جزاك الله خيرا أخ احمد نوح
وفعلا استفدت جدا من الموضوع وساعدني كتير في انجاز المأمورية
رحت المرور الاصلي في المعادي ومنه لمكتب الشهر العقاري في الحي العاشر مدينة نصر ومنه لمرور مدينة نصر في رابعة.. وكنت واخد الرخصة ومركب النمر الجديدة .. كل دا في خلال 5 ساعات فقط الحمدلله.. - بدأت التحرك الساعة السابعة - :)
فعلا البركة في البكور.. قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "اللَّهُمَّ بَارِكْ لِأُمَّتِي فِي بُكُورِهَا".
واكتر حاجة نفعتني من كلامك الاهتمام بتصوير كل الأوراق ووضعها في ظرف ... وفرت عليا وقت كتير فعلا...
شفت ناس بترجع من على الشباك علشان صورة بطاقة او رخصة او توكيل...!! -حاجة صعبة بعد الطابور دا -
وبرضه اقول اللي حصل للافادة..
طلعت شهادتين بيانات من المرور القديم للشهر العقاري وللمرور
لان شهادة البيانات بتكون ضرورية في حالة النقل من وحدة مرور لوحدة مرور تانية..
وكمان شهادة مخالفات..
ورحت الشهر العقاري .. بياخدوا شهادة البيانات - لأن الرخصة منتهية - وصور التوكيل والبطاقة..
وبالمناسبة رسوم نقل ملكية سيراتو 1600 مو 2006 مبلغ 1220 جنيه
المفضلات