سؤال عن كمبروسر تكييف الأوبترا

**faragalla** · 02-06-2009 01:45 PM

بسم الله الرحمن الرحيم

اولا برحب بكل الناس فى المنتدى الجميل ده اللى كله معلومات مفيده عن السيارات
المهم
انا الحمد لله اشتريت اوبترا موديل 2008 كامله اوتوماتيك عامله 30 الف كيلو
المهم انا ملاحظ ان كمبروسر التكييف بيفضل محمل على طول و مبيفصلش خالص لغاية المواسير ما بتكثف ثلج ابيض و العربيه بتبقا برد جدا و بالذات بالليل فرحت التوكيل و سألت على الموضوع ده فقالولى هوا كدا طبيعى و كل العربيات الاوبترا كدا
فأيه رائى ملاك الاوبترا و الخبراء فى الكلام ده مع ان الكهربائى قالى انه المفروض انه بيشتغل و يفصل علشان الكمبروسر ما يتحرقش

**أبو عمار** · 03-06-2009 01:45 PM

رحت أى فرع يا مان

**faragalla** · 03-06-2009 03:11 PM

فرع منصور شيفروليه اللى على الصحراوى طريق الاسكندريه القاهره الصحراوى

**auto5truck** · 03-06-2009 03:50 PM

بص يا باشا
تكييف الأوبترا قوى جداً جداً لدرجة ما أنى فى عز الأيام الحارة بشغل المروحة على سرعة 2 بتكون كافية تلطف جو العربية و ده بالنهار لو بالليل و الجو كويس لازم طبعاً يعمل ثلج .

أنا أحياناً ما بستحملش برودة التكييف فبضطر أقفل بعض الهوايات و بتكون الحرارة فى الخارج عالية.

أوبترا أوتوماتيك 2008

**ashraf229** · 08-06-2009 01:23 PM

كان عندي أوبترا 2008 زيرو و فعلا تكييفها ما شاء الله عليه قوي جدا و ما بيسحبش من عزم الموتور خالص (مانيوال معرفش الاوتوماتك) بس اي تكييف لازم يفصل كل فترة ده الطبيعي.........

و بعدين منصور بيستسهلوا و انت و نصيبك حسب مهندس الاستقبال.......

أعتقد لازم أي تكييف يفصل و موضوع البرودة فهو فعلا العربية تكيفها حلو

**w11905** · 10-06-2009 01:27 AM

الف مبروك العربيه
كمبرسور التكيف فى الكورى مبيفصلش شغال على طول

**pharonicking** · 10-06-2009 02:00 AM

لازم يفصل عشان ميتحرقش"

**samermath** · 18-06-2009 10:47 PM

ياجمااااااااعة انا عندى التكييف ضعيف جدا معايا اوبترا اتوماتيك 2009 ومش عارف اعمل ايه .....رحت توكيلين قالولى كده كويس!!!!!!!!!

**Traple_m** · 19-06-2009 12:15 AM

المشاركة الأصلية كتبت بواسطة samermath

ياجمااااااااعة انا عندى التكييف ضعيف جدا معايا اوبترا اتوماتيك 2009 ومش عارف اعمل ايه .....رحت توكيلين قالولى كده كويس!!!!!!!!!

روح قلوهم التكيف بايظ و خلى بالك لازم تزعق و تديهم على دماغهم علشان دة توكيل سايب انتا لو مش لسة فى الضمان كنت قولتلك اعملة برا انت روح التوكيل قلهم التكيف دة بايظ عيب صناعة ولازم يتغير هتلاقى كل اللى هناك مركز معاك