التكتكة فى الماتور الانجكشن

**oldnavy** · 02-06-2009 06:37 PM

انا عايز اسال عن التكتكة فى الماتور الانجكشن حلها اية هل عيب سلك بيجوهات ولا اعمل اية عشان التكتكة كانت فى الاول لما العربية تشخن تروح حاليا مش بتروح اعمل اية

**aYaBooY** · 03-06-2009 10:59 AM

طيب العربية نوعها ايه و المشكلة بتحصل لما تقرص عليها و لا في العادي
و العربية عندك فيها اسبراتير ولا موبينة بس

**samirayad** · 03-06-2009 02:46 PM

فعلا ياريت وصف جيد للحاله ............مع تزويدنا بجميع البيانات المطلوبه فى هذا الموضوع http://www.nilemotors.net/Nile/showthread.php?t=75775

**oldnavy** · 03-06-2009 06:42 PM

انا عربيتى ميتسوبيشى ماتور انجكشن انا لسة مغير زيت وفلتر هل يكون كستبان بس كان فى الاول لما المكنة تسخن الصوت يروح حاليا بقى صوتة مش بيروح وتعبنى صوتة تكتكة ومش عارف اية السبب ؟

**oldnavy** · 03-06-2009 06:43 PM

وحتى فى السلانسية صوتها في تكتكة

**samirayad** · 03-06-2009 10:02 PM

هى الميتسوبيشى تاكيهات ميكانيكيه ولا نظام كستبانات هيدروليك ( بزيت المكنه .........زى الدايو والأوبل مثلا )......لأن لو ميكانيكيه حتكون محتاج ظبط تاكيهات فقط

**oldnavy** · 04-06-2009 02:41 PM

العربية ليست تيكهات هى كستبنات

**samirayad** · 04-06-2009 04:34 PM

عموما راجع على دورة الأشعال ( بوجيهات - كابلات بوجيهات - بوبينا )..............وممكن تجرب أستخدام الفلش أويل لنظافة دورة تزييت المكنه وبالذات المنطقه العلويه (عند التاكيهات من أى رواسب كربونيه متجمعه عندها )..................وممكن تحط العربيه على الأسكانر لمراجعة أكواد الأعطال المخزنه داخل وحدة التحكم ( لأن حساس حرارة مية لتبريد ممكن يكون مش شغال ......وممكن تنظف فيشته وتركبها تانى وتجرب ).........................فى الواقع دى الأسباب اللى أنا فاكرها حاليا ..........ولو وجدت جديد سأوافيك به .......وياريت لو تدينا بيانات أكتر .....اللى فى اللينك اللى أنا حولتهولك يمكن نطلع بحاجه جديده