سؤال لخبراء الجنوط، عايز جنوط بولونيز

**amrnader** · 03-10-2007 12:43 PM

السلام عليكم يا جماعة، احنا عندنا عربية بولونيز قديمة و عايزين نشدها، لأنها مش هاتجيب تمنها لو اتباعت،

اول حاجة عايز اجيبلها جنوط سبور لأن الطقم الجنط البلدى اتنحل خلاص، بس لفيت على الناس بتوع الجنوط، كل االلى عندهم صينى، مش مشكلة، بس مبيركبش، جربت اشكال و الوان كله مبيركبش، المسافة بين المسامير مش ماشية مع الجنط،

يا ريت لو حد حصله الموضوع ده او يعرف مكان كويس عنده نوع يركب يقول و شكرا.

**Hossam_Hassan** · 03-10-2007 12:47 PM

انصحك بلاش الاسبور علشان العربية تقيلة قوى، انزل الحرفيين و جيب طقم بتاع ال 132 استيراد، جامد و شيك و هيركب عندك

**amrnader** · 03-10-2007 12:51 PM

شكرا ليك يا حسام، بس انا عايز حاجة جديدة، انا تعبت من الاستعمال، لو فى حاجة بلدى بس جديدة ماشى.

**Hossam_Hassan** · 03-10-2007 12:57 PM

مفيش غير شركة النصر تحاول تجيب منها جنوط 128 أو شاهين بس بيتهيألى صعب، بجد لو لقيت جنوط 132 استيراد حالتهم كويسة يبقى أحسن و أسأل أخونا درش هيكون أدرى واحد فى الموضوع ده.

**hazem_khidr** · 03-10-2007 05:39 PM

مفيش غير شركة النصر تحاول تجيب منها جنوط 128 أو شاهين

جنوط ال 128 و ال الشاهين هيا 13 اينعم بس عرضها 5 بوصه مش 5.5 زي البولونيز و ال 125 و ال 132 ال جي ال اس.
ممكن تجيب فعلا طقم جنوط 132 و دا حيبقي 14 مش 13 زي اللي فيها و شكله مناسب للعربيه.
و ممكن تلاقي عند تاجر قطع الغيار جنوط ابارث برضه كانت بتنزل في موديلات من فيات و بتركب عادي علي البولونيز.
لو لعلمك فيه جنوط كتير جدا بتركب علي البولونيز بس لازم بتغير المسامير و بس دا لو عاوز جديد.
و اسأل اخونا نادر هو يعرف محلات جنوط كتير

**amrnader** · 04-10-2007 01:24 AM

شكرا يا حازم على الرد، بس ازاى اغير المسامير؟؟ هى المسافة ما بين المسامير مش ماشية مع الجنط، هل تغيير المسامير هيفرق؟

**hazem_khidr** · 04-10-2007 05:17 AM

العفو علي يا يا عمرو دا اقل واجب :)
اكيد لو ركبت مسامير اطول حتفرق و حتبقي كويسه علشان سمك الجنط الاسبور بيبقي اكبر من الجنط العادي
اما لو جبت جنوط 132 ف دي حتركب من غير ما تغير المسامير