| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 7 من 7 الأولىالأولى ... 2 3 4 5 6 7
النتائج 61 إلى 66 من 66

  1. #61

    الصورة الرمزية dr_tamer_sh

    رقم العضوية : 30142

    تاريخ التسجيل : 15Jan2009

    المشاركات : 51

    النوع : ذكر

    الاقامة : mahla

    السيارة: بروتون

    السيارة[2]: هيونداى

    دراجة بخارية: لايوجد

    الحالة : dr_tamer_sh غير متواجد حالياً

    افتراضي -

    hasad">

    طيب انا كنت كلمت واحد فى مرور المحله من شويه وقالى عادى المهم انك عملت المحضر وبيه تقدر تفحص وترخص
    وفى حاجه تانيه قريتها برده مش عارف صحتها بالنسبه للمخالفات حيث ان صاحب العربيه الاصلى مجددها فى 12-2009 بنمر جديده فممكن لم اروح مرور عين الصيره عشان اطلع شهاده المخالفات يقولولى روح شوفلنا المخالفات ع النمر القديمه وده بيكون فى مكان تانى
    انا الحقيقه معنديش وقت خالص وعاوز يكون مشوار المرور فى القاهرده ده يوم واحد واخلص فمش عارف ايه اللى هيحصل ربنا يستر
    وشاكر عللى اهتمام حضرتك


  2. #62

    الصورة الرمزية محمد المليجى

    رقم العضوية : 164238

    تاريخ التسجيل : 21Aug2014

    المشاركات : 7

    النوع : ذكر

    الاقامة : مصر الجديده

    السيارة: لا يوجد

    السيارة[2]: ستروين C4 كوبيه 2009

    الحالة : محمد المليجى غير متواجد حالياً

    افتراضي -

    طبعا شكرا جدا على مجهودك ده جزالك الله خير بس هل كل العربيات لازم موضوع الاستعلام زى اللانسر كده ولا ايه ؟؟؟؟
    تحديدا الستروين ... عشان انا هشترى من القاهره وهعمل نقل ملكيه هنا فى القاهره بس هرخص فى اسكندريه عشان محل الاقامه ؟؟؟؟؟؟؟


  3. #63

    الصورة الرمزية Dr-walaa

    رقم العضوية : 162753

    تاريخ التسجيل : 17Jul2014

    المشاركات : 93

    النوع : انثى

    الاقامة : الجيزه

    السيارة: مفيش

    السيارة[2]: شيفروليه لانوس

    الحالة : Dr-walaa غير متواجد حالياً

    افتراضي -

    جزاك الله خيرا


  4. #64

    الصورة الرمزية D2rkZ3r0

    رقم العضوية : 194565

    تاريخ التسجيل : 30Nov2016

    المشاركات : 14

    النوع : ذكر

    الاقامة : Gizah

    السيارة: شاهين 2005

    السيارة[2]: -

    الحالة : D2rkZ3r0 غير متواجد حالياً

    افتراضي -

    طب لو واحد معهوش رخصة و اشترى سيارة و عايز ينقل ملكيتها وضعه هيكون عادي و يكمل الإجراءات ولا لازم الاول يطلع رخصة خاصة الاول علشان ينقل ملكية السيارة ؟


  5. #65

    الصورة الرمزية MAHER1985

    رقم العضوية : 203400

    تاريخ التسجيل : 24Feb2018

    المشاركات : 3

    النوع : ذكر

    الاقامة : الاسكندرية

    السيارة: هيونداي النترا

    السيارة[2]: كيا سيراتو

    الحالة : MAHER1985 غير متواجد حالياً

    افتراضي -

    موضوع رائع جزاك الله خير
    عندي استفسار لو ممكن حد يفيدني فيه
    لو العربيه انتهي ترخيصها من سنه
    وانا حشتريها وصاحبها عامل فيها سمكرة علي العضم وجايب موتور استيراد
    لو عاوز اتاكد من رقم الشاسيه عشان مش يكون لا قدر الله في اي شبهه ايه الاجراءات


  6. #66

    الصورة الرمزية theman

    رقم العضوية : 175953

    تاريخ التسجيل : 28May2015

    المشاركات : 465

    النوع : ذكر

    الاقامة : القاهرة

    السيارة: 000000

    السيارة[2]: 00000

    الحالة : theman غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Ahmed Nouh مشاهدة المشاركة
    سلام عليكم ورحمه الله وبركاته

    اولا اجراءات نقل الملكيه

    اول الاجراءات كانت بالطبع فى الشهر العقارى لتسجيل عقد بيع

    الاوراق المطلوبه

    كل توكيلات العربيه وتكون مرتبها بترتيب عملها وياريت تكون مدبسها

    صور بطاقتك 3 صور احتياطى ( لو كنت انت الشارى والبايع لكن لو البائع الاصلى موجود تصور بطاقته هو كمان ) وصور كل التوكيلات صورتين

    هتدخل على مكتب بيع النماذج تشترى عقد بيع وتملى البيانات وبعدين تدخل على موظف تسجيل العقود

