انا عايز اوضح كام نقطة
اعلان الافلاس اللي قامت بية جنرال موتورز مش معناة ان الشركة هتقفل زي ما معظم الناس فاهمين
الشركة قدمت طلب افلاس تحت الفصل 11 Chapter و طبقا للفصل ده الشركة هيتم اعادة جدولتها و هيتم التحكم في ادارتها من قبل لجنة مشكلة من ابرز الدائنين فيها مهمتها حصر اصول الشركة و سداد معظم الديون و خلال الفترة اللي هيتم فيه ده انشطة الشركة هتتوقف بطبيعة الحال علي ان تستكمل كل النشاطات بعد كدة.
اما موضوع انهم بيبيعوا بعض الشركات المملوكة ليهم فده عشان يوفروا اكبر كم من السيولة و في نفس الوقت يخلصوا من المصاريف بتاعتها.
معني كدة ان جنرال موتورز مش هتختفي زي ما كتير فاهمين هما بس هيخشوا فس حالة بيات شتوي طويلة حبتين و انا عندي امل و متوقع انهم هيطلعوا من الازمة دي قريب و هيرجعوا تاني للمنافسة و ان كان مش زي الاول خصوصا ان الحكومة مش سايباهم
المفضلات