الموضوع: خفض أسعار السيارات 12.5 % هذا الاسبوع ؟؟؟

مفيش فايده خلوها تصدي

المشاركة الأصلية كتبت بواسطة semsem kane

انتوا متخيلين ان الحكومة هدعم البنزين بالمبالغ الباهظة اللى حضرتك كاتبها (60 مليون يورو) ماعتقدش ابدا ان دة الفرق انا اللى اعرفة ومتاكد منة 100*100 ان البنزين اللى بيدعم بس هو ال80 او بمعنى اصح هو اللى واخد نسبة الدعم الكبرى
وحضرتك بتقول اننا هنا ارخص دولة بيتباع فيها ازاى مقارنة بالدول الاوروبية لا الكلام دة مش صحيح ,دول اوروبا وهانيجى مثلا زى المانيا او انجلترا البنزين هناك مابيعديش 1 دولار وكفاية ان (المواطن الاوروبى عارف كويس جدا انة بيدفع تمن لتر البنزين وهو متاكد انة مش مغشوش او متخلط وبيبقى نقى جدا طبعا كل درجة على حسب نوع البنزين
مش احنا اللى تبقى داخل تمون 92 /95 وتلاقى الدنيا خربت عندك بعد مامونت والعربية بقت بترجرج والرشاشات او البيجات اتسدد ,وان معملتش كدة يبقى البنزبن بيطير بسرعة الصاروخ يعنى لو قرصت شوية على العربية تلاقى المؤشر فى النازل
يبقى حرام ولا مش حرام ,شوف انا لو اللتر بقى 3 جنية هامون بس ادفع والقى بنزين كويس ونظيف مش يغلى وندفع كمان حق تغيير رشاشات وطرمبة بنزين بسبب ردائة نوع البنزين المستخدم وانا مش عارف امون اكتر من كدة انا بمون 95 متهيالى لو مونتة من دول تانية هاحس انى كنت بمون 70 مش 95

ههههههههههههههههه
ههههههههههههههههههههههه

المشاركة الأصلية كتبت بواسطة se_coralsea

خبر لسه سامعه دلوقتي من أحد الزملاء بأن أسعار السيارات سوف تنخفض خلال أسبوع بنحو 12.5 % و هي مقدار الضرائب التي تفرضها الحكومة و يبدوا ان هناك قرار بألغاء هذه الضرائب نظرا لحالة الركود الشديد الذي أصابت سوق السيارات في الفترة الاخيرة

بصراحة مش عارف الخبر ده صح و لا لأ بس قلت أنقله لكم يمكن حد يكون عنده تأكيد

أنا ممكن أصدق الكلام ده عشان حاجه وحده وهي إن الحكومه ليها ناس شغالين في العربيات يهمها أمرهم ويعز عليها أنهم ميكسبوش ملايين الملايين بالنصب

(وأكيد مش عشان الناس الغلابة اللي شغاله في إلشركات دي لأن في أسوأ الظروف هينضمو لكتير من المصريين اللي مخهم فوت من كتر الظلم و محدش عبرهم )

و في مكسب تاني إن الحكومة لما تتنازل عن 12.5 % دول مواردها هتقل وأكيد ده هييجي على دماغنا برضه

وبكده يكونوا ضربوا عصفورين (الحراميه مكسبهم لا يقل و الشعب مخه يفوت أكتر ) بحجر واحد (التنازل عن إل 12.5 % ) . و بكده دي صفقة كسبانة بموازينهم وأكيد مرغوب فيها

إن شاء الله بس ياريت تقول عرفته منين