-
ممكن المساعده ارجوكم
العربيه لانوس جوليت لسه شاريها لما اجى ادورها الصبح بتغيب فى الدواره وبعد ما تسخن لو مشوار نص ساعه ولا حاجه وبطلت اجى ادور تانى تدور بصعوبه اكتر من الصبح ياريت العيب فين علشان انا مفهمش حاجه وخايف اروح لميكانيكى يشتغلنى والف شكر لكل اللى يساعدنى على معرفه تحديد العيب بالظبط
-
مبدئيا ......أطمن على البوجيهات وكابلاتها .....وقوة الشراره للأربع بوجيهات (يكونوا زى بعض فى الشراره ....من عند البوبينا ومن عند البوجيهات ........والصنايعيه عارفين الطريقه كويس )..........وممكن بعد السخونه اللى بعد المشوار دى ......تجيب فوطه مبلله ....وتحطها على البوبينا علشان تبرد شويه ودور وشوف التطورات ( لو دارت زى الصبح ..........يبقى البوبينا مش كويسه )................كل اللى بأقولهولك قبل مانفكر فى عيب من الرشاشات (لأن ده السهل فى التحقق منه الأول )........................وبرده أكشف على الفلاتر بالمره .......ولو سير الكاتينه ماغيرتوش غيره على طول ( حتى لو اللى أنت شارى منه العربيه قالك لسه مغيره أمبارح )
-
حاول تشوف كتاوت طرمبة البنزين وحاول تفتح الكونتاكت من غير ماتدور وتقرب ودنك من تنك البنزين المفروض تسمع صوتها 5 ثواني تقريبا لان ممكن تكون الطرمبة تعبانة فتسخن وتقفش وتبان اكثر لما تكون العربية سخنة برده
-
انا لسه بصراحه مغيرتش اى حاجه فى العربيه ومعرفش فين مكان الموبينه دى المهم بس هل سير الكاتينه ليه علاقه بالموضوع ده او فلتر الهواء لانى لاحظت انه متوسخ خالص وعايز يتغير
-
المفروض أنك تعمل سيرفيس على المحرك ......طالما لسه شارى العربيه
-
ان شاء الله نازل التوفيقيه اشترى السيور والفلاتر والعربيه عامله 125000 الف كيلو اغير طرمبه المياه وبلى الكاتينه بالمره ولا اعمل ايه وايه احسن نوع للطرمبه وبلى الكاتينه وشكر ا يا استاذ سمير دايما سباق
Content Relevant URLs by
vBSEO 3.6.0 PL2