هاتخرجوا من بيوتكوا و لا هاتؤثروا السلامة و تخليكوا في البيت و لا هاتاخدوا طرق بعيدة عن اللبش و لا ايه بالظبط؟
انا شغلي في المهندسين و مش عارفة أعمل ايه.
عرض للطباعة
هاتخرجوا من بيوتكوا و لا هاتؤثروا السلامة و تخليكوا في البيت و لا هاتاخدوا طرق بعيدة عن اللبش و لا ايه بالظبط؟
انا شغلي في المهندسين و مش عارفة أعمل ايه.
انا بفكر اروح احضر الخطاب بس لسه ما قررتش :)
هو انا كده كده الطريق كل يوم واقف عشان الرصف بتاع الدائري...
فا واقفة بوقفة و خلاص...هاروح و أمري لله....و بفكر بعدها أنتحر و أروح المعرض
بس الأوفيس بوي إديناله أجازه بكره...هو ساكن في الهرم أصلاً يعني ممكن يوصل يوم الجمعة قبل الصلاة بشوية :)
انا قررت انا ومعظم زمايلي في الشغل ان احنا نأجز اليوم دة في البيت والواحد مش ناقص صداع الزحمه وهو راجع
ونقعد كدة قدام التلفزيون نفطر ونشرب الشاي ونتفرج على خطاب أوباما
كمان واحد زميلي النهاردة بيقولي ان عمرو اديب بيقول انه سأل مسئول كبير في الأمن عن الموضوع دة فالمسئول قاله إحنا منقدرش نقول للناس متخرجوش من بيوتكم بس لو حد وقف في أشاره 6 ولا 7 ساعات لا يتضايق :shyy:
احنا اخذنا اجازة رسمى
عندى شغل بكره فى وسط البلد وانا ساكن فى الهرم:stink[1]:
وصيتك العيال يا باتعه:eee:
كان عندنا تسليم شغل واضطرينا نأجلة ليوم السبت بالفعل لأن حتى امبارح الدنيا متدربكة وحاجات كتير اتعطلت بسبب القلق اللى عاملينة
بيقولوا بكرة شبكات الموبايل التلاتة مش هاتشتغل
اقتباس:
بيقولوا بكرة شبكات الموبايل التلاتة مش هاتشتغل
yes
مين اللى بيقول
و بعدين ليه ماتشتغلش
مش عايزين موجات كمان تمشى فى الجو يمكن تكون حامله لأى حاجه مش مضمونه
بجد مش فاهم
يا ريت لو حد عنده تفسير علمى لكده يقول
-------
و على فكرة يا علا مش بعيد لو الموضوع ده طلع صح
ممكن يوقفوا النيل من عند المعادى كده علشان الميه ماتعديش من تحت كوبرى الجامعه
و يقطعوا الميه و الكهربا عن محافظة الجيزة كلها
بصراحه حاجه تخنق
---
رحمك الله يا بن الخطاب
حكمت فعدلت فنمت
موضوع شبكات الموبايل ده قريته كذا مره...
بس بيقولوا حول المناطق اللي هايكون متواجد فيها....يعني بإختصار 70% من مساحة القاهرة
أعتقد الهدف من الموضوع ده هو إحباط أي محاولات إتصال ممكن تنقل معلومات هامة أو تدي إشارة تنفيذ لأي حاجة
يا جماعة الوقاية خير من علاج....اللي بيحصل ده أقل واجب لشخصية مثل أوباما...خصوصاً انه مستهدف من أكثر من جهة...و القاهرة سهل قوي يحصل فيها أي مصيبة
انا هنزل من البيت بس لو لقيت اى زحمه هلف وارجع تانى على البيت من قبل مادخل فيها وهرجعها عكسى كمان لو مفيش فتحات...
بجد ترتيبات غريبة و فوق العادة ...بس اكيد عندهم حق من اللبش اللي بيحصل في البلد .. ربنا يعينهم و يصبرنا :)
انا عايز اعرف اروح الشغل و لا لا ؟؟ انا شغلي و سكني في مصر الجديدة ..يا تري هيبقي في قلق و لا ايه ؟؟
صلاح سالم هايبقي متوقف تماماً
لأنه هايزور القلعة
انا شغلي في مصر الجديده صلاح سالم وساكن في مدينه نصر مش عارف اعمل ايه
ربنا يستر معانا ناس ساكنين في الهرم هياخدو بكره اجازه
بكرة اجازة وهنشتغل السبت
بصراحة قمة التخلف
معرض اوتو ماك هيشغل للجمهور بكرة في ارض المعارض
وفي معرض تاني مش عارف بتاع ايه في المؤتمرات في نفس التوقيت
والبيه بتاع امريكا جاي بكرة
لا تعليق
ده شئ عادي بالنسبة للعقليات المصرية القيادية المتخلفة اللي عندنا حاليا
حسبي الله ونعم الوكيل
أول حاجة بما إن صلاح سالم هايبقي متوقف...يبقي أكيد كل الناس هاتهرب للدائري و الأوتوستراد
و بما ان الدائري بينزل علي الكورنيش و الجيزة يبقي أكيد أكيد هايبقي واقف
طبعاً زود علي كده ان العادي بتاعنا الأيام دي ساعة من كارفور لنزلة المعادي عشان أعمال الرصف
يبقي النتيجة النهائية.....لم يتحرك أحد!
