مشكلة في البطارية ولا ايه الحكاية؟!!!

**mmahermf** · 03-06-2009 12:40 PM

من يوم الجمعة اللى فات شغلت التكييف مدة 2 لأول مره على طريق مفتوح الاتوستراد اتجاه 15 مايو وبعدين تاني يوم البطارية مدورتش العربية ... طلعت الكابلات من الشنطة (العربية اوتوماتيك) وواحد ابن حلال اداني وصلة ودارت والحمد لله.

رحت لصيانة البطارية وهي جافة وتم شراءها يوم 4/4/2009 من الروماني اللى على ناصية شارع المخابرات والقصر الجمهوري المهم قاس الشحن وقلت له على اللى حصل قالي كله تمام ولو عملت حاجة هاتها.

فوتت يوم العربية وعلمتها اليوم التالي وبدون تشغيل تكييف والحل كان وصلة برضو ورحت الشغل ورحت بعده لمحمد السيد الكهربائي اللى في الدقي وانا أول مرة اروح له وهو محل صغير على شمال ناصية جابر ابن حيان (الكلام ده مظبوط؟) واحد كشف وطمني ان الشحن سليم وقال لى اي حاجة تانية تبقي من البطارية
وبعدين طلعت علي الروماني واستلمها صيانة واداني واحدة سيرفيس..

برضو السرفيس فوتت يوم تدوير والتاني أبدا واللى زاد أن الوصلة مش مقومه البطارية لدرجة ان مفيش حاجة شغاله ولا حتي السنتر

جبت كهربائي خدها حطها (بطارية السرفيس) على التونجر قبلت شحن وسابها ساعة والعربية دارت وروحت للروماني أشوف بطاريتي اخبارها ايه وحكيت على اللى حصل وقال لي ان بطاريتك خلصت صيانتها وحتستلمها دلوقت... وركبهالي امبارح بالليل والنهارده دارت...

دلوقت أنا حاسس انها حتعملها معايا تاني أيه الموضوع بطارية؟ ولا العربية فيها حاجة؟ أتأكد إزاي؟

البطارية نوعها أندونيسي غريب عليا

**samirayad** · 03-06-2009 03:29 PM

أطمن على شحن الدينامو ( فولت وأمبير ) لأن واضح أن فيه مشكله فى الدينامو

**MMamdouh** · 03-06-2009 03:45 PM

هل شحن الدينامو مضبوط فى كل مرات الكشف؟

MMamdouh

**samirayad** · 03-06-2009 03:51 PM

برضو السرفيس فوتت يوم تدوير والتاني أبدا واللى زاد أن الوصلة مش مقومه البطارية لدرجة ان مفيش حاجة شغاله ولا حتي السنتر

لا دا واضح أن الدينامو عاوز شغل جامد ( أحنمال كبير سيلكونات ......ويمكن كتاوت .....ويمكن يكون الشربون متآكل ......أو سوستة بيت الفحم ضعيفه وعاوزه تتغير ) وده حيبان مع الكشف والقياسات الكهربيه .............لأن أما كان بيدور ويمشى بالعربيه... ....كان اللى مشغل العربيه البطاريه مش الدينامو وده بيستمر لحد ماتفضى البطاريه... ......والمفروض كان يلاحظ لمبة بيان الشحن برضه ( بتنور لما الدينامو بطل شحن ولا لا ) وقد تكون اللمبه مفصوله أو محروقه مثلا

**mmahermf** · 03-06-2009 04:11 PM

المشاركة الأصلية كتبت بواسطة mmamdouh

هل شحن الدينامو مضبوط فى كل مرات الكشف؟

mmamdouh

الراجل بتاع البطارية كشف بالجهاز على الشحن ومقالش اي حاجة عن الشحن!!!!!!!!!!

الراجل بتاع محمد السيد قال كله تمام ومفيش ماس واي حاجة يبقي بطارية!!!!!!!!!!!!

وبالتالي لو فيه مشكلة كان الراجل بتاع البطارية مسك فيها وقال انها مشكلتي أنا

**mmahermf** · 03-06-2009 04:15 PM

المشاركة الأصلية كتبت بواسطة samirayad

لا دا واضح أن الدينامو عاوز شغل جامد ( أحنمال كبير سيلكونات ......ويمكن كتاوت .....ويمكن يكون الشربون متآكل ......أو سوستة بيت الفحم ضعيفه وعاوزه تتغير ) وده حيبان مع الكشف والقياسات الكهربيه .............لأن أما كان بيدور ويمشى بالعربيه... ....كان اللى مشغل العربيه البطاريه مش الدينامو وده بيستمر لحد ماتفضى البطاريه... ......والمفروض كان يلاحظ لمبة بيان الشحن برضه ( بتنور لما الدينامو بطل شحن ولا لا ) وقد تكون اللمبه مفصوله أو محروقه مثلا

أتاكد ازاي وأروح لمين؟؟
والموضوع ده مش ممكن يكون البطارية وحظي الوحش ان البطارية السرفيس تعبانة وخصوصا انها نفس النوع وعنده منها على الأرض بتاع 10 أو 15 واحدة وقعد ينقي ويقيس قبل ما يديني واحدة.

**zocor742** · 03-06-2009 05:30 PM

طيب حاول تبدل البطارية مع حد صحبك يومين او تلاتةبس يكون نوع تانى خالص لو المشكلة راحت
يبقى نوع البطارية دى اى كلام
مش معقول اتنين كهربائية هيكشفوا على كهربة العربية ومفيش واحد منهم اكتشف مشكلة فى الدينامو
خير ان شاء الله وهتلاقيها حاجة بسيطة ان شاء الله

**otefa** · 03-06-2009 05:42 PM

عندك احتمال كبير يكون عندك حاجة بتسحب كهربة البطارية وهي واقفة من بليل للصبح
لما تركن العربية بالليل فك السالب بتاع البطارية وركبه الصبح واعمل الموضوع ده يومين 3 هيبان المشكلة فين كدة طالما محدش من الصنيعية عارف يلقطها
وبعدين انت قلت فوتت يوم والي بعده ما اشتغلتش يبقي في الاغلب المشكلة مش في الدينمو

**samirayad** · 03-06-2009 08:43 PM

المشاركة الأصلية كتبت بواسطة mmahermf

الراجل بتاع البطارية كشف بالجهاز على الشحن ومقالش اي حاجة عن الشحن!!!!!!!!!!

الراجل بتاع محمد السيد قال كله تمام ومفيش ماس واي حاجة يبقي بطارية!!!!!!!!!!!!

طيب عارف هو قاس أزاى.................وبرضه فاكرنى كده بكل اللى عملته فى العربيه أخيرا ........

-

الموضوع: مشكلة في البطارية ولا ايه الحكاية؟!!!

LinkBack

أدوات الموضوع

عرض

مشكلة في البطارية ولا ايه الحكاية؟!!! - انشر الموضوع فى :

-

-

-

-

المواضيع المتشابهه

مشكلة مع البطارية

مشكلة مع البطارية

مشكلة في البطارية

مشكلة في البطارية

مشكلة في البطارية

الكلمات الدلالية لهذا الموضوع

المفضلات

المفضلات

ضوابط المشاركة