السلام عليكم ورحمه الله وبركاته
فى الاول يا جماعه احب ابدى اعجابى بالمنتدى الهايل ده
والاعضاء المحترمين الى فيه وكنت عايز حد يشرحلى بليز
انا بسمع كتير عن المارش بس مش عارف ايه معنى الكلمه دى
ممكن حد يقولى وربنا يجازيه خير شكرااااااااااااا
:shyy:
عرض للطباعة
السلام عليكم ورحمه الله وبركاته
فى الاول يا جماعه احب ابدى اعجابى بالمنتدى الهايل ده
والاعضاء المحترمين الى فيه وكنت عايز حد يشرحلى بليز
انا بسمع كتير عن المارش بس مش عارف ايه معنى الكلمه دى
ممكن حد يقولى وربنا يجازيه خير شكرااااااااااااا
:shyy:
اهلا بيك فى المنتدى
المارش هو بادىء الاشعال الاليكترونى .. يعنى لما حضرتك بتلف المفتاح فى الكونتاكت بتقفل دائرة كهربية و عند حدوث ذلك يتم تشغيل المحرك .. دة باختصار معنى المارش
المارش عباره عم موتور كهربى صغير لما انت بتلف المفتاح (الكونتاكت) بتوصل المارش ده بالبطاريه فبيشتغل ويدور الموتور عن طريق ترس صغير موصل المارش بالحدافه بتاعه الموتور الترس اسمه (البندكس).
واهلا بيك اخ لينا فى المنتدى
اولا أهلا بحضرتك
علشان المحرك يدور ويبدا يعتمد على نفسه لازم ندوره بمصدر اداره خارجى حتى سرعة دوران معينه بعدها يصبح المحرك قادر على التغلب على المقاومات المختلفه وتغذيه نفسه ذاتيا.
وهو عباره عن موتور كهربى DC بنهايته ترس صغير يعرف بترس البندكس والى يقوم بالتعشيق مع ترس اكبر مثبت على حدافة الموتور. ويتم ادارة المارش وتعشيق الترس من خلال جسم اسطوانى اعلى المارش يعرف باتوماتك المارش
http://www.aeolus-online.com/catalog...ting_Motor.jpghttp://www.aa1car.com/library/2002/starter_drive.jpg
إستكمالاً لكلام الأخوة فوق ، موتور العربية عشان يشتغل محتاج حاجة تديله كام لفة فى الأول عشان يبدأ يسحب البنزين ويحرقه ويشغل نفسه بنفسه وده اللى بيعمله المارش كل مرة تبدأ تدور العربية
بمعنى اخر المارش يقوم بعمل المنفلة اللى كانت فى العربيات القديمة فى افلام زمان لو تفتكر
الف الف مليون شكر لكل الناس الى فهمونى سؤالى وبجد الواحد حاسس انه وسط اهله وناسه
سؤال علمي :)
ايه بقي حدافة الموتور ديه ؟
و هل هيا ال fly wheel ؟ و ايه وظيفتها ؟
ايوة هى فعلا الحدافة اسمها fly wheel وبتكون راكبة فى نهاية عمود الكرنك ووظيفة الحدافة باختصار انوا معروف فى العربيات لوا هنتكلم على العربية 4 piston ان كل لفة بتديك شوط واحد اشتعال فالحدافة بتقوم باختزان الطاقة المتبقية عشان تستمر فى تدوير المحرك ودة بيتم عن طريق خاصية القصور الذاتى ولو عايز تتفهمها اكتر ممكن تكلمنى على الخاص وانا اشرحهالك بالتفصيل باذن الله