والله معلوماتي إن الطنابير لس لها جدول تغيير على عدد الكيلومترات او السنين ولكن يتم تغييرها على حسب حالتها الفعلية و خصوصا لو تأكلت بشكل كبير او أصبحت "مريجة" يعنى عالي وواطي ودي بتبان مع إستخدام الفرامل على سرعات عالية تلاقي الطارة بترعش تحت إيدك و ده عادة ناتج عن إستخدام الفرامل بشدة و بكثرة مما يؤدي الى سخونة الطنابير ثم تعرضها لتبريد مفاجئ زي الخوض في مياه من أمطار و صرف وخلافة
ولما إشتريت عربيتي كانت فيها ريجة و رحت خرطت الطنابير و الأداء إتحسن بنسبة 80% و الخرط بيتم على حسب نسبة سماكة الطنبورة و مستوى الريجة الموجودة يعنى ممكن تخرطها مرة او مرتين و بعد كده لأ
بالنسبة للجديد أنا كنت سألت في التوكيل على طنابير السيفيك قالولي ب 1100 الواحدة و فيه نوع ألماني في السوق الواحدة ب 600 جنية ...ودي ان شاء الله اركبها لما اللي عندي يخلصوا
المفضلات