رعشة غى السلانسيه

**engoss1990** · 02-06-2009 12:56 PM

عندى العربية لانوس 2000 فيها رعشة فى السلانسيه و امبارح لما كنت بجرب و انا فى الجراش شغلت النور العالى لقيت الرعشة زادت مع العلم ان البطرية جديدة

ممكن تكون القواشيط ولا عيب تانى؟؟؟؟؟

**MMamdouh** · 02-06-2009 01:34 PM

نضف الايدل كونترولر

اخبار الرشاشات ايه؟

MMamdouh

**samirayad** · 02-06-2009 03:01 PM

المشاركة الأصلية كتبت بواسطة morieno

شيك على شحن الدينمو

+1 يالأضافه برضه لنظافة الأيدل وعمل ليرننج للسلانسيه.............وخد البوابه معاك بالمره وأكشف على الفلاتر بالمره ( الكلام الأخير ده طبعا علشان فيه رعشه فى الأساس .....وتشييك الدينامو علشان الملحوظه التانيه بتاعة زيادة الرعشه مع النور )

**abzoabzo** · 02-06-2009 05:20 PM

غسلت العربية قريب فى بنزينة

**yusuf_daly** · 02-06-2009 07:38 PM

المشاركة الأصلية كتبت بواسطة samirayad

+1 يالأضافه برضه لنظافة الأيدل وعمل ليرننج للسلانسيه.............وخد البوابه معاك بالمره وأكشف على الفلاتر بالمره ( الكلام الأخير ده طبعا علشان فيه رعشه فى الأساس .....وتشييك الدينامو علشان الملحوظه التانيه بتاعة زيادة الرعشه مع النور )

يعني إيه ليرننج للسلانسيه ؟

**waleed_home** · 02-06-2009 07:40 PM

انا كنت سألت الزملاء قبل كدة عن حدوث رعشة مع النور او التكييف او مع تشغيل مراوح التبريد والكل اجمع ان ده شىء عادى .

**shaky** · 02-06-2009 08:43 PM

طيب ممكن اعرف الايدل كنترول بيتظف ازاى؟

**samirayad** · 02-06-2009 09:02 PM

المشاركة الأصلية كتبت بواسطة shaky

طيب ممكن اعرف الايدل كنترول بيتظف ازاى؟

الطريقه أخونا محمد شارحها فوق فى المواضيع المثبته ........

**samirayad** · 02-06-2009 09:09 PM

المشاركة الأصلية كتبت بواسطة yusuf_daly

يعني إيه ليرننج للسلانسيه ؟

.....يا أستاذ : يوسف طريقة عمل الأيدل ليرننج ( أى أعادة تنشيط ذاكرة وحدة التحكم نحو التعرف على سرعة السلانسيه المبرمجه جواها وقت تصنيع السياره .....حيث يحدث فقد مؤقت فى ذاكرة وحدة التحكم مع فصل البطاريه مثلا .......بتفقد الوعى تجاه النقطه دى ....وعملية الليرننج ........يعنى بنعملها أعادة أدراك ......ونفكرها بالذى مضى ) .......زى اما يكون واحد فاقد الوعى كده نتيجة صدمه معينه ونقعد نفكره باللى فات على ماتعود اليه ذاكرته ........................وفيه أفلام مصريه كتير تناولت الفكره دى