انا خايف علي اوباما يا جماعة ..!

**Terrible_DaRsH** · 02-06-2009 01:24 PM

شكل اوباما كده هيحصل له اللى حصل لبووووش ..

تخيلوا بسبب الرئيس الاستاذ المهندس اوباما الامتحانات اتئجلت من يوم الخميس ليوم الجمعة !!

اه والله اتئجلت بسببه . و كل الجامعات التابعة لمحافظة القاهرة هيتم معاها الكلام ده .

يعنى نصلى الجمعة و نطلع على الامتحان ولا ايه انا مش فاهم .

شيء غريب بجد . ما كانوا اجلوها ليوم السبت طيب ايه الحكمة فى كده .

اول مرة فى حياتى اشوف دراسة يوم الجمعة ! ( محدش عارف هيعملوا فينا ايه يا قرمط ) :)

عموما يا جماعة لو لاقيتوا جزمة زرقاء مقاس 69 بوز طويل طالعة فى الكاميرا ابقوا عارفين مين اللى عملها :)

**msobhy** · 02-06-2009 01:34 PM

انا عارف ان حضرتك بتتريق
بس ممكن نقلب كلامك جد
انا فى لحظه وانا معدى على جامعة القاهره وشايف اللى بيحصل هناك من استعدادات جه فى بالى
لو واحد اتجنن فى ودانه وعمل اى حاجه تافهه ايه اللى ممكن يحصل

والله ان ساعتها فضلت ادعى ربنا انه يجى بالسلامه ويرجع بألف سلامه لبلده
يا عم مش ناقصين مشاكل مع الناس اللى أكبر من الناس الكبيره

**msobhy** · 02-06-2009 01:55 PM

المشاركة الأصلية كتبت بواسطة terrible_darsh

بتريق فى اى جزء فى كلامى ؟؟؟ الامتحانات ولا ضرر اوباما !

+1111111111111111
ضرر أوباما
لأنى فعلا سمعت ناس كتيير بتتكلم عن تأجيل الامتحان

**Ashraf_Ashraf** · 02-06-2009 02:04 PM

انت زعلان على الامتحان اللى اتأجل يوم
امال المحلات اللى هتقفل من يوم الاربعاء لبعد الزياره تعمل ايه
ولا وقف الحال يوم الخميس والشوارع اللى هتتقفل والمواصلات اللى هتقف
ربنا يعديها على خير

**Drift_Lover** · 02-06-2009 02:31 PM

ان بقي استحاله استحاله نفسيتي تصفي من ناحيتهم.
أيآ كان اوباما ولا بوش ولا كلينتون ولا اللي جاي ولا اللي حيروح...

ولو لاقيت حاجه مقاس 42 كلاسيك برباط... ولا حد يجيب سيرة اللي عملها.

قال تعالى في سورة البقرة
بسم الله الرحمن الرحيم.
(وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ {120})
صدق الله العظيم.

**M_55** · 02-06-2009 02:41 PM

طيب اوباما ذنبه ايه ، هو اللي قال اعملوا الاحتياطات الامنية دي ولا قال اقفلوا الشوارع ، دي تدبيرات الأمن المصري الهمام

طيب ماكانوا يختاروا يوم جمعة مثلا بدل ما هايوقفوا حال البلد كلها

ربنا يستر في اليوم ده

**حماده عزو** · 02-06-2009 03:50 PM

أنا بجد مش معا تصرفات الأمن المصرى من غلق محلات وشوارع وربكه لكن هنعمل أيه لينا رب أسمو الكريم
وانا كمان مضرور لانى من يوم الجمعه الى فات الكليه مقفوله وانا دراستى فى التعليم المفتوح يوم الجمعه فقط

**ASKAFRAWY** · 02-06-2009 04:05 PM

المشكلة بقى ان لو حصل قلق اليوم دة ياتري ايه الممكن يترتب على كدة؟
مصر هتبقى عدوة لدودة ولا ايه!
اذا كان لا اوباما ولا ام باما و حدثت تفجيرات الحسين!يبقى بقى لما يجى اوباما هيعملوا ايه!!
ياخوفى يا بدران يحصل اللى فى دماغى!!

الموضوع: انا خايف علي اوباما يا جماعة ..!

LinkBack

أدوات الموضوع

عرض

-

-

-

-

-

-

المواضيع المتشابهه

يا جماعة انا حجزت سيراتو بس خايف!

خايف أغير عربيتى وعارف لية أنا قلبى خايف

من اوباما ...

الكلمات الدلالية لهذا الموضوع

المفضلات

المفضلات

ضوابط المشاركة