من الساعه 9 لحد الساعه 5 او 6 الموبيلات هتبقى مسقطه شبكه :khd:
و من الساعه 9 لحد الساعه 5 مفيش محل على شارع رئيسى يفتح و خصوصا منطقه حدائق القبه و وسط البلد و التحرير طبعا بلاضافه للهرم لان اوباما باشا رايح يتفسح فى الهرم و صلاح سالم هيتقفل لانو رايح يلعب مع الاولاد فى القلعه :11:
والامتحانات اتاجلت
والدنيا عال العال
والحياه بمبى بمبى
وهيدونا كل سنه اجازه زياره اوباما لمصر :36_1_58[1]:
أنا ساكن فى الهرم وشغلى عند شيراتون القاهره فى ميدان الجلاء
يعنى المعمعه كلها أنامستنى مديرنا يوصل بالسلامه وهقولو يدى الشركه كلها أجازه لأن أحنا أثنين من الهرم
وواحد من بولاق بيجى من ناحيه الكوبر الخشب ش التحرير
والثانى أحمد عرابى المهندسين وطبعا كل الطرق المؤديه هتبقى وقفه
بس ممكن ميرداش لأنوساكن جنب المكتب ومش هيحتاج أنو يستخدم العربيه أساسا بيجى على رجلو
طب ماتقابلني بكرة الصبح على الاوتوستراد ونقعد على القهوة اللي عند شق التعبان لغاية ميعاد الشغل ونرجع تاني بيوتنا :shyy:
خد عندك شوية الاخبار الحلوة دي من المصري اليوم
اقتباس:
طلب الأمن بطاقات الرقم القومى من أهالى منطقة (بين السرايات) لـ«تصويرها»ولم يقتصر الأمر على الأهالى فقط بل تعدى إلى طلب الأمن من عمداء ووكلاء كليات جامعة القاهرة ممن سيحضرون الخطاب “صور” بطاقاتهم أيضا .
وتم اختيار ٣٠٠ طالب من جامعة الأزهر، و ٧ طلاب من كل كلية بجامعة القاهرة لحضور الخطاب، على أن يكون فى استقبال أوباما طلبة كلية «الآداب»، وإمعانا فى الإجراءات الأمنية تم تأجيل امتحانات الجامعتين فى هذا اليوم.
اقتباس:
طلبت الأجهزة من جميع البنوك والمحال والمولات والصيدليات ومحطات البنزين ومطاعم الوجبات السريعة الموجودة بشارع الخليفة المأمون، التوقيع على إقرارات تفيد بضرورة إغلاق المحال فى ساعة مبكرة «جداً» من صباح غد وحتى الساعة الخامسة مساء نفس اليوم،
وخالي بالك انه هو انهاردة في الرياض ولا في اي حاجة ولا الحركات والتنطيط اللي عندنا دهاقتباس:
تسلم أمن «الرئاسة» منطقة القلعة، أمس، والمنطقة المحيطة بمسجد السلطان حسن، خاصة أن المسجد «مرشح» لزيارة أوباما، وتم إغلاق منطقة الأهرامات تماما
الحمد لله معنديش اي حاجه بكره اصلا
:36_6_3[1]:
أعلنت إدراتا مرور القاهرة والجيزة عن إجراء بعض التعديلات المرورية بمناسبة زيارة الرئيس الأمريكى باراك أوباما الخميس ، حيث تم تحديد محاور مرورية بديلة لتلك التى ستشملها تحركات الرئيس الضيف للحد من الكثافات المتوقعة.
وتضمنت التعديلات المرورية للمتجه الى مطار القاهرة الدولى والقادم منه اعتبارا من الثامنة وحتى العاشرة صباحا أن يسلك الطريق الدائرى أو طريق المليون شجرة ، إلى مداخل المطار الجديد ومنها إلى باقى صالات السفر والوصول.
