خفض أسعار السيارات 12.5 % هذا الاسبوع ؟؟؟

**Bossy_Fadl** · 04-06-2009 03:55 AM

يخفضوا اسعار العربيات؟

ده لو هما نفسهم سمعوا هالخبرية هيقولولنا "خلوها تصدي...و لا تاخدوهاش بتخفيض 12,5%"

**jisso82** · 04-06-2009 08:59 AM

المشاركة الأصلية كتبت بواسطة ak1981

حسبتك للاسف غلط لاننا دولة مصدرة للبنزين و مشتفات البترول ..... اوروبا مستورد .....

غير طبعا فرق الدخول و القوة الشرائية و غيره

معلش أنا مختلف معاك فى النقطة دى مين قالك إننا دولة مصدرة للبترول. دور كويس و اسأل هتلاقى مش أى بترول ممكن تستخلص منه مشتق عالى الجودة زى البنزين أحد أجود مشتقات البترول و الموضوع ده بيرجع فى الأصل لطبيعة و نقاء الخام المستخرج. يعنى أى خام بترول فى الدنيا بيطلع نسب مختلفة من الجازولين و البنزين و القار اللى هو الأسفلت ده فى آخر السلسلة طبعا و بينهم بعض الأنواع التجارية الأخرى اللى تستخدم استخدامات تجارية مختلفة. و طبعا نسب المشتقات السابقة من إجمالى المستخرج من الزيت الخام بتختلف طبقا لنوع الخام المستخدم زى ما قلت قبل كده و مش محتاج أذكر لحضراتكم إن البترول بتاعنا خام قليل الجودة إلى حد كبير و ما بيطلعش نسبة البنزين اللى تكفينا تجاريا فمصر بتصدر باقى المشتقات اللى الخام بتاعها غنى بيه و بتستورد المشقات اللى خامها فقير فيه نسبيا.

على فكرة المعلومة دى مش فتى و لا نقلا عن حد (أخوك خريج إدارة منشآت بترولية و ده جزء من مادة اقتصاديات البترول)

**Ahmed Samy** · 04-06-2009 09:29 AM

هي بترمي كتاكيت ؟؟؟؟؟؟؟

**Ahmad Aboul Fotouh** · 04-06-2009 10:41 AM

ده لو صحيح الواحد يشتري دستة عربيات و يوزعها علي الجيران
هههههههههههه

**ahmedabdelhamed** · 04-06-2009 11:04 AM

انا مع الموضوع دة ومصدقه العالم رايح فى دهية .. فانا شخصيا مصدق مش بمزاج الحكومة دى مجبرة على دة

**SAMEH_FOUAD** · 04-06-2009 12:28 PM

انتوا متخيلين ان الحكومة هدعم البنزين بالمبالغ الباهظة اللى حضرتك كاتبها (60 مليون يورو) ماعتقدش ابدا ان دة الفرق انا اللى اعرفة ومتاكد منة 100*100 ان البنزين اللى بيدعم بس هو ال80 او بمعنى اصح هو اللى واخد نسبة الدعم الكبرى
وحضرتك بتقول اننا هنا ارخص دولة بيتباع فيها ازاى مقارنة بالدول الاوروبية لا الكلام دة مش صحيح ,دول اوروبا وهانيجى مثلا زى المانيا او انجلترا البنزين هناك مابيعديش 1 دولار وكفاية ان (المواطن الاوروبى عارف كويس جدا انة بيدفع تمن لتر البنزين وهو متاكد انة مش مغشوش او متخلط وبيبقى نقى جدا طبعا كل درجة على حسب نوع البنزين
مش احنا اللى تبقى داخل تمون 92 /95 وتلاقى الدنيا خربت عندك بعد مامونت والعربية بقت بترجرج والرشاشات او البيجات اتسدد ,وان معملتش كدة يبقى البنزبن بيطير بسرعة الصاروخ يعنى لو قرصت شوية على العربية تلاقى المؤشر فى النازل
يبقى حرام ولا مش حرام ,شوف انا لو اللتر بقى 3 جنية هامون بس ادفع والقى بنزين كويس ونظيف مش يغلى وندفع كمان حق تغيير رشاشات وطرمبة بنزين بسبب ردائة نوع البنزين المستخدم وانا مش عارف امون اكتر من كدة انا بمون 95 متهيالى لو مونتة من دول تانية هاحس انى كنت بمون 70 مش 95

