اهو ده لام علمى
عرض للطباعة
اهو ده لام علمى
ياخواننا دي مش خناقة....لازم تبقى المقارنات من خلال ناس ركيبة و دول مستحيل يقولوا الحاجة ببلاش...احنا مجرد هواة بنخلط بين احلامنا و الواقع...و الموضوع المقارنة ده محتاج ردود واقعية مجربة بإحتراف....انا شوفت في برنامج سيارات اجنبي مقارنة اكيدة بين كذا عربية...اظن على قناة جير وان....منهم كانت مقارنة بين ميني كوبر و ميني 4ْ في 4 ....العربيتين نفس الإرتفاع وكل حاجة بس الراجل ساق الإتنين و جرب....برضه شوفت مقانة بين لانسر إيفوليوشن 2003 و جي ام سي ميني فان 97 و الإتنين كانو نفي الأداء بس لما اتفضت الفان من المحتويات التقيلة اللي جواها....وكان ده حول موضوع ازاي الفان بتهرب في الأفلام من عربيات البوليس....كده ممكن نسمع و ياريت نقدر نحقق ده
مدام حضرتك شايف انها مش خناقه داخل بتولعها خناقه بالعافيه؟؟
الموضوع بقاله زمن و الناس اكتفت بالردود اللي فيه
و انا لا اتفرجت علي برنامج ولا ركبت بورش ولا لامبورجيني
انا بتكلم من واقع و تجارب
حضرتك بقي قبل ما تعلق علي كلامي ياريت يكون تعليقك بيضيف للموضوع حاجه
مش مجرد تعليق و السلام
و بنصحك ما ترميش ودنك كتير للبرامج دي برضو
لأنها زي صحافه السيارات
غالبا بتكون متحيزه لسياره بعينها
و ده مش لسواد عيون العربيه ولا اهوائهم الشخصيه
ده فلوس و بيزنيس
طب ممكن توضح ايه اضافتك
و زي ما بتقول مدام التعليقات مش حكر علي حد
يبقي اعلق علي كلامك زي ما احب
لأني حاسس انك مكملتش قرايه الكلام و الموضوع كله و اخدت اقتباس من اول صفحه و كتبت كلامك
سبحان الله
انا سقت و جربت
و ملاك العربيه فندو الكلام المغلوط اللي متقال في اول الموضوع
انت مش بتسمي ده احلام
امال اايه الواقع يا استاذ؟!!
اقعد اتفرج علي برنامج لا يختلف كثيرا عن صحافه السيارات هو ده مصدر ثقتك و تلقي المعلومات؟!!
طيب انا و معظم الناس هنا بناخد معلوماتنا من بعض
و بنثق في احكام و تجارب الناس
مش مسأله تحيز لعربيه
اصلك النهارده راكب عربيه بكره ولا بعده هتركب غيرها
ولا في حد بيشتري عربيه و تقعد معاه العمر كله؟؟
و ميزه المنتدي ان لو حد داخل يفتي و يقول كلام مغاير للواقع انا و امثالي من الااعضاء بنرد علي كلامه و نناقشه لغايه ما نوصل للحقيقه
و ده اللي حصل فعلا في الموضوع
مقلبش خناقه او حاجه
و علشان كده انا حاسس انك مكملتش قرايته
و داخل بس تقول كلام لا اضاف حاجه فيما يخص الموضوع بالعكس
انت يا استاذ شايف اننا هواه و بنحلم
مش كلنا زيك يا استاذ بنتفرج علي برامج سيارات تليفيزونيه و نستني معلوماتنا منها
احنا عندنا عقول واعيه و بنعرف نحكم بنفسنا علي عربياتنا
اللهم طبعا السوبر كارز و باقي العربيات اللي تمنها لا يقل عن المليون و اكتر
دي فعلا تتابعها هناك في البرامج
انما هتلاقي تقييم عادل للسوزوكي ماروتي ولا الفيرنا هناك؟؟
مظنش
دول بيتناولو العربيات اللي عندهم
اتمني ان كلامي ميكونش مضايقك يا استاذ
لا يا د/أمير انا مش متضايق من كلامك بالعكس ... و فعلا انا كنت بتصفح الموضوع عابرا....ولكن كان السياق بيبشر للنهاية المحتومة لأي إختلاف وجهات نظر بين إتنين مصريين...تعصب و تحيز لا موضوعي بيؤدي لإغفال جوانب كتيير في التقييم...اهلي و زمالك يعني و ما الى ذلك.....و يمكن النزال الكلامي ده يكون فرصة سعيدة لأتعرف بيك....و ياسيدي المواضيع اللي سيادتك مشترك فيها حابقى اعلق من بعيد لبعيد....:ma:
م/عمر العطار
الإسكندرية