وبالنسبة لمستخدمى محاور العروبة وصلاح سالم والخليفة المأمون اعتبارا من التاسعة صباحا وحتى الثانية عشر ظهرا يمكنهم استخدام طريق النصر والأوتوستراد أو الدائرى, والقادم من كورنيش المعادى متجها إلى شارع قصر العينى ووسط المدينة اعتبارا من الحادية عشر صباحا وحتى الواحدة ظهرا يسلك كوبرى الفسطاط ومنه الى طريق الأوتوستراد, مع إمكانية استخدام كوبرى عباس والمنيب بدلا من كوبرى الجامعة.
وفيما يتعلق بمستخدمى شارع الجيزة ونفق الجلاء وشارع النيل اعتبارا من الثانية عشرة ظهرا وحتى الساعة الثالثة ظهرا يمكنهم استخدام كوبرى فيصل العلوى فى إتجاه شارع السودان حتى مناطق شمال الجيزة , والمتجه من شارع سراى الجزيرة الى مناطق الزمالك من الساعة الثانية عشر الى الثالثة ظهرا يسلك كورنيش النيل حتى كوبرى 15 مايو ثم منزل شارع 26 يوليو.
أما القادم من ميدان الرماية فسيتجه مباشرة إلى شارعى الملك فيصل والهرم دون التوجه إلى مطلع فندق مينا هاوس اعتبارا من الساعة الحادية عشر صباحا , وقد تم كذلك تحديد مواقف سرفيس بديلة لموقفى السيدة عائشة وحدائق القبة, وذلك بموقعين أسفل كوبرى الأباجية وشارع ولى العهد.
وأعربت إدارتا مرور القاهرة والجيزة عن أملهما فى تعاون المواطنين,
وأعلنتا عن تخصيص رقم هاتفى وهو 136 لتلقى أى استفسارات
انا بكرة عندى تسليم اجهزة علشان فى عمليتين بكرة بنفس الجهاز فى مكان واحد
غالبا هبيت العربيه بالاجهزة فى القصر العينى واسيب المفتاح للدكتور ياخد الاجهزة الصبح
ربنا يهديهم واليوم يخلص من غير قلق
شوفو اللينك دا فيه تعديلات مرورية تساعد كل واحد في الاتجاه بتاعو:
http://www.egypty.com/news-details.aspx?news=7003
أنا حاخدها من قاصرها
وحأاجز بكرة
لإني عند الفنجري
والمنطقة دي لبش من النهاردة
وبالمرة عشان اتابع الاحداث عبر ال t.v
عايز اعرف برده ليه اوباما ميركبش طياره خاصة و يروح المكان اللى هو عايزه .
انا لو حطيته فى دماغى الرجل ده مش هرجعه بلده :)
يعنى المصريين يقتلوا فى بعض و كل يوم جريمة و الحكومة سايباهم و لما ييجى الرئيس الامريكى يظهروا افضل ما عندهم !!
روحوا ربنا ينتقم منكم كلكم يا ولاد أل ....
و يا رب حد من بتوع القاعدة يشوفوا شغلهم و يخلصونا بقي .
كل يوم بحب البلد دي أكتر .. بقيت أعشقها عشق !
تعالوا شوفوا حدائق القبه عندنا بقت عامله ازاي !!!!!! ...النافوره اللي اتعملت وبقيت بتدي الوان والجناين اللي اتروقت والشوارع اللي اتخططت وادهنت في ميدان الحدائق عند قصر القبه ...اصل تقريبا الخواجه هيبيت عندنا في قصر القبه وتقريبا هيطلب ديليفري من كشري الزعيم:verygood: اللي قصاد القصر ....واي واحد من اهل الحدائق مايفكرش يستخدم المترو بكره لانه مستحيل يوصل ليه ....
التشويش مش بيبقى من الشركة
ده من عربيات تبع الحراسه فيها اجهزة لكدة
الحل : اتكل ارضى يابن بلدى
صوتك بقى باين اوى عندى
الله يخرب بيت اوباما لامريكا
انا كان ورايا امتحان بكره اأجل يوم 18 يعنى بعد ما كنت هاخلص 14 ....... منه لله
هما يزورو واحنا نتقرف
التغطية التليفزيونية اللي عاملاها الفضائية المصرية عن الزيارة علي الهواء مباشرة أقل ما يقال عليها إنها زبالة و حاجة تكسف .. حتي المعلقين بيتكلموا كلمة و يسكتوا سنة و ساعات يقولوا كلمة و ميكملوش الجملة .
ياريت ييجي كل يوم انهارده الاوتوستراد والدائري فاضيييييييييييييين عالاخر من الصبح -عكس المتوقع تماماً باين الناس كلها خافت