**tutankhamoun** · 04-06-2009 04:16 PM

المشاركة الأصلية كتبت بواسطة semsem kane

انتوا متخيلين ان الحكومة هدعم البنزين بالمبالغ الباهظة اللى حضرتك كاتبها (60 مليون يورو) ماعتقدش ابدا ان دة الفرق انا اللى اعرفة ومتاكد منة 100*100 ان البنزين اللى بيدعم بس هو ال80 او بمعنى اصح هو اللى واخد نسبة الدعم الكبرى
وحضرتك بتقول اننا هنا ارخص دولة بيتباع فيها ازاى مقارنة بالدول الاوروبية لا الكلام دة مش صحيح ,دول اوروبا وهانيجى مثلا زى المانيا او انجلترا البنزين هناك مابيعديش 1 دولار وكفاية ان (المواطن الاوروبى عارف كويس جدا انة بيدفع تمن لتر البنزين وهو متاكد انة مش مغشوش او متخلط وبيبقى نقى جدا طبعا كل درجة على حسب نوع البنزين
مش احنا اللى تبقى داخل تمون 92 /95 وتلاقى الدنيا خربت عندك بعد مامونت والعربية بقت بترجرج والرشاشات او البيجات اتسدد ,وان معملتش كدة يبقى البنزبن بيطير بسرعة الصاروخ يعنى لو قرصت شوية على العربية تلاقى المؤشر فى النازل
يبقى حرام ولا مش حرام ,شوف انا لو اللتر بقى 3 جنية هامون بس ادفع والقى بنزين كويس ونظيف مش يغلى وندفع كمان حق تغيير رشاشات وطرمبة بنزين بسبب ردائة نوع البنزين المستخدم وانا مش عارف امون اكتر من كدة انا بمون 95 متهيالى لو مونتة من دول تانية هاحس انى كنت بمون 70 مش 95

أولا مين قال لحضرتك أن البنزين في أوروبا مش بيعدي دولار ؟؟؟
البنزين في أنجلترا ثمنه من جنيه أسترليني إلى جنيه و ربع أسترليني و ووصل من كام شهر لما البترول كان غالي لجنيه و نصف الجنيه الإسترليني . ( أنجلترا دولة منتجة للبترول من بحر الشمال ) يعني مش مستهلكة بس .

الحاجة التانية موضوع نقاء البنزين ملوش دعوة بدعم الحكومة بقدر ما هو عيب المحطات اللي بتخزن اللي نلوم الحكومة في عدم متابعتها لهم المتابعة الدقيقة .

البنزين ال 95 هنا في مصر بنزين ممتاز و أغلب البنزين الموجود كويس .

المشكلة زي ما قلت في المحطات .

الحاجة التالتة المهمة و هي هل عربيتك محتاجة 95 ؟؟
لو معدل الأنضغاط مناسب له 92 أو 90 يبقى أنت بتضيع فلوسك على الفاضي ظنا منك أنك هاتأخد أداء أحسن .
الموضوع بيتوقف على موتورك محتاج أيه ؟؟؟؟

نرجع تاني لموضوع الدعم و الحكومة .
الإنتاج المصري من البترول من البترول غير النقي زي ما الأخ جيسوا وضح و قال .

و لذلك مصر بتستورد بنزين 92 و 95 من الأماارات و ليبيا .

و لازلت مصر من أرخص دول العالم في مصادر الطاقة
بنزين و كيروسين ... و غاز طبيعي .

**AbO_FaRaH** · 04-06-2009 05:50 PM

المشاركة الأصلية كتبت بواسطة SE_coralsea

خبر لسه سامعه دلوقتي من أحد الزملاء بأن أسعار السيارات سوف تنخفض خلال أسبوع بنحو 12.5 % و هي مقدار الضرائب التي تفرضها الحكومة و يبدوا ان هناك قرار بألغاء هذه الضرائب نظرا لحالة الركود الشديد الذي أصابت سوق السيارات في الفترة الاخيرة

بصراحة مش عارف الخبر ده صح و لا لأ بس قلت أنقله لكم يمكن حد يكون عنده تأكيد

على فكره انا سمعت نفس الكلام من اكتر من شخص بس مفيش حد متاكد من المعلومة

**Anxs111** · 05-06-2009 05:16 PM

المشاركة الأصلية كتبت بواسطة semsem kane

,دول اوروبا وهانيجى مثلا زى المانيا او انجلترا البنزين هناك مابيعديش 1 دولار

مصدر المعلومه دي إيه بالظبط .
البنزين في أوروبا مولع في الأسعار . لتر البنزين في إيطاليا 3 يورو . (واحد صاحبي لسة راجع من هناك من شهر )
تملك العربيات في بلد زي فرنسا مكلف جداً .
لتر البنزين في كندا 1 دولار أمريكي (ده أعلى من سعر السوق بسبب الضرائب ) . لتر البنزين في أمريكا حوالي 0.65 دولار (طبعاً عشان مسروق من العراق والضرائب عليه قليله )
في بلد كتير البنزين فيها غالي جداً . لكن مننسش حاجتين الدخل برضه مناسب ، واللي دخله ميسمحش زي ناس كتير جداً هنا في كندا وفي اوروبا في مواصلات نضيفة .
مصر حلها في توفير مواصلات نقل عام نضيفة و تفضل نضيفة علطول مش أول شهر بعد الوزير ما يخدلو صورة معاها . ده يتطلب شغل من الحكومه و حاجه بسيطة من الناس اسمها الأخلاق والنضافة . وأن الشباب ميستغلهاش عشان يجيب صاحبته فيها إحتراماً للأسر اللي بتركب الأتوبيس مش لصحبته طبعاً .