي و يكمل الإجراءات ولا لازم الاول يطلع رخصة خاصة الاول علشان ينقل ملكية السيارة ؟
موضوع رائع جزاك الله خير
عندي استفسار لو ممكن حد يفيدني فيه
لو العربيه انتهي ترخيصها من سنه
وانا حشتريها وصاحبها عامل فيها سمكرة علي العضم وجايب موتور استيراد
لو عاوز اتاكد من رقم الشاسيه عشان مش يكون لا قدر الله في اي شبهه ايه الاجراءات
سلام عليكم انا ان شاء الله هروح بكرة علشان ابدء اجراءات نقل ملكية سيارتي من مرور مصر الجديدة لمرور الاميرية انا معايا العقد المسجل و الرخصة القديمة والبطاقة بتاعتي انا مصورهم كذا نسخة احتياطي كنت عايز اعرف ايه الاجراءات النهاردة انا معايا عربية نوبيرا 2001 1600 سي سي كنت عايز اعرف الرسوم كام علشان اجددها 3 سنوات وايه اللي هعمله بالظبط في المرور وانزل بكرة الساعة كام ارجو الافادة لاني اول مرة هعمل الاجراء ده ارجو الافادة سريعا