الموضوع: نشيد مصر الوطنى -دعوة للنقاش-

المشاركة الأصلية كتبت بواسطة baskota

له وقع خاص على القلب
يجعلك تشعر بالحماس والحب الشديد للوطن

+10000

المشاركة الأصلية كتبت بواسطة rsarabia

و طبعا دا كان عصر الناس المحترمة و بالتالى دا يليق بيهم انه يكون النشيد الوطنى بتاعهم و بعد التغييرات اللى حصلت فى المجتمع و اجتياج الرعاع لكل طبقات المجتمع اكيد النشيد الوطنى لازم يتأثر و ينزل لمستوى ادنى عشان الرعاع يفهموه

الكلام دا مظبوط 100 % للأسف الشديد ويمكن لو اتغير حالنا وبقينا مثل رجال الماضى ممكن النشيد دا يرجع تانى

النشيد ده بالذات أحبه وأحترمه وأحفظه عن ظهر قلب، لأنه فعلاً يمس القلب. بس دي أول مرة أعرف إنه كان نشيد وطني لمصر .. النشيد ده يستحق أن يكون السلام الوطني وفيه مميزات كتير:
1- كلمات قوية وبالعربية القصيحة
2- يوضح أن الهدف الأسمى هو السلام
3- فيه توضيح لمعنى الفداء والتضحية .. كلما تأملت البيتين: "لكِ يا مصر السلامة وسلاماً يا بلادي ... إن رمى الدهر سهامه أتقيها بفؤادي" لازم عيني تدمع .. كلام ومعنى رائع

بالمناسبة تم استخدام لحن هذا النشيد -بعد إعادة توزيعه- كموسيقى دعائية لحملة الانتخابات الرئاسية الماضية وكانت مؤثرة جداً بدون كلمات .. اللحن لوحده عبقري.

بالنسبة للنشيد الحالي نشيد مايع ومايص -ولامؤاخذة- وبصراحة باحس إنه ماينفعش نشيد لفرقة كورة حتى !!

شكراً ع الرابط وعلى الموضوع الجميل

فى نشيد جميل جدا او اغنية وطنية كنا بنقوله فى الابتدائى فى اسكندرية زمان فاكر من مقاطع ياريت حد يفكرنا بيه

صوت بلادى بلادى بلادى بيدوى عبر الاجيال
صوت حضارة من يومها جبارة ياما صنعت ابطال ورجال
صوت شعب ماشى الاف السنين
اى اخ عربى يعوزه يلاقيه
امجاده كتبها بحياته مصر حياة ابطال مخلصين

[gdwl]
ويك يا من رام تقييد الفلك أي نجم في السما يخضع لك
وطن الحر سما لا تمتلك والفتى الحر بأفقه ملك
[/gdwl]



بلاغة ما بعدها بلاغة
انا على فكرة من يوم ما الموضوع اتحط
و انا باسمعه كل يوم

الحتة دي باجي عندها و أحس "للحظة" اني فخور ببلدي


بس أول ما النشيد يخلص بافوق تاني