خفض أسعار السيارات 12.5 % هذا الاسبوع ؟؟؟

**AshTurbo** · 03-06-2009 05:03 PM

المشاركة الأصلية كتبت بواسطة semsem kane

ياجماعة مالناس بتشترى عادى ولا حد فى بالة حاجة وكل يوم اشوف كام عربية جديدة لسة بورقها ماشيين فى الشارع دة غير النيو سيراتو ,اللى بقت مالية البلد بقيت بشوفها كتير جدا كل دة والناس بتشترى طيب هايشيلوا او يخفضوا الضرائب لية ,كدة كدة النسبة هتبقى قليلة حتى لو شالوا الضرائب الناس مش هتضيع فلوسها فى العربيات واحنا عارفين اننا داخلين على ايام مايعلم بيها الا ربنا.والبنزين هايغلى يعنى انا اتوقع لو غلى هيبقى مثلا ال92 ب 2.25 وال95 هيبقى 3.50 يعنى الواحد لو هايجيب عربية زيرو مش هايمونها غير 92 يعنى هايطلع عينة فى البنزين فاهيفكر الف مرة قبل مايشترى عربية جديدة ,لان بجد لو البنزين غلى تانى يبقى حرام بجد لان احنا اغلى دولة بيتباع فيها بنزين ,دة غير اننا الدولة الوحيدة اللى البنزين عندنا بيثبت على سعر لفترة طويلة مش متغير يوميا زى بقيت الدول الاخرى على حسب سعر الدولار ,بس انا عمرى ماتخيلت يوم انى بعد ماشوفت بنزين 95 ب2.75 اشوفة مثلا 1.75 وال92 بعد ماكان 1.85 يبقى مثلا 1.10 صعب جدا,مافيش حاجة عندنا اسمها سعر يقل ,لائما يبقى الحال كما هو علية لائما يزودوة حتى لو كان قليل فى العالم كلة

أيوة الناس بتشتري عادي بس كام واحد بيشتري من أصل كام يعني أنت بتقول كل يوم أشوف كام عربية جديدة ولسة بورقها ماشي كلامك بس السنة الي فاتت مثلاً هنلاقي أن العربيات المباعة عدت حاجز 260 ألف عربية تتصور السنة دى هتوصل كام ؟ لو وصلت ربع الرقم دة يعتبر أنجاز بكل المقاييس .

تعليقاً على كلامك في البنزين طبعاً حال البلد لا يسمح برفع سعر البنزين ولكن مقارنة بسعر البنزين عالمياً أحنا أسعارنا معتدلة ومتقارنش بينا وبين دول الخليج لأن دي دول منتجة ومصدرة للبترول عندنا في مصر الحكومة بتدعم الطاقة بأكثر من 60 مليار في السنة ودي ميزانية ثقيلة ومتعبة فتخيل لو تحرر سعر البنزين من الدعم هيوصل لكام .

**medhatamr** · 03-06-2009 05:31 PM

لو فرضنا جدلا انة خبر صحيح فلن يحدث تغيير سوى زيادة مكسب الوكلاء الطماعين وذلك باضافة بعض الكماليات الوهمية لزيادة الاسعار - فهل يعقل ان سيارة مثل اللوجان (بدون جمارك) وتكون بهذة الاسعار رغم تواضع السيارة؟ .

**نور العمر** · 03-06-2009 06:19 PM

لا اعتقد الخبر صحيح
بس هما حيعملو تخفيضات جامدة لتنشيط حركة البيع
حتى ما بعد رمضان
وتسهيلات في القروض
وممكن يقللوا سعر الفائدة

غير كدة

احنا في مصر

**AshTurbo** · 03-06-2009 09:24 PM

المشاركة الأصلية كتبت بواسطة jisso82

و هتعمل إيه لو لقدرالله حصل العكس و العربيات زادت

الكلام دة مش هيحصل في 2009 بأذن الله وبعدين لو حصل أيه المشكلة يعلي يا ريس أياكش يوصل الأسعار للسما هو حر بضاعته ويصرفها براحته وأنا حر فلوسي ومش هدفعها الا لما يجيني مزاج مش لما حتى الأسعار تنخفض لما يقولي أشتري واحدة وخد الثانية مجاناً ما أنا حر بقى .

**tutankhamoun** · 03-06-2009 10:35 PM

المشاركة الأصلية كتبت بواسطة semsem kane

ياجماعة مالناس بتشترى عادى ولا حد فى بالة حاجة وكل يوم اشوف كام عربية جديدة لسة بورقها ماشيين فى الشارع دة غير النيو سيراتو ,اللى بقت مالية البلد بقيت بشوفها كتير جدا كل دة والناس بتشترى طيب هايشيلوا او يخفضوا الضرائب لية ,كدة كدة النسبة هتبقى قليلة حتى لو شالوا الضرائب الناس مش هتضيع فلوسها فى العربيات واحنا عارفين اننا داخلين على ايام مايعلم بيها الا ربنا.والبنزين هايغلى يعنى انا اتوقع لو غلى هيبقى مثلا ال92 ب 2.25 وال95 هيبقى 3.50 يعنى الواحد لو هايجيب عربية زيرو مش هايمونها غير 92 يعنى هايطلع عينة فى البنزين فاهيفكر الف مرة قبل مايشترى عربية جديدة ,لان بجد لو البنزين غلى تانى يبقى حرام بجد لان احنا اغلى دولة بيتباع فيها بنزين ,دة غير اننا الدولة الوحيدة اللى البنزين عندنا بيثبت على سعر لفترة طويلة مش متغير يوميا زى بقيت الدول الاخرى على حسب سعر الدولار ,بس انا عمرى ماتخيلت يوم انى بعد ماشوفت بنزين 95 ب2.75 اشوفة مثلا 1.75 وال92 بعد ماكان 1.85 يبقى مثلا 1.10 صعب جدا,مافيش حاجة عندنا اسمها سعر يقل ,لائما يبقى الحال كما هو علية لائما يزودوة حتى لو كان قليل فى العالم كلة

أنت عارف سعر البنزين الحقيقي كام ؟؟؟
لو عايز سعره يرتبط بالدولار ......... اللتر مش هايقل عن 6 أو سبعة جنيه .

