ولو ان عربيتي خليجي لأنها مع الأسف مش في التوكيل
...بس انا برضه سعيد بأني هامتلك عربية ده وكيلها في مصر
عرض للطباعة
ولو ان عربيتي خليجي لأنها مع الأسف مش في التوكيل
...بس انا برضه سعيد بأني هامتلك عربية ده وكيلها في مصر
ألف مبروك أستاذ أحمد على صيانة ال 10000 كم وعقبال يارب صيانة ال 100000 كم ودايماً كده تتحفنا بتقاريرك المتميزة اللى بتفرق مع ناس كتير فى اختيار العربية اللى حاتشتريها وفى التصرف عند حدوث المشاكل .. ومبروك علينا وعلى كل الكياوية التوكيل اللى بيثبت يوم بعد يوم إنه من أكتر التوكيلات احتراماً للعميل فى مصر
كويس ان لسه فى ناس عندها ضمير ..
بسيطة الحمد لله يا استاذ احمد .
والله انا كنت هاغير رايي في شراء الفورتي لكن الحمد لله ان فيه ناس مثل المهندس خالد وطبعا من اللي الناس بتشوفه بتقصر وتقول مش هايطلع احسن من كده لكن يارب نقدر نغير ثقافتنا ونتمسك بحقنا لان هو ده اللي هايخللي الناس تعمل الشئ المضبوط لانه لن يقبل الاكده وطبعا الف الف شكر لهذا الموقع الهام اللي عرفته بالصدفة وان فيه اعضاء غاويه عربيات (ركيبه) ودمهم فعلا خفيف وعلى فكره المهندس خالدمدير الصيانة لكيا مصر والا فرع معين اتمنى تكون التعليمات لجميع الافرع علشان كل الكياوية يطمنوا شكرا ياباشمهندس
أنا استأذنت إنهردة من الشغل ورحت ودت العربية إنهردة اصبح تعمل سينت ال-1000km (في أسبوع مش عارف ازاي عملت كدة :( ) المهم كتبت فال-report اني العربية بتحدف شمال سنة خفيفة وشتكيت موضوع السخنة دة إلي بيطلع من عند الدواسات المهم أبلت المهندس صلاح وخرج معايا وراني إن العربية مفيهاش مشكلة من حس الصناعة يعني عشان هما كيا أغبية وعملين المسعورة بتاعة السخن إلي فالتكييف فالجمب الشمال نحيت السواء فالكنسل وهي فعلن سخنة لم لمستها وكمان مش عليها أي cover خالص بس ألي ممكن تروح ابروش يغطوها بحاجة
الكلام معجبنش بصراحة فالت حشوف امتى حعرف أزوغ من الشع؛الورح اتخانق معهوم كمان في حاجة غريبة إني لات المسورة حتى معلهش أي نوع من أنواع ال-insulation ولا حتى الكاوتش إلي بيبأة على موسير التكييف في أي حتة
الحاجة التنية موضوع الزوايا أنا استلمت العربية وستنيت لم خرج المهندس صلاح عشان أسأل اتعمل إيه بزبت راح أيلي هي العربية خرجت التلو وأفة اه هناك ألي يبئة تمام التولوه ازاي يعني حصل فيها إيه هل اذوي كنت بايظة ولا إيه بزبت ألي هما أكيد راجعو ضغوط الكاوتش وربط عفش التو طب والزاوية أنا ماشي بها 1000km مش عجباني الحدف ده ألي الجهاز بايز وخد معاد في روكسي يعملهلك فتعصبت وثبت ومشيت ونة مضايق بصراحة
شكلي المرة إلي غاية حجارب أبو روش لم نشوف باءة ونشالله حروح أظبط زوايا أنا كمان في بردجستن عبسلعأد أنا مغربهم أبل قيد في عربيات كتير
شكراً وأسف على الإطالة والبقاء للله فالتوكيلات (ال أنا ألت حجيب عربية جدد عشان اشتري دماغي :) ) :majd(4):
يعنى انا دلوقتى عايز اعمل صيانة ال10000 وصيانة روكسى جنب البيت اروح ابو رواش احسن ولا استقرب واروح روكسى
يفضل ابو رواش رغم المشواراقتباس:
يعنى انا دلوقتى عايز اعمل صيانة ال10000 وصيانة روكسى جنب البيت اروح ابو رواش احسن ولا استقرب واروح روكسى
روكسى مستواهم على قدهم خالص
فعلا ً
انا الأول فرحت من قرب مركز الصيانة الى هو روكسى بس غيرت رأى ومش هروح غير ابو رواش
ارجو يا اخ بيسو ان تتكلم عربى لانى لم افهم كلامك جيدا
هو التوكيل بصراحة مش بطال
أنا كان عندى مشكلة إنى عملت حادثة بعربيتى (كارينز) واتكسرت علبة زيت الباور (أعتقد إن بعض الناس فى المنتدى عارفين المشكلة دى) ودورت على العلبة دة فى كل حتة (وكيل-استيراد-جديد-مستعمل-الحرفيين) ولا أمل ...( وأحب أشكر هنا الأستاذ كريم منير اللى كان بيدور معايا...
المهم ... فى خلال فترة البحث قلت أبعت لكيا كوريا وأشوف إيه الرد مش عارف ....يمكن
وفعلاً بعت mail للشركة واستنيت الرد.......مفيش
بعد حوالى 3 أسابيع لقيل e-mail من الوكيل هنا بيقولى إن العلبة الله حضرتك طلبتها وصلت عندنا فى أبو رواش وممكن حضرتك تيجى تستلمها
بصراحة أنا مكنتش مصدق نفسى (أنا فضلت حوالى شهر بدور عليها)
خلى بالكم أنا مطلبتهاش من الوكيل أنا طلبتها من كوريا مباشرة وهما بعتوها على الوكيل
هما حاسبونى عليها أغلى حاجة بسيطة (اتحملت تكاليف الشحن الخاص من كوريا) بس المهم إنها وصلت فعلاً
اللى عايز أقوله إن الشركة الأم فى كوريا محترمة فعلاً جداً... والتوكيل هنا بيحاول يبقى كويس بس الضغط عليهم كبير أوى
المهندس خالد فاروق مسؤول الصيانة فى أبو رواش راجل محترم (حسب كلام الناس أنا شخصياً لم أتعامل معه) بس باقى الناس فى التوكيل بحس إنهم بيجوا الشغل عشان يشتغلوا ويروحوا وخلاص.... سبوبة يعنى. بحس إنهم مش caring على العملاء بتوعهم، مش عارف بسبب ضغط العمل ولا عايزين علاوة ولا إيه بالظبط:ma:
لو كده ممكن نخلى كريم يكلم أستاذ خالد يديهم مكافأة ، أو حتى بدل ابتسامة فى وش الزبون :ma:(زى الحكومة كده)
آسف إنى طولت عليكم