يا جماعة كنت بغسل العربية من فترة وشفت الحقيقة المرة العربية فيها بارومة جامدة من تحت _انا عايز حل مؤقت علي مااعملها سمكرة كاملة ودوكو قبل التجديد هل ينفع مثلا ارشها بلاك او اي مادة عازلة تانية بحيث ان البارومة ماتسرحش والعملية تزيد_عربيتي 131
عرض للطباعة
يا جماعة كنت بغسل العربية من فترة وشفت الحقيقة المرة العربية فيها بارومة جامدة من تحت _انا عايز حل مؤقت علي مااعملها سمكرة كاملة ودوكو قبل التجديد هل ينفع مثلا ارشها بلاك او اي مادة عازلة تانية بحيث ان البارومة ماتسرحش والعملية تزيد_عربيتي 131
البارومه فين عندك؟
البارمه لو الاماكن اللى ورا بطيختين العجل اللى فى حوض الشنطه الحتت دى بتتقطع وبتترقع بالصاج و السمكرى بيظبطها كويس ومش بتبان وبيعمل فيها مخرات للميه علشان الميه مش تركن فيها وبعد كده بعد كل غسله نشف المكان ده كويس واحرص على ان الفتحات دى مش مسدوده
والعتب ده له حلين اما لو حتت من بايظه والباقى سليم بيترقع برضه او لو كله فيه بارومه بيتغير كله وكان فى اخ هنا نصحنى وقال لى ابقى اخلى السمكرى مش يفك اللحام بتاع بلده ولو عرف يقص اللى بايظ و يركب عليه السليم
الدواسات اللى تحت رجلك دى السمكرى بيعملها وبيتحط فيها بلك او ماده سوده كده معرفش اسمها ايه بتبقى لما تنشف بتبقى زى السجاده او الكاوتش وبتلزق على المكان ودى معرفش بيعملها السمكرى ولا بتاع الدوكو
اللى قولته ده من حاجات انا شفتها بتحصل عند الصنايعية بالاضافة لنصائح اخوانى فى المنتدى هنا لما كنت بشد العربية فاذا كانت فيها حاجه تحتاج لتصحيح ياريت تعرفونا الصح ايه