الدول الأوروبية و أمريكا الشمالية الأسعار فيها متفاوتة علشان معندهومش دعم زينا .

إنما البنزين في مصر من أرخص البنزين في العالم ( بإستثناء الدول الغنية بتروليا في الخليج ) .

يعني لتر البنزين في أوروبا ثمنه بحوالي جنيه أسترليني ...... و يورو و شوية .
و بيعلي شوية و ينزل شوية علشان مرتبط بهبوط و أرتفاع الأسعار .

أما في مصر الحكومة بتدعم الطاقة و البنزين و الجاز ........

ممكن يكون ثمنه غالي على الشعب علشان الشعب دخله مش عالي .
إنما ستظل مصر من البلاد الأرخص عالميا في البترول و الطاقة عموما .

**Abo.Omar** · 03-06-2009 11:20 PM

اذا كان عايزين يغلوا البنزين يبقى هيلغوا جزء من الضرائب على العربيات

+1111111111

**Samir Elshahawy** · 03-06-2009 11:23 PM

أنت عارف سعر البنزين الحقيقي كام ؟؟؟
لو عايز سعره يرتبط بالدولار ......... اللتر مش هايقل عن 6 أو سبعة جنيه

ماتحسبهاش كده , لان هناك فرق كبير بين دخل الفرد بره و بين دخل الفرد هنا في مصر لذا المقارنة تكون كالاتي:
أن لو سعر لتر البنزين بره = 1 يورو أو = 1 دولار (وفق مستوي الدخل)
يبقي في مصر المفروض يكون سعر لتر البنزين = 1 جنيه (نظرا لتدني دخل الفرد هنا)

لكن لو دخولنا هنا زي بره يبقي ساعتها نقارن الاسعار بأسعار بره

**أحمد كمال** · 03-06-2009 11:28 PM

المشاركة الأصلية كتبت بواسطة ashturbo

والله عن نفسي مش هأشتري الا لم تنخفض بجد قالوا 12% قالوا 30 % أنا فلوسي في جيبي ومقضيها شعلقة في المواصلات عنداً فيهم وكل يوم عندي بيزيد وبالنسبة للخبر أنا ممكن أصدق في حالة واحدة بس لو وزير المالية ( الغالي علينا غالي ) ربنا أفتكره ورحمه ورحمنا ساعتها أفكر أصدق .

أخي في الله حرام تقول ربنا افتكره لأن ربنا ما بينساش

**أحمد كمال** · 03-06-2009 11:29 PM

المشاركة الأصلية كتبت بواسطة tutankhamoun

أنت عارف سعر البنزين الحقيقي كام ؟؟؟
لو عايز سعره يرتبط بالدولار ......... اللتر مش هايقل عن 6 أو سبعة جنيه .

الدول الأوروبية و أمريكا الشمالية الأسعار فيها متفاوتة علشان معندهومش دعم زينا .

إنما البنزين في مصر من أرخص البنزين في العالم ( بإستثناء الدول الغنية بتروليا في الخليج ) .

يعني لتر البنزين في أوروبا ثمنه بحوالي جنيه أسترليني ...... و يورو و شوية .
و بيعلي شوية و ينزل شوية علشان مرتبط بهبوط و أرتفاع الأسعار .

أما في مصر الحكومة بتدعم الطاقة و البنزين و الجاز ........

ممكن يكون ثمنه غالي على الشعب علشان الشعب دخله مش عالي .
إنما ستظل مصر من البلاد الأرخص عالميا في البترول و الطاقة عموما .

حسبتك للاسف غلط لاننا دولة مصدرة للبنزين و مشتفات البترول ..... اوروبا مستورد .....

غير طبعا فرق الدخول و القوة الشرائية و غيره

**أحمد كمال** · 03-06-2009 11:33 PM

المشاركة الأصلية كتبت بواسطة medhatamr

لو فرضنا جدلا انة خبر صحيح فلن يحدث تغيير سوى زيادة مكسب الوكلاء الطماعين وذلك باضافة بعض الكماليات الوهمية لزيادة الاسعار - فهل يعقل ان سيارة مثل اللوجان (بدون جمارك) وتكون بهذة الاسعار رغم تواضع السيارة؟ .

اللوجان مش بدون جمارك

باختصار اتفاقية اغادير بتقول السلع المغربية اللي فيها مكون محلي تخش مصر بدون جمارك و العكس صحيح

بس اصلا جمارك السيارات في المغرب زي اختها في مصر ..... اقل حاجة بسيطة 30% بدل 40% عالعربيات ال 1600 سي سي ......

يعني من الاخر الموضوع مش معناه انك هتركب العربية بدون جمارك زي الخليج .... هي هتبقى ارخص شوية صغيرين يعني بتاع 8 الاف جند