عرض للطباعة
هل تغير الشكل الخلفى فى الصنى 2008 انا حاجزها ولسه مااستلمتش ومش عارف الى انا شاريها منه قال ان فيه اختلاف فى الفوانيس الخلفية هل ده صحيح انا مش عارف لو استلمتها هاعرف منين ان دى 2007 ولا 2008 الحقونى قبل ما ادبس وينضحك عليا ارجوكم.
جزاكم الله خيرا
اخوكم اللايص محمد
مفيش اى تغيير فى حاجه
وبعدين بتعرف الموديل من الورق بتاع العربيه
الف مبروووووك مقدما ومتخفش مفيش اى اختلاف نفس الشكل
من حيث الخوف انا خايف بس مش من الموديل بل من العربية نفسها وده طبعا من شكاوى الاعضاء منها انا محتار.......بقول اسلك واجيب نوع تانى ولا ايه افيدونى . جزاكم الله خيرا.
انا معايا منذ حوالي 3 شهور وبسم الله ماشالله
توكل علي الله
شكرا لك بعد مراجعة النفس والاستخارة هتوكل على الله وربنا يكفينا ويكفيكم شر الطريق
متخفش العربية بالنسبة لسعرها الاحسن فى فئتها والعربية ممتازة جدا بس طبعا فيه عيوب لان مفيش عربية مفيهاش عيوب
والعيوب دى انا شايفها فى 4 حاجات بس وهيه
1-صوت موتور عالى (مزعج)
2-استهلاك بنزين عالى
3-واطية بتحك فى كل المطبات
4-العفشة ناشفة جدا وخصوصا فى المطبات الصغيرة بتقطم الضهر
غير كده العربية فوق الممتازة ومتنساش انك بتتعامل مع واحد من انضف التوكيلات فى مصر
اقتباس:
1-صوت موتور عالى (مزعج)
عندك حق فى الحاجات ديهاقتباس:
-العفشة ناشفة جدا وخصوصا فى المطبات الصغيرة بتقطم الضهر
محكتش معايا غير مره واحده وكان مطب غريب الشكلاقتباس:
2-استهلاك بنزين عالى
بالنسبه ليا انا شايفه معقول هوه مش واطى بس مش مبالغ فيه
اقتباس:
3-واطية بتحك فى كل المطبات
طب ايه الحلو بقه :D :Dاقتباس:
والعيوب دى انا شايفها فى 4 حاجات بس وهيه
1-صوت موتور عالى (مزعج)
2-استهلاك بنزين عالى
3-واطية بتحك فى كل المطبات
4-العفشة ناشفة جدا وخصوصا فى المطبات الصغيرة بتقطم الضهر
الحلو ان العربية متينة جدا جدا يعنى اقوى عربية فى فئتها واجمد بمراحل من لانسر وتويوتا يعنى بمرور الزمن العربية بتعيش معاك ميتتبهدلش
التكييف قوى جدا
فيها جميع الكماليات
احسن سعر لعربية يابانى بها جميع الكماليات
سوافتها حلوة جدا والدركسيون بتاعها ممتع ومرن جدا
اهم بقى من ده كله التوكيل بصراحة توكيل نيسان وتوكيل المنصور وتوكيل هوندا انضف 3 توكيلات فى مصر بلا منازع وبعدهم توكيل رينو محترم جدا برضه
ده غير ان شكلها الخارجى شيك جدا ده على الاقل بالنسبالى انا شايفها اشيك عربية فى فئتها
بس برضه الواحد لازم يساعد الراجل اللى عاوز يشترى ويفيده بما يرضى الله ولازم يقوله العيوب
تم استلام العربية وهى لا موتورها عالى ولا حاجة لما ده صوته عالى امال الفيات الى انا كنت راكبها تبقى ايه وابور زلط لا لا صوته جميل نغمات موسيقى والعفشة فوق الممتازة بمراحل والملاحظ انها بتدب فى بعض المطبات ده لانها جديدة سحب خرافى صالون ممتاز وتابلوه رائع وكل حاجة حلوة بصراحة تحفة و فى نظرى احلى من الكورولا.
عربيتى سوداء مانيوال فرش رصاصى بس انا خليته بيج ودوسات بيج والسقف والقوايم بيج ولاكن اساس اسود ولاكن بقى شكله تحفة وهى بيج فى اسود.
الف مبرووووووووووووك وربنا يحفظهالك
الله يبارك فيك
يا جماعة أنا اشتكيت من البنزين وخشونة العافشة.......... لكن الآن وبعد ما عديت العشرة آلاف كيلو الوضع اختلف تماماً
بجد العربية جميلة ومبروكة على أصحابها وننصح بيها اللي ناوي يشتري
صوت العربيه عالي و خشنه
تعاى اركب البسات و اعرف يعني ايه صوت عالي
انا باخد عربيه بابا لما ابقى مش عاوز اسمع صوت من عربيه
و العربيه واطيه و بتحك في المطباط
البسات بتحك في السفلت مش في المطباط و بعدين انا بشتكي ان العربيه دي عاليه مش واطيه
و عافشتها خشنه
خد مطب بالبسات و بالنيسان و شوف الفرق بنفسك
يا عم الحج ربنا يبراركلك في العربيه و متخفش منها عربيه بصراحه جمعت بين اليباني في نعومته و انه تكون عمليه و بين الالماني في الموتور الشديد و الثبات على الطريق
على فكره اول ما بابا اشترى العربيه دي دورتها مرتين و هي دايره بسبب ان ملهاش صوت
العربية ممتازة عن تجربة شهر واحد و الموحظة الوحيدة بأمانة شديدة ان انا ظهرى بيوجعنى مع السواقة مش عارف ده علشان العفشة مع انى مش شايف انها ناشفة بس اعتقد ان تنجيد الكراسى سفنج مضغوط و ناشف بس حجرب و اجيب فرش و شفت عراقة تحفة فى التوكيل و عليها شعار نيسان سميكة و طرية ب 88 جنية ان شاء اللة تحل المشكلة بس عايز اشوفها برة عند سبير كار او رضا
غير كده العربية ممتازة ما شاء اللة عليها سحب قوى موتور عزمة حلو و انا طالع كوبرى او حاجة مش بفكر انا مديها تانى ولا تالت ولا رابع و إستهلاك البنزبن معايا على الصحراوى بسرعة 90 ك بدون تكيف كان 350 كم فى الصفيحة بنزين 90 و حطيت اليوم بنزين 92 و ناوي احسب الإستهلاك و ابلغكوا .
تعب ظهرك ده من الكراسي ومش شرط التنجيد وانما تصميم الكرسي هو اللي بيعمل كده