    هياخد منك كل الورق مع صورتين البطاقه وصوره من التوكيلات وهيملى البيانات وبعدين يبعتك لموظفه تقدير الرسوم

    هتروح بالعقد تقدر الرسوم وبعدين تروح تدفع فى الخزنه

    بعد ما تدفع هترجع بالوصل والعقد للموظف بتاع التسجيل بخلص لك العقد وتروح تختمه من مكتب مدير الشهر العقارى

    ارجع بالعقد للموظف بتاع التسجيل للتأكد ان مفيش اى ختم ناقص لان اللى بيختم بيكون بيرغى او بيفطر وبينسى ساعات اختام ولو قالك تمام كدا خلاص

    قبل ما تمشى اتاكد انك اخدت كل التوكيلات من الموظف واوعى تنسى اى ورق عنده هو مش هياخد غير بس صور ومفيش اى اصول هياخدها

    اجراءات التسجيل بسيطه ومش بتاخد وقت المهم تدور على شهر عقارى يكون مفيش عليه ضغط قوى

    ملحوظه : لو مش انت اللى هتعمل الاجراءات فى المرور وهتوكل حد وانت واقف اعمل توكيل اداره من العقد اللى لسه مسجله للشخص اللى هيروح المرور علشان محدش يضايقه هناك وهو بيكون نفس خطوات العقد بالظبط وبيتكلف 10 جنيه

    ------

    مشوار المرور لنقل الملكيه

    قبل ما تروح المرور صور رخصتك وبطاقتك ورخصه العربيه لو معاك توكيل اداره صور بطاقتك والتوكيل واشترى ملف فاضى من برا حط فيه الهيصه دى كلها

    ( نصيحه خد معاك ظرف كبير او اى حاجه مقفوله تلم فيها كل صور الورق دى علشان تكون سهله وسريعه تطلعها وانت قصاد الشباك صدقنى هتدعيلى لما تعرف ليه بعد كدا )

    اول حاجه ادخل شباك النماذج قوله عايز نموذج نقل ملكيه بعدد السنين اللى انت عايز ترخص بيها ( سواء كان سنه او 3 سنين )

    وبعدين خد النموذج ومتملاش فيه اى بيانات غير بس فى نموذج نقل الملكيه نفسه اكتب اسم صاحب الرخصه الجديده والعنوان ورقم التليفون بس

    روح اشترى طفايه وقول للراجل فى الشباك متكتبش رقم العربيه على الطفايه علشان بنقل ملكيه وخليه يكتبلك رقم الموتور والشاسيه على الطفايه بس وهياخد منك ورقه حمراء بتاعت الطفايه فى الورق اللى اشتريته يختمهالك ( الطفايه ب 121 جنيه )

    ادخل مكتب التامين الاجبارى قوله عايز تامين سنه او 3 سنين حسب ما انت هترخص هيديك اصل وصوره الاصل فى الملف والصوره خليها معاك

    خد عربيتك وادخل الفحص وادى للمهندس ورق الفحص ( ورقه مكتوب عليها نموذج فحص وورقه بتاعت نموذج البيئه )

    هياخد البصمتين وهيخلصلك الورقه

    ( فى عربيات معينه لازم تعمل عنها استعلام فى المباحث وده حسب اوامر الوزاره ومنهم اللانسر )

    لو قالك اعمل استعلام هتاخد نموذج الفحص وتطلع مكتب المباحث تقدمه وهياخد منك بطاقتك والرخصه وبعدين يخلص ويديلك الورق تنزل تانى للفحص يديك الموافقه

    كدا انت جاهز لشباك نقل الملكيه

    روح بقا على عربيتك فك النمر وخدها معاك وادخل

    وانت داخل عدى على مكتب تصوير المستندات اشترى 4 استعجالات هيطلبهم منك جوا

    خد بالك حتى الان معاك ملف اللى كان فاضى بقا فيه كل النماذج اللى ادهالك بتاع الشباك ومعاها الدمغه بتاعتها اللى ادهالك برده

    ومعاك الظرف اللى فيه صور بطاقتك والرخصه وتوكيل الاداره ان وجد

    ملحوظه مهمه جدا : ( لو كنت موكل عن صاحب الرخصه لازم يكون معاك اصل بطاقه اللى الرخصه هتكون بأسمه )

    توكل على الله وخد نفس عميق وادخل فى طابور شباك نقل الملكيه وخليك صبور واتعرف على الناس اللى فى الطابور صدقنى الموضوع مسلى انا يومها اتعرفت على دكتور ومدرس وطالب هندسه :):)

    وصلت للموظف والحمد لله اظرفه الملف بكل ما فيه وخلى النمر فى ايدك دلوقتى

    هيقعد يملا البيانات وخلافه وهياخد وقت شويتين وبعد ما يخلص ان كنت سمعت كلامى مش هيطلب منك حاجه تانى

    طبعا هتلاقيه قالك روح صورلى اى حاجه وانت جاهز معاك كل الصور لو مصورتش بقا هتخرج من الطابور تصور وترجع تقف تانى فى الطابور علشان كدا قولتلك فى الاول كل ورقه صورها 3 نسخ وخليها معاك عدا النماذج

    بعد ما يخلص خالص ويقولك صباح الفل وخلافها هيطبعلك ورقه فيها تقدير الرسوم وهياخد منك النمر علشان تروح تدفع فى الخزينه الرسوم المستحقه وربنا يكفيك شر طابور الخزنه

    دفعت فى الخزنه وخدت الوصل ولسه عايش هترجع تدى اصل الوصل لشباك نقل الملكيه بقا من جنب الطابور كدا وهيديك ورقه فيها بيانات عربيتك الجديده يقولك صورها صوره ويقولك هات 4 استعجلات طبعا انت جبتهم اساسا هتديهومله

    هتصور الورقه وترجعها له وتخرج بقا تستنى عند شباك تسليم الرخص

    خليك صاحى عند الشباك ملفك هيتراجع جوا الاول لو فى اى مشاكل هيندهلك تانى يقولك تعالى جوا فى مشكله

    لو براءه هينده عليك تستلم رخصتك بأصل بطاقه اللى الرخصه بأسمه علشان يتأكد ان انت صاحب الرخصه وبعدين تاخدها وتدخل بيها مكتب استلام اللوحات ومبروك عليك


    ----

    شويه حاجات تخلى بالك منها

    مشكله قابلتنى ان عربيتى فيرانى واللى ينطص فى نظره :) اللى كتبها فى الرخصه الاولى كان كاتبها فضى فكنت لازم اروح اعمل مطابقه للون من المرور الاصلى

    لو الظابط قالك عايز مطابقه لون او اى مطابقه هيكتبلك جواب على ظهر ورقه الفحص تروح بيه المرور الاصلى

    خلى بالك قوى من الحته دى

    اوعى تاخد الورقه وتمشى لازم تاخد الورقه وتدخل لمدير الوحده الاول يختمهالك لو روحت بيها المرور الاصلى كدا هيقولك العب بعيد وهتعيد الفيلم من اوله ( هيختمها ختم فى الظهر وختم على البصمه - وركز قوى مع الختم يكون على البصمه )

    هتروح بيها المرور الاصلى لمهندس الفحص يقشر عليها وتطلع الارشيف تجيب ملف العربيه تاخد منه التأكيد اللى عايزه ويختمهالك المرور الاصلى برده انها تمام

    وترجع بيها للمرور الجديد يخلصلك الباقى


    ----

    برده ملحوظه تانيه لو الرخصه اللى معاك لسه فيها مده

    قول للراجل بتاع نقل الملكيه على الشباك عايز اكمل على اللى موجود فى الرخصه يعنى لو فيها 6 شهور قوله اكمل سنتين على ال 6 دول لو فيها سنتين قوله اكمل سنه كدا يعنى

    هتوفر على نفسك ثمن ضرببه المده دى الا لو كان فيها مثلا شهرين خلاص جدد 3 سنين عليهم



    ولو حد عنده اى استفسار فى اى خطوه من نقل الملكيه انا فى الخدمه
    سلام عليكم انا ان شاء الله هروح بكرة علشان ابدء اجراءات نقل ملكية سيارتي من مرور مصر الجديدة لمرور الاميرية انا معايا العقد المسجل و الرخصة القديمة والبطاقة بتاعتي انا مصورهم كذا نسخة احتياطي كنت عايز اعرف ايه الاجراءات النهاردة انا معايا عربية نوبيرا 2001 1600 سي سي كنت عايز اعرف الرسوم كام علشان اجددها 3 سنوات وايه اللي هعمله بالظبط في المرور وانزل بكرة الساعة كام ارجو الافادة لاني اول مرة هعمل الاجراء ده ارجو الافادة سريعا



 
صفحة 7 من 7 الأولىالأولى ... 2 3 4 5 6 7

المواضيع المتشابهه

  1. تقرير عن رحله راس سدر يوم 6-10-2012 بالتفصيل الممل
    بواسطة Kareem Fawzy في المنتدى هيــونــداى
    مشاركات: 25
    آخر مشاركة: 20-10-2012, 10:08 AM
  2. ما هو الفرق بين لانوس 1و2 ونوبيرا 1و2 (بالتفصيل الممل جداااا) ؟؟؟
    بواسطة ahmedshoura في المنتدى دايــو+شيفرولية لانوس
    مشاركات: 7
    آخر مشاركة: 08-05-2010, 02:22 AM
  3. 5 ايام من العذاب فى المرور بالتفصيل الممل
    بواسطة kliken في المنتدى ساحة المرور وموضوعات التأمين في مصر
    مشاركات: 8
    آخر مشاركة: 17-04-2010, 11:29 PM
  4. مواصفات الشارك بالتفصيل الممل ؟
    بواسطة TAMER2020 في المنتدى ميتـسوبيـشى
    مشاركات: 4
    آخر مشاركة: 15-11-2009, 11:03 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2