الموضوع: ابعاد عمرو خالد عن مصر

المشاركة الأصلية كتبت بواسطة ahmed_gamal

حضرتك متأكد من الكلام ده ؟؟؟

يعني يا أخي أنت سبت كل الل أنا قلته وملقيتش غير الكلمتين دول ترد عليهم ...
لأ يا سيدي مش متأكد طبعاً .. وواضح أني قايل لا اعتقد ولا أظن ... ويا ريت تقرا باقي اللي مكتوب لأنه اهم بكتير من الجزء اللي أنت واخده

المشاركة الأصلية كتبت بواسطة ahmed_gamal

انا اخدت الجزء ده لانه تعرض لشخصي انا (انا اللي حاطط الفيديوهات و الموضوع المنقول )
ولا حضرتك مش شايف كده

وانا قريت بقيت مشاركتك و هي ماتختلفش عن مشاركاتك السابقة
دفاع عن عمرو خالد و نسب الخطأ للشيوخ الاخرين و ديه و جهة نظرك و انا كنت برد عليها بالفيديوهات و المقال اللي حضرتك قلت اني مقرأتهوش

انا ماقلتش علي عمرو خالد شخص مش كويس
انا بقول انه ميصلحش داعية لاخطائه الكثيرة في الدين

توضيح بس صغير ... أنا مش بنسب خطأ للشيوخ الآخرين وبعفي عكرو خالد من الخطأ ... ولا أدعي أني من ينفي ويثبت أخطاء على مشايخنا الأفاضل ... ويا ريت تقرأ الموضوع بصورة أكثر عمقاً ... لأن المقصود بأختصار هو عدم تعظيم الخطاء اللفظية والتركيز على الأهداف والمعاني .. والتغاون من مشايخنا والأستاذ عمرو خالد لتجنب مثل هذه الثغرات والأتحاد في سبيل نهوض الأمة

انا لا احب عمرو خالد ولا اكرهه
شخص احب ان يكون ذو قدوه من يحب طريقه كلامه وسرده للمواضيع يسمعه
وممكن حاجة بسيطة تخليه يتغير للافضل
اما الجهه العكسية فهى ادارة وانتاج برامج عمرو خالد ودروسه منين ؟؟؟
انا قريت قبل كده ان عمرو خالد من اغنى الشخصيات ف الشرق الاوسط !!!!!
هو اللى يعمل خير بستنى اجرته ؟؟

الله يرحمك يا شيخ شعراوى

المشاركة الأصلية كتبت بواسطة oka

انا لا احب عمرو خالد ولا اكرهه
شخص احب ان يكون ذو قدوه من يحب طريقه كلامه وسرده للمواضيع يسمعه
وممكن حاجة بسيطة تخليه يتغير للافضل
اما الجهه العكسية فهى ادارة وانتاج برامج عمرو خالد ودروسه منين ؟؟؟
انا قريت قبل كده ان عمرو خالد من اغنى الشخصيات ف الشرق الاوسط !!!!!
هو اللى يعمل خير بستنى اجرته ؟؟

الله يرحمك يا شيخ شعراوى

يا جماعة بطلو تردد كلام وخلاص .. كفاية بقه سطحية ..
يعني هوه عشان يكون كويس .. يتفرغ للدعوة وبدون مقابل .. ويعيش يشحت يعني ولا ايه .. ايه المشكلة انه يستفيد بدخل يعينه على الدعوة والحياة الكريمة ... وبلاش حكاية أنا قريت وأنا سمعت ونردد كلام وخلاص زي البغبغانات وخلاص ... ويا ريت بقه اللي يتكلم يا أما يتكلم بصورة منطقية وحجة ... يا اما يسكت خالص أحسن

الواحد كان بيحب المنتدى دا بجد جدا ياجماعة
وانا دلوقتى ندمان جدا انى قريت الموضوع دا
انا عمال استعرض صفحاته واحدة ورا الثانية وازداد غما فعلا
والمشكلة ان فيه كلام كتير اتقال غلط والناس اتقسمت نصين وبقى ورا كل نص فرق عمالة تشجع
والردود اللى اتكتبت واسلوب الكلام غيرت فكرتى عن ناس كتيرة اوى فى المنتدى دا كنت باصصلها بصوره حلوة

يامن تسمع عمرو خالد اسلوبك فى الكلام بيوضح انك كنت بتسمع عمرو خالد سماع الكرام ......
بعيدا عما قاله الشيوخ في بعض دروسه فكانت هناك دروس عن حسن الخلق للاسف لم اجدها فى اسلوب حوارك

والى من تكلم عن عمرو خالد مستدلا بكلام شيوخنا الأجلاء هل انت متأكد ان نيتك فعلا ويقينا هى احقاق الحق ارجوك لا تتسرع بالرد ولا اتمنى ان ترد على بل راجع واسأل نفسك هل كنت يقينا تحاول احقاق الحق ومخلصا فيه بنية صادقه الى الله ام انك انحرفت عن ذلك وتحول الموضوع الى عداء شخصى .........هل ترى انك فعلا اوعظت الناس

لقد تحول الكلام الى سباب والتشكيك فى الشيوخ والتكلم عن الوهابية واصبح كل واحد يتكلم بما يهواه

الى كل فريق - للأسف - متزعلوش منى بسبب اسلوبى اذهبوا وطبقوا كل ماتسمعونه من الدين وبعدين ابقوا تعالوا اتكلموا بعد كده يمكن اسلوب كلامكوا يرقى فى الحوار قليلا

كما ان الحليم يعرف ساعة الغضب فان صاحب الدين يعرف ايضا من مثل هذه المواقف


ولو استمر الكلام بعد كده بالاسلوب دا فأطلب من ادارة المنتدى ان تغلقه نهائيا

لا حول ولا قوة الا بالله.
لا عمر خالد أنزل ولا أي شيخ من المشايخ كامل.
الكمال لله وحده.
وكلام اي شخص سواء شيخ او داعيه او ملحد. هو إجتهاااااااااااد. والثابت هو القرآن الكريم وسنن الرسول المؤكده.

ده لو واحد من الاعضاء اخد مخالفه كلنا بنزعل.
.
.
.
وللأسف الحوار كله تحول لنقد ودفاع عن عمرو خالد. وسيبنا أساس الموضوع.

ليه عمرو خالد (ايآ كان مسلم مسيحي لكنه في الآخر مصري) يتنفي وتتحدد إقامته. بعيد عن وطنه وأهله واولاده.
يا أخي ده احنا مانرضاهاش للمسيحي اللي هو مش من دينا ولا ملتنا.
نقوم نرضاها لواحد قال ( لا إله إلا الله سيدنا محمد رسول الله ) ولا عمره أذي حد ولا ضر حد.
وحتي لو غلط في رأي انت مش ربنا "استغفر الله العظيم" انت او غيرك او داعيه آخر علشان تحاسبه.

ليه.
وعلشان مين.

لا حول ولا قوة الا بالله العلي العظيم.
لا حول ولا قوة الا بالله العلي العظيم.
لا حول ولا قوة الا بالله العلي العظيم.

ربنا ينتقم من كل